Mr 16:14 - Chuj San Sebastian Bible

¹⁴ Ax 'a jun 'ejm xo, yic wan swa eb' scuywum Jesús chi yuxlchwan̈il, 'ix sch'oxn sb'a 'a eb'. 'Ix yaln spaltail eb' yujto chab'c'ojlal yaj eb'. Pit xyutj sb'a eb', yujto ma'ix schaj eb' yab' 'a eb' x'ilni yic tox 'ix pitzw paxi.

Chuj San Mateo Bible

¹⁴ Axo junelxo, ayic van sva eb' sc'ayb'um yuxluchvan̈il, ix sch'oxan sb'a Jesús d'a eb'. Ix tumaj eb' yuuj, yujto chab'c'olal yaj eb', pit eb'. Yujto maj scha yab' eb' d'a eb' ix ilani ayic toxo ix pitzvixi.

Mr 16:14 ပူးပေါင်းရင်းမြစ်များ

Nm 14:11

'Ix yaln Jehová 'a Moisés 'ixtic: —¿B'a'n̈ to wal 'oj yactc eb' 'anma tic in spatquiln can 'eli? ¿B'a'n̈ to wal 'oj yactc eb' in schab'c'ojlani? 'In til wal milagro tzin ch'ox pax yil eb'.

Mt 11:20

Xlajw cha, 'ix syamn 'och Jesús yalni, tas smul eb' 'anma 'a jun tzo'n̈ chon̈b' 'aj 'ix sb'o nan̈l milagro. Yujto wach'xam caw niwn milagro 'ix sb'o ta', palta ma'ix sna sb'a eb', 'ix yaln yuj eb' 'ixtic:

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Mt 28:17

Ata xyil eb' Jesús, 'ix ya'n 'ejm sb'a eb' 'a 'a, palta 'ay jaywn̈ xo eb' mant 'ix ya'ch wal 'a sc'ojol.

Mr 7:18

'Ix yaln 'ixtc 'a eb': —¿Tom matz nachj 'el pax eyuj ax tic? ¿Tom man̈ eyojcoc to a tas tz'och 'a qui ti', matz tac' tzon̈ juwc 'el yuj 'a sat Dios?

Lc 24:11

Palta ax eb' schecb' cha, snan ewinac to ton̈j tzyal eb' 'ix. Yuj cha, matz chaj ewin yab'i'.

Lc 24:25

Yuj cha, xyaln pax 'a eb' 'ixtic: —Ax tic, caw may e nab'en, caw teb'il tzeya'ch e c'ojl 'a jantcn̈ej tas yaljnac can eb' schecb' Dios pecti'.

Jn 20:25

Yuj cha, xyaln eb' yit cuywumal chi 'a 'ixtic: —An̈ tic on̈, 'ix quil Cajlilec chi on̈, xchi eb'. —'A... 'oj wila', toto tzwil 'aj x'och q'uen lawx 'a yol sc'ab', tzwa'n 'och yune in c'ab' 'a yolnil 'aj x'och q'uen cha, tzwa'n pax 'och in c'ab' 'a yolnil scostil, cojn 'ixta', 'oj stac' wa'n 'och 'a in c'ojol, to caw a Jesús cha, xchi 'a eb'.

Jn 20:26

Yucb'ixial xo, 'ix syamn pax sb'a eb' jun 'ejm xo 'a yol n̈a cha. 'Ayx 'ec' Tomás chi yet' eb'. Caw sin̈n̈i yaj sch'apx te n̈a cha, palta ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Jn 21:1

Ax 'a jun 'ejm xo, 'ix sch'oxn pax sb'a Jesús 'a eb' scuywum, yic 'ayc' eb' 'a sti a mar yic Tiberias. 'Ixtc 'ix yutj sch'oxn sb'a 'a eb'.

Jn 21:14

A Jesús cha, yoxlal xo sch'oxn sb'a 'a eb' scuywum cha, yic 'ix pitzw pax 'a scal eb' chamnac.

A Tas Sc'ulejnac Eb' Schecab' Jesús Hechos 1:3

Yic tox 'ix chami, niwn 'ejm to sch'ox sb'a 'a eb' schecb' cha. Chawinc to c'u 'ix sch'ox sb'a 'a eb', chajtlto caw yel 'ix pitzw paxi. 'Ix yaln can 'a eb', chajtl tzyutj Dios ya'n yajlil 'ayn̈ec.

1 Co 15:5

A 'a Pedro 'ix sch'ox sb'a. 'Ixta to b'i'an sch'oxn pax sb'a 'a jun tzo'n̈ xo eb' schecab'.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.