Mr 15:19 - Chuj San Sebastian Bible

¹⁹ Xlajw cha, 'ix laj sjab'nc 'och ewin jun te 'aj 'a sjolom, 'ix laj stzub'nc pax ewinac. 'Ix laj stz'acn ewin yac' 'ejm sb'a 'a 'a.

Chuj San Mateo Bible

¹⁹ Ix lajvi chi', ix laj spajanoch jun te' aj eb' vin̈ d'a sjolom. Ix laj stzub'an eb' vin̈. Ix laj stz'acan yaq'uem sb'a eb' vin̈ d'ay.

Mr 15:19 ပူးပေါင်းရင်းမြစ်များ

Gn 24:52

Ax yic 'ix yab'n win schecb' Abraham, to wach' yaln eb', 'ix 'em cumn 'a yojltac Jehová, xyaln yuj diosal 'a 'a.

Gn 43:28

X'em n̈ojn ewinac, xyaln ewin 'ixtic: —A win qui mam chi 'on̈, 'ayt 'eq'ui, caw wach' sc'ojl winac, xchi eb'.

A Ch'an̈ B'ab'el Libro Yic Yab'ixal Eb' Rey 19:18

Palta tzwal ab'i' to 'ayt uque mil eb' israel chi 'aycn wu'uj, atn eb' ma'ix 'em xon cumn 'a yojltac Baal, eb' ma'ix tz'ub'n 'elt sti', xchi Dios.

Job 13:9

Palta q'uinloc tzex sb'eyc'ojlej Dios, ¿tas 'oj eyutc e b'a? ¿tom 'oj stac' eyixtn paxti 'icha tzeyutj junc 'anma'?

Salmos 69:12

An xoj tzin yalb'tan̈j eb' wocn 'ec' 'a sti spuertail chon̈ab', ax eb' 'u'm 'an̈, tzin laj sb'itnoc eb'.

Is 45:23

Mun tzin loc in b'i, yic tzwa'n in ti', to yel tas tzwala, ma'oj in jel in paxti'. 'Oj 'em cumn smasnil 'anma 'a wojltac, ax ya'n eb' sti 'ayn smasnil.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

Is 52:14

Til wal mach 'oj sat sc'ojl yiln 'ochi, 'oj jelmjoc yilx sat, man̈x lajnoc yilx 'icha yilx 'anma', 'oj juwc yilx yuj tas 'oj 'aj cha.

Miqueas 5:1

Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Mt 27:30

Xlajw cha, xlaj stzub'nc ewinac, 'ix yi'n 'ec' ewin te 'aj chi 'a 'a, xlaj sjab'nc 'och ewin te 'a sjolom.

Mr 10:34

'Oj in sb'uch eb', 'oj in smac' eb', 'oj in stzub'c eb'. 'Oj in smiln eb', palta ax 'a schab'jial, ax in pitzw paxi, xchi 'a eb'.

Mr 14:65

Xlajw cha, 'ay eb' stzub'n 'och stzub' 'a 'a, 'ix smac eb' sat, tzma'n eb', tzc'anb'n eb' 'ixtc 'a 'a: —Al 'ayn̈ on̈ ¿mach tzach ma'n tzab'i? xchi eb'. —Xlajw cha, ax eb' policía 'ix ma'n wal si'mb'il.

Mr 15:18

Xlajw cha, 'ix laj stz'acn ewin yal 'ixtc 'a 'a: —Tzaljan̈ ach cob' Sreyl eb' israel, xchi ewinac.

Mr 15:20

Ax yic xlajw sb'uchwj ewin 'a 'a, 'ix yi'n pax 'el ewin jun q'uic'mucnac pichl chi 'a 'a. 'Ix ya'n pax 'och ewin spichl xoni. 'Ixta to b'i'an, 'ix yi'n 'at ewin 'a 'aj 'ix ya'ch 'a spenc culus.

Mr 9:12

Yuj cha, xyaln pax 'ixtc 'a eb': —Yel toni, yowlal tzb'ab'l jaw Elías cha, sec tzna sb'a eb' 'anma'. Palta ¿tas tzyal 'a Ch'an̈ Un̈ wuj an 'Ochnc in 'Anmal tic? Ata tzyala, chajtlto 'oj wab' syail, 'oj in patquilx can 'el yuj eb' 'anma'.

Lc 22:63

Ax ewin tan̈wjnac Jesús, xb'uchwj ewin 'a 'a, sma'n ewinac.

Lc 23:11

Yuj cha, ax win Herodes cha, yet' eb' soldado winac, caw xb'ajwj eb' 'a Jesús. 'Ix laj b'uchwj pax eb' 'a 'a. 'Ix stz'acn eb' ya'ch jun tzo'n̈ pichl caw wach' yilx 'a 'a, 'icha yic eb' rey. Xlajw cha, xya'n pax 'at win 'a win Pilato.

Lc 23:36

An̈jtona ewin soldado, xb'uchwj ewin 'a 'a. 'Ix c'och ewin 'a stz'ey, xcob' ya'nc ewin yuc' vinagre.

Ro 11:4

Palta yaljnac Dios 'ixtc 'a 'a: Ma'ay, 'ayt uque mil winc sic'b'il 'el wu'uj. May 'aj 'ix 'em cumn eb' 'a Baal, jun tzalx 'och diosal, xchi Dios 'a 'a.

A Scarta San Pablo D'a Eb' Aj Filipos 2:10

'Ixta yutjnac Dios, sec wach' jantcn̈ej eb' 'ay 'a satcha'an̈, yet' eb' 'ay 'a sat lum tic, yet' pax eb' 'ay 'a yol lu'um, a yic 'oj yab'nc eb' sb'i Jesús, c'uxn 'oj 'em cumn eb' 'a 'a.

A Ch'an̈ Carta D'a Eb' Hebreo 13:13

Yuj cha, 'elcoyc 'a 'aj 'ijxnac 'el Jesús 'a sti 'el chon̈b' cha, tzyal 'el'chi, to tzchaj qui c'ojl qui patquilx can 'el 'icha 'ajnc spatquilx can 'el Jesús.