Mr 14:70 - Chuj San Sebastian Bible

⁷⁰ Palta 'ix yij pax 'el 'a yib'n̈ jun 'ejm xo. Jun nant wal rato cha, 'ix yaln pax eb' 'ayc' xon chi 'ixtc 'a 'a: —Wal yel ach tic etb'eym a b'a yet' ewinac, yujto 'aj Galilea ach jun xo. ['In lajn a paxtin yet' ewinac,] xchi eb' 'a 'a.

Chuj San Mateo Bible

⁷⁰ Palta ix yic'xiel vin̈ d'a yib'an̈. Junanto rato chi', ix yalanpax eb' ayec' chi' d'a vin̈: —Val yel a ach tic, etb'eyum a b'a yed' eb', yujto aj Galilea ach, xchi eb' d'a vin̈.

Mr 14:70 ပူးပေါင်းရင်းမြစ်များ

Mr 14:68

Palta xyij 'el 'a yib'an̈. —A jun cha, man̈ wojcoc xoni, caw matz nachj 'el wu'uj tas jun tzo'n̈ chi tzal 'ayn tic, xchi 'a 'ix. Xlajw cha, x'el 'a sti yamq'uil n̈a cha, 'ix 'oc' no 'ajtzo b'i'an.

Mr 14:69

Ax 'ix ya'mal servil win yajl cha, 'ix 'och q'ueln 'ix 'a jun 'ejm xo. Yuj cha, xyaln 'ix 'ixtc 'a eb' 'ayc' ta': —A jun winc tic, yitb'eym sb'a yet' eb' scuywum Jesús, xchi 'ix.

Mr 14:71

Yuj cha, 'ix sc'ann cot yowl sc'ojl Dios 'a yib'an̈, 'ix slocn sb'i Dios xyaln 'ixtic: —A jun win tzeyal cha, caw man̈ wojcoc, xchi 'a eb'.

A Tas Sc'ulejnac Eb' Schecab' Jesús Hechos 2:7

Caw 'ix sat sc'ojl eb'. 'Ix laj 'och q'ueln eb', xlaj yalnc eb' 'ixtic: —A wal eb' wan spaxtin tic, 'aj Galilea eb' smasnil.

Jueces 12:6

ax eb' 'aj Galaad cha, tzya'n eb' yal eb' 'anma chi jun paxti tic, «Xibolet», xe chi, xchi eb' 'a eb'. Toto «Sibolet» xchi eb', tzyal 'el'chi to yic Efraín eb'. 'Ixta tz'aj scheclj 'el eb', axta tzchamcn eb' 'a sti a Jordán cha. A 'a jun tiempoal cha, 42 mil eb' yic yin̈tl Efraín chi 'ix chami.