Mr 14:21 - Chuj San Sebastian Bible

²¹ An tic 'Ochnc in 'Anma'il, palta yowlal 'oj in 'at 'a chamel, 'icha yaj stz'ib'x can 'a Ch'an̈ U'un̈. Palta caw 'oltac wal 'oj 'aj jun 'oj wa'n 'och 'a yol sc'ab' chaml cha. Octom ma'ix 'alj winac, to 'ixta', yel xo wach' yic winac, xchi Jesús 'a eb'.

Chuj San Mateo Bible

²¹ A in Ac'b'il in cot yuj Dios voch animail tic yovalil ol in och d'a yol sc'ab' chamel, icha tas tz'ib'ab'ilcan d'a Slolonel Dios. Palta te chuc yic jun ol in ac'anoch d'a yol sc'ab' chamel chi'. Octom maj uneajoc. Tato icha chi', vach' am yico', xchi d'a eb'.

Mr 14:21 ပူးပေါင်းရင်းမြစ်များ

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Salmos 55:15

Jaw cab' chaml 'a yib'n̈ eb' 'ajc'ojl yajch 'ayin. Pitznto cab' eb' tz'ejm can eb' 'a yol sjul-l eb' chamnac, yujto cojxn maysch'olnil 'ayc' 'a scal eb' 'a yol yatut.

Is 52:14

Til wal mach 'oj sat sc'ojl yiln 'ochi, 'oj jelmjoc yilx sat, man̈x lajnoc yilx 'icha yilx 'anma', 'oj juwc yilx yuj tas 'oj 'aj cha.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Mt 26:54

Palta toto 'oj in c'an 'ixta', ma'oj 'el'choc tas tz'ib'b'il can 'a Ch'an̈ U'un̈. Yujto tz'ib'b'il can ta', to yowlal 'ixtc 'oj waji, xchi 'a 'a.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Mr 14:20

—'Ay jun 'ayc' 'a e cal ax lajchwan̈ ex tic, wan swa wet' a jun plato 'ayc' 'a qui nan̈lec tic.

Mr 14:22

Yic wan swa eb', 'ix yi'n chan̈ Jesús 'ixm pan, xya'n yuj diosal yu'uj. Xlajw cha, sch'iyn 'ixm pan cha, 'ix ya'n 'a eb', xyaln 'ixtc 'a eb': —Wan̈ec, atn jun tic in niwnal, xchi 'a eb'.

Mr 14:49

Junjn c'u 'ayn 'ec' eyet' 'a yamq'uil yatut Dios yic in cuywj 'ayex, palta ma'in eyam ta'. Palta 'ixtn tic tz'aji, yic tz'el'ch tas tz'ib'b'il can 'a Ch'an̈ U'un̈, xchi 'a eb'.

Lc 22:22

An 'Ochnc in 'Anmal tic, yowlal 'oj in paxi, 'icha xon yaj sb'ocni. Palta a wal jun 'oj wa'n 'och 'a yol sc'ab' chamel, caw 'oltac wal 'oj 'ajoc, xchi 'a eb'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Jn 19:28

Xlajw cha, a Jesús, yojc xoni, to tox 'ix lajw 'el'ch smasnil tas tz'ib'b'il can 'a yib'an̈. Yuj cha, 'ix yaln 'ixtic: —Caw tztacj in ti', xchi. 'Ixta xyutj yalni, sec tz'el'ch tas tz'ib'b'il can 'a Ch'an̈ U'un̈.

A Tas Sc'ulejnac Eb' Schecab' Jesús Hechos 1:25

sec wach' 'oj 'och yopiso schecb'oc Jesucristo. Yujto 'ix 'ijx 'el win Judas 'a yopiso yuj smul. 'Ix 'at 'a jun lugar 'aj smoj tzc'ochi, xchi eb'.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.