Mr 14:2 - Chuj San Sebastian Bible

² Palta xyaln eb' 'ixtic: —Matz tac' qui yamnec 'a yol q'uin̈ cha, yujto 'ay smay tzq'ue somnjoc eb' 'anma ya'n yowlal, xchi eb'.

Chuj San Mateo Bible

² Palta ix yalan eb': —Max yal co yaman vin̈ d'a yol q'uin̈ tic, yujto ay smay sq'ue n̈ilnaj eb' anima yuj vin̈, xchi eb'.

Mr 14:2 ပူးပေါင်းရင်းမြစ်များ

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Lm 3:27

Yel xo wach' yic 'unn on̈t 'anma', tzqui yamnec 'och ca'n techjoc yailal. Sictac cab' tzon̈ canc qui ch'ocoj yuj yailal tznalb'ej Jehová ya'n 'och 'ayn̈ec.

Mt 26:2

—Eyojtac to chab'joc xoj yoch q'uin̈ yic snanb'il cot yel eb' qui mam quichmec 'a libre, an 'Ochnc in 'Anmal tic, 'oj wajx 'och 'a yol sc'ab' eb' 'oj wa'n 'och 'a spenc culus, xchi 'a eb'.

Mt 26:5

Palta xyaln eb' 'ixtic: —Matz tac' qui yamnec 'a yol q'uin̈, yujto 'ay smay 'oj yac' eb' 'anma yowlal 'ayn̈ec, xchi eb'.

Mr 11:18

Ax ewin sat ya'mal 'och sti eb' israel 'a Dios yet' ewin cuywjum 'a ley yic Moisés, 'ix yab' ewinc tas 'ix sb'o Jesús. Palta 'ix xiw ewin yu'uj, yujto caw niwn yel'ch jun tzo'n̈ scuynb'il 'a sat eb' 'anma smasnil. Yuj cha, 'ix sayn ewin tas 'oj yutc smiln chamoc.

Mr 11:32

Palta matz tac' calnec paxi to yic 'anma', xchi ewinac. 'Ixta xyutj ewin yalni, yujto tzxiw ewin yuj eb' 'anma', yujto a Juan cha, caw schecb' Dios 'a sat eb' 'anma chi smasnil.

Mr 14:1

Chab'joc xoj yoch jun q'uin̈ yic snanb'il cot yel eb' israel 'a libre, yic tzwan eb' 'ixm pan may yich. Ax eb' sat ya'mal 'och sti eb' israel 'a Dios, yet' eb' cuywjum 'a ley yic Moisés, 'ix syam sb'a eb'. 'Ix laj yalnc eb' tas tzyutj eb' ya'n 'och 'es 'a yib'n̈ Jesús, sec tzyamchj yuj eb', tzmiln cham eb'.

Mr 14:3

Ax Jesús 'ayc' 'a Betania 'a yol yatut win Simón. A 'a yic yalan̈, ya'ay win yuj lepra. A yic wocn 'ejm Jesús swa'i, 'ix c'och jun 'ix 'a 'a, yet' 'ix jun q'uen limita alabastro sb'i. B'ut'n q'uen yet' jun su'q'ui sjab' nardo sb'i, caw chan̈ stojol. 'Ix sb'ijn 'el 'ix sjaj q'ue'en, xlajw cha, 'ix stob'n q'ue 'ix jun chi 'a sjolm Jesús.

Lc 20:6

Palta toto tzcalec to yicn̈ej 'anma yopiso winac, caw 'oj cot yowl eb' 'anma smasnil, ax on̈ sjuln cham eb' yet' q'uen q'ue'en. Yujto a win Juan cha, caw schecb' Dios snan eb' smasnil, xchi ewinac.

Lc 22:1

Wan sjapx stiempoal q'uin̈ yic snanb'il cot yel eb' israel 'a libre, yic tzwan eb' 'ixm pan may yich.

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

Jn 7:40

Xlajw yab'n eb' 'anma chi tas 'ix yal Jesús, 'ay eb' xlaj aln 'ixtic: —Wal yel, atn jun schecb' Dios tic tan̈b'il xon sjaw cujec, xchi eb'.