Mr 14:14 - Chuj San Sebastian Bible

¹⁴ A 'aj 'oj e c'och yet'oc, tzeyal 'ixtc 'a win 'ajn̈a cha: 'Ixtc xyutj qui Cuymal yaln on̈: ¿'Ajtil 'ay jun cuarto 'aj 'oj in wa yet' eb' in cuywum, yic tzqui nan cot yel eb' qui mam quichmec 'a libre? xchi, xe chi 'a winac.

Chuj San Mateo Bible

¹⁴ Axo b'aj tzex c'och chi' yed' vin̈, tzeyal d'a vin̈ aj pat chi' icha tic: Xchicot co C'ayb'umal icha tic: ¿B'ajtil ay jun cuarto b'aj ol in va yed' eb' in c'ayb'um, yic sco naancoti tas aj yelnaccot eb' co mam quicham d'a Egipto? xchicoti, xe chi d'a vin̈.

Mr 14:14 ပူးပေါင်းရင်းမြစ်များ

Mr 10:17

Ax yic wan s'atx Jesús 'a yol b'e, 'ay jun winc 'ix sc'ol yip scot 'a 'a, 'ix 'em cumn win 'a yojltac sjawi, 'ix yal win 'ixtic 'a 'a: —Ach in wach' Cuymal, tzin c'anb'j 'ayach, ¿tas 'oj in b'o' sec 'oj in cha in q'uinl 'a jun 'ejmn̈ej? xchi win 'a 'a.

Mr 11:3

Toto 'ay mach tzaln 'ixtc 'ayex: ¿Tas yuj tze jiy 'elt no'? toto xchi, tzeyal 'ixtc 'a 'a: To 'ay 'oj 'och no yuj Cajlil on̈, yajn̈ej, ax wul scanx no', xe chi, xchi 'a eb'.

Mr 14:13

Yuj cha, xchecn 'at chawn̈ eb' scuywum, 'ix yaln 'a eb' 'ixtic: —'Ixquec 'a chon̈ab'. Ata 'oj 'ilchjc jun winc eyu'uj. Yet' win jun ch'ub' a'. Tzex 'at yet'oc.

Mr 14:15

Ax win 'oj ch'oxnc jun niwquil cuarto 'ayx 'a cha'an̈. Lista xo yaji. Ata tze b'o tas 'oj qui c'uxec, xchi Jesús 'a eb'.

Lc 22:11

Ax eyaln 'ixtc 'a win 'ajn̈a cha: 'Ixtc xyutj qui Cuymal yaln on̈: ¿'Aj 'ay jun cuarto 'aj 'oj in wa yet' eb' in cuywum, yic tzqui nan cot q'uin̈ yic yelt eb' quit israelal 'a libre? xchi, xe chi 'a winac.

Jn 11:28

Xlajw yaln 'ix Marta jun tic, 'ix paxi. 'Ix 'at yawtnoc cot 'ix 'ix snul'ej. C'ultac xyal 'a 'ix 'ixtic: —'Ix jaw qui Cuymal, to tzach yawtj 'ati, xchi 'ix.

Jn 13:13

An tic, tzin eyal e Cuymaloc, Eyajliloc. Yel ton tzeyala.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.