Mr 14:1 - Chuj San Sebastian Bible

¹ Chab'joc xoj yoch jun q'uin̈ yic snanb'il cot yel eb' israel 'a libre, yic tzwan eb' 'ixm pan may yich. Ax eb' sat ya'mal 'och sti eb' israel 'a Dios, yet' eb' cuywjum 'a ley yic Moisés, 'ix syam sb'a eb'. 'Ix laj yalnc eb' tas tzyutj eb' ya'n 'och 'es 'a yib'n̈ Jesús, sec tzyamchj yuj eb', tzmiln cham eb'.

Chuj San Mateo Bible

¹ Chab'ejocxo yoch q'uin̈ yic snajicoti tas aj yelnaccot eb' israel d'a Egipto, aton jun q'uin̈ b'aj svaji ixim pan malaj yich ayb'ati. Axo eb' sat sacerdote yed' eb' c'ayb'um d'a ley Moisés, ix smolb'ej sb'a eb'. Ix laj yalan eb' tas ol yutoc eb' syaman Jesús d'a elc'altac, yic ol smilan eb'.

Mr 14:1 ပူးပေါင်းရင်းမြစ်များ

Gn 37:18

Najtto wal sc'och 'a eb', xyiln sb'a eb' 'a 'a, smol aln eb' tas tzyutj eb' smiln cham José cha.

Salmos 52:3

Yel xo wal tza chamc'ojlej maysch'olnil 'a yib'n̈ tas wach'. Caw 'a'm ach 'es, may jac tas yel tzala.

Salmos 62:4

Cojn wal tas tz'aj sat 'ejm in b'inab'ilal, an̈j chi tze na'b'tan̈ej. Cojxn̈ej wal 'a'j 'es tze chamc'ojlej. Tzeyal cob' wach' paxti 'ayin, palta ax yet' e nab'en to tzin e catb'ej cani.

Salmos 62:9

Caw matz tac' ca'nec 'och eb' quit 'anmal yipc qui c'ojol, wach'xam meb'a eb' mto rico eb'. Lajn eb' 'icha junc tas man̈ alc xon jab'oc tz'ejm 'a yojl junc libra, wach'xam junxn̈ej tzcutjec quechtan eb' smasnil, toxn matz 'ejm xon jun libra chi yuj eb'.

Ex 12:1

Yaljnacx pax Jehová 'ixtc 'a Moisés yet' 'a Aarón 'a Egipto cha:

Lv 2:6

Tzb'uychtax cab'i', choc' cab' tz'aji, tz'ajx cab' 'och aceite 'a 'a, yujto a jun ofrenda cha, to tzc'uxxi.

Mt 12:14

Ax 'ix 'elt ewin fariseo cha, 'ix slajtin sb'a ewin 'a spatic, tas 'oj yutc ewin smilni.

Mt 6:2

Yuj cha, a yic tzex colwj 'a eb' meb'a', man̈toc c'uxn tzeyal yab' eb' 'anma yuj tas tze b'o'o. Yujto a eb' chab'sat yaji, 'ixta tzlaj sb'o eb' 'a yol jun tzo'n̈ scapiya, yet' 'a yol caye, sec tzlaj yal eb' 'anma wach'l eb'. Wal yel tzwal 'ayex, tox schaj eb' spac jun swach'l cha, toxn may spac 'oj scha eb' 'a Dios.

Mr 14:12

A 'a b'ab'l c'u yic jun q'uin̈ tzwax 'ixm pan may yich, yic tzmiln eb' no quelm calnelu yic snanb'il cot yel eb' israel 'a libre, 'ix sc'anb'n eb' scuywum Jesús 'ixtc 'a 'a: —¿'Ajtil tza nib'j tzqui b'o 'aj 'oj qui wa'ec, yic tzqui nanec cot q'uin̈ tic? xchi eb'.

Mr 14:2

Palta xyaln eb' 'ixtic: —Matz tac' qui yamnec 'a yol q'uin̈ cha, yujto 'ay smay tzq'ue somnjoc eb' 'anma ya'n yowlal, xchi eb'.

Jn 11:47

Ax ewin fariseo cha, yet' eb' sat ya'mal 'och sti eb' israel 'a Dios, 'ix sc'umj sb'a ewin yet' eb' sat yajal. 'Ix laj yalnc eb' 'ixtic: —¿Tas tzcutjec tze na'a? Yujto til wal jun tzo'n̈ milagro wan sch'oxn jun winc cha.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

A Tas Sc'ulejnac Eb' Schecab' Jesús Hechos 12:4

Xlajw syamchji, 'ix 'ajx 'och 'a preso. 'Ix 'ajx 'och 'a yol sc'ab' waclajn̈wan̈ soldado tztan̈wni. Chan̈tcwan̈ eb' xtan̈wni 'a junjn 'ejem. 'Ix snan win Herodes, to a yic 'oj lajwc q'uin̈ yic snanb'il cot yel eb' israel 'a libre, ax sch'oxn 'elt win Pedro chi 'a sat eb' 'anma', ax sb'on win yaji.