Mr 13:19 - Chuj San Sebastian Bible

¹⁹ Yujto a jun niwn yailal 'oj jawc 'a jun tiempoal cha, mant 'a 'aj xyac' 'ixta', yictax sb'on Dios yolyib'n̈q'uinl tic. Cojxn jun cha, man̈x 'a pax tas 'oj yac' 'ixta'.

Chuj San Mateo Bible

¹⁹ Yujto a jun nivan yaelal ol ja d'a jun tiempoal chi', manta b'aj ix yac' icha chi' yictax ix sb'oan yolyib'an̈q'uinal tic Dios. An̈ej jun chi', man̈xa b'aq'uin̈ pax ol yac'xi icha chi'.

Mr 13:19 ပူးပေါင်းရင်းမြစ်များ

Lm 1:12

Ex 'anma tzex laj b'ey 'a b'e, 'ochn̈ec wan lin̈an, tze nan jab'oc, ¿tom 'ay eyailal 'icha quic tic on̈? Yujto an̈ tic on̈, yel xo wal niwn tzcab' syal on̈. A Jehová a tz'a'n cot jun yailal tic 'a quib'n̈ yuj yowl sc'ojol.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Lm 4:6

A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Dn 12:1

A 'a yic jun tiempoal cha, 'oj 'och wan jun ángel Miguel, atn jun sat yajal, stan̈mal pax eb' et israelal. A yic jun tiempoal cha, caw wal niwquil jun yailal cha. Mant 'a jun 'ejmoc ujnac jun chi 'ixta', 'a yictax yel yich spitzw jun tzo'n̈ nacion̈. A 'a yic jun tiempoal cha, 'oj colchjoc can 'el smasnil eb' et chon̈ab', atn eb' tz'ib'b'il sb'i 'a ch'an̈ libro.

Dn 9:12

Tox 'ix 'el'ch tas aljnac cani, chajtlto 'oj jawc yailal 'a quib'n̈ on̈, yet' 'a yib'n̈ eb' qui yajlil on̈. Yel xo niwquil 'ix otj a'n 'och syailal Jerusalén 'a yib'n̈ junc xo chon̈ab'.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Mt 24:21

Yujto a jun niwn yailal 'oj jawc 'a jun tiempoal cha, mant 'a 'aj tzyac' 'ixta', yictax sb'on Dios yolyib'n̈q'uinl tic. Cojxn pax jun cha, man̈x 'a tas 'oj yac' 'ixta'.

Mr 10:6

Palta a yic sb'on can Dios yolyib'n̈q'uinl tic, sb'ojnac win winac yet' 'ix 'ix.

Mr 13:18

C'anc 'a Dios sec toq'ue man̈oc 'a stiempoal n̈ab'lq'uinl 'oj e 'at 'eloc.

Mr 13:20

Toto a Dios ma'oj 'a'n c'ochnb'oc jun yailal 'a jun tiempoal cha, may junc mach 'oj colchjoc can 'el 'a yol sc'ab' chamel, palta yuj eb' sic'b'ilx 'el yu'uj, ax ya'n c'ochnb'oc.

Dt 28:59

To 'ixta', 'oj ya' cot Jehová wal niwc yailal 'a eyib'an̈, yet' 'a yib'n̈ eb' eyin̈til. 'Oj jawc jun tzo'n̈ yab'il to man̈x 'a yan̈il.

Dt 4:32

Nac cot jun tzo'n̈ tiempo 'e'nc xo can 'a yic pecti', yictax sb'on Dios eb' 'anma 'a yolyib'n̈q'uinl tic. 'Ixquec, 'at c'anb'jec 'ec' 'a smasnil lugar, toto 'ay 'aj ujnac xo, mto 'ay 'aj tz'ab'x yalx junc tas niwn yel'ch 'icha jun wan yuj 'a qui calc tic.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.