Mr 13:14 - Chuj San Sebastian Bible

¹⁴ Palta 'ay jun winc yajb'il yuj Dios, a 'oj 'a'nc juwc 'el jun tzo'n̈ tas. [A win Daniel, win schecb' Dios pecti', a aljnac can yuj jun cha.] A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a 'aj man̈ smojc yochi, a eb' 'ayc' 'a Judea, 'at cab' eb' 'elc 'a tzalctac.

Chuj San Mateo Bible

¹⁴ Ayic ol eyilan vin̈ ajc'ol sjuanel masanil tastac b'aj man̈ smojoc yajeq'ui, nachajocab' el eyuuj. A eb' ayec' d'a Judea, b'atocab' eb' elelal d'a tzalquixtac.

Mr 13:14 ပူးပေါင်းရင်းမြစ်များ

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Ez 44:9

Yuj cha, an Jehová in, an tzwal 'ixtic: May wal junc chuc chon̈b'al to may yel'ch in trato 'a 'a, may pax yechl in trato 'a sniwnal, tztac' yoch 'a yol watut cha; wach'xam cajn 'ec' 'a e cal, palta may xon yaln yic yoch ta'.

Dn 11:31

Ax eb' soldado cha, caw 'oj yixtc 'el eb' jun scajnub' Dios, yet' jun tzo'n̈ cuartel jun yaj yet'oc. 'Oj yi'ch wan eb' yajx jun tzo'n̈ xajmb'al tz'ajx 'a junjn c'u. Ax tas yajb'il yuj Dios, a 'oj ya'ch eb' 'a yol scajnub' Dios cha, sec tzjuw 'el yu'uj.

Dn 12:11

A yic 'oj macxoc 'och wan yajx xajmb'al tz'ajx 'a junjn c'u, yet' 'a yic 'oj 'ajxoc 'och tas yajb'il yuj Dios 'a yol scajnub' yic tzjun 'eli, 'ixta to b'i'an, ax yel yich 1,290 c'ual.

Dn 8:13

Xlajw cha, ax xwab'ni 'ay jun ángel xc'anb'n 'a junx ángel 'ixtic: ¿Jantc to wal tiempo 'oj yac' jun tzquil tic? ¿Jantc to tiempo 'ayc' jun yajb'il 'el yuj Dios tic, atn jun tzmacn 'och wan xajmb'al tz'ajx 'a junjn c'u? ¿B'a'n̈ to 'oj 'och wan ste'x 'ejm eb' soldado 'aj satchan̈ yu'uj, yet' jun scajnub' Jehová? xchi.

Dn 9:27

A jun yajl cha, caw niwnto eb' 'anma 'oj yac' pural ya'n strato yet' 'a junc xo seman, palta yic wal spacl yaj jun seman cha, ax smacn 'och wan yajx xajmb'al yet' jun tzo'n̈ ofrenda tz'ajx xoni. Ax jun yajl tz'ixtn 'el jun tzo'n̈ cha, a jun tzo'n̈ tas yajb'il el yuj Dios 'oj yac' q'ue 'a schon yatut Dios cha, 'ayc'n̈ej ta masnto 'oj ya' cot Dios tas nab'il yuj 'a yib'n̈ jun yajl cha, xchi Gabriel chi 'ayin, xchi Daniel.

Mt 13:51

Xlajw cha, 'ix sc'anb'n 'ixtc 'a eb' scuywum: —¿Tzam nachj 'el jun tzo'n̈ tic smasnil eyu'uj? xchi 'a eb'. —N', xnachj 'el cuj on̈ Mamin, xchi eb' 'a 'a.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

Apoc 1:3

A jun libro tic, 'aycto tzyaln cani tastc 'oj ujoc. A eb' tz'awtni yet' eb' tz'ab'ni, toto tzyiclj eb' tas tzyala, caw wach' yic eb', yujto jab'xoj wal 'oj ujc jun tzo'n̈ tic.

Apoc 13:18

Toto 'ayx jeln ex, toto tznachj 'el eyu'uj, 'oj stac' e nan 'eli, tas tzyal 'el'ch snumeroal jun noc' sb'i cha. Yujto a jun número cha, tzch'ox sb'i jun 'anma'. A jun número cha, 666.