Mr 12:40 - Chuj San Sebastian Bible

⁴⁰ Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Yuj cha, yel xo wal niwn yailal 'oj 'och 'a yib'n̈ eb', xchi Jesús.

Chuj San Mateo Bible

⁴⁰ Syic'anec' eb' tastac ay d'a eb' ix chamnac yetb'eyum. Slajvi chi', te najat syutej yoc slesal eb', yic sna eb' anima to malaj smul eb'. Yuj chi', yelxo val nivan yaelal ol och d'a yib'an̈ eb', xchi Jesús.

Mr 12:40 ပူးပေါင်းရင်းမြစ်များ

Ez 22:25

A eb' 'aych yajlil 'a scal eb' 'anma cha, lajn wal eb' 'icha no león tz'el yaw sayn 'ec' schib'ej. A eb' cha, 'anma tzlaj smil eb', tzlaj yi'nc 'ec' eb' tas 'ay 'a eb' 'anma', til wal eb' 'ix 'ix tzcham yichmil yuj eb'.

Miqueas 2:2

Toto tznib'j 'och eb' slum junc yit 'anma'il, tojln̈ej sto'n 'ec' eb', toto tznib'j 'och eb' junc n̈a, tojln̈ej yi'n 'ec' eb'. 'Ixta wal tz'aj yixtx eb' mamb'il yet' yunnal.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 23:14

[Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Tzeyij 'ec' yatut eb' 'ix chamnc yichmil. Ax yic tzex leslwi, caw najt tzeyutj yoc e lesal, sec tzna eb' 'anma', to may e mul. Yuj cha, yel xo wal niwn yailal 'oj 'och 'a eyib'an̈.]

Mt 23:33

Ax tic, caw 'ixtm 'anma 'ex, lajn ex 'icha no chan, an̈jtona', 'ixta pax eb' e mam eyicham. ¿Tom 'oj stac' e coln 'el e b'a 'a jun niwn yailal 'a infierno?

Mt 6:7

A yic tzex leslwi, man̈toc ton̈j tzeyalb'tan̈j jun tzo'n̈ tas yet' e ti', 'icha tzyutj sb'a eb' man̈ 'ojtnacoc Dios. A eb' cha, yujn̈ej to najt tzyutj eb' yoc slesal, tzyab'n Dios snan eb'.

Mr 12:39

A 'a yol capiya, an̈j 'a xila eb' niwc winac, an̈jta tznib'j 'em wocn sb'a eb'. Yet' pax 'a yic tz'och jun tzo'n̈ niwc wa'el, an̈j 'a yet'l eb' niwc winc tz'aj eb'.

Lc 20:47

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Palta a wal ewin cha, yel xo wal niwn yailal 'oj jawc 'a yib'n̈ ewinac, xchi Jesús.

2 Co 11:20

'Ay eb' tzex 'a'n pural, yic tzeya'n servil eb'. Ax jantcn̈ej tas 'ay 'ayex, c'uxn tztoc'c' eb'. Caw tzya'ch sb'a eb' yajlil 'ayex, tzyi'n chan̈ sb'a eb', 'ay 'aj tzpawch eb' scab' 'a e sat, palta ax xo, 'in tzeyac' techjoc 'a eb'.

2 Ti 3:6

A eb' 'anma cha, 'ay eb' 'oj c'ultac 'och 'a yol jun tzo'n̈ n̈a. Ax yixtn paxti eb' jun tzo'n̈ eb' 'ix 'ix man̈ nab'enal yaji. A eb' 'ix 'ix cha, juwnac xon 'el snab'en eb' yuj maysch'olnil. Til wal jun tzo'n̈ maysch'olnil tznib'j 'och eb', an̈jta 'aych snab'en eb'.