Mr 12:24 - Chuj San Sebastian Bible

²⁴ Yuj cha, xyaln pax Jesús 'ixtc 'a ewinac: —Ton̈j tzex somchji, yujto man̈ eyojcoc tas tzyal 'a Ch'an̈ U'un̈. Man̈ eyojcoc paxi jantc spoder Dios.

Chuj San Mateo Bible

²⁴ Yuj chi' ix yalanxi Jesús d'a eb': —Ton̈ej tzex te somchaji, yujto man̈ eyojtacoc tas syal d'a Slolonel Dios Tz'ib'ab'ilcani. Man̈ eyojtacoc jantac spoder Dios.

Mr 12:24 ပူးပေါင်းရင်းမြစ်များ

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Os 13:14

¿Tom 'oj ex in colcn 'el 'a yol sc'ab' yet'l chamel? Ma'ay. An 'oj ex wac' xiw 'a chaml cha, ax e satx 'el yu'uj. Man̈x 'oj 'o'ch pax in c'ojl 'ayx ex 'aj Efraín.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Os 6:6

A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej; tzin nib'j to tzin eyojquej 'eli, to e Diosal in 'a yib'n̈ pax jun tzo'n̈ siylab' tzeyac' tz'a'oc.

Os 8:12

Wach'xam til wal cuynb'il xwac' tz'ib'xoc can 'a eb', palta comn paxti xoj xyutj can eb'.

Mt 22:29

Yuj cha, xyaln pax Jesús 'ixtc 'a ewin saduceo cha: —Ton̈j tzex somchji, yujto man̈ eyojcoc tas tzyal 'a Ch'an̈ U'un̈. Man̈ eyojcoc paxi jantc spoder Dios.

Mr 10:27

Yuj cha, x'och q'ueln Jesús 'a eb', 'ix yaln 'ixtic: —A jun tic, may junc 'anma tztac' yu'uj, palta a Dios tztac' yu'uj, yujto smasnil tas tzta'n̈j yu'uj, xchi.

Mr 12:23

Toto 'oj pitzwc pax eb' chamnac, ¿mach wal junc win 'ay yistl 'ix, yujto 'ic'b'il ewin yuj 'ix yucwn̈il? xchi ewin saduceo cha.

Mr 12:25

Yujto a yic 'oj pitzwc pax eb' chamnac, man̈x 'oj laj yi'lac sb'a eb', yujto lajn 'oj 'aj eb' yet' eb' ángel 'ay 'a satcha'an̈.

Lc 1:37

Yujto smasniln̈ej tas tztac' yuj Dios, xchi jun ángel chi 'a 'ix.

Jn 20:9

At 'ijnoc wal ya'n 'och eb' 'a sc'ojl cha, to yel xpitzw pax Jesús. Yujto ma'ix nachj 'el yuj eb' tas tz'ib'b'il can 'a Ch'an̈ U'un̈, chajtlto yowlal 'oj pitzwc pax Jesús 'a scal eb' chamnac.

Jn 5:39

Yelc'ojlal tze cuy ton Ch'an̈ Un̈ tz'ib'b'il cani, yujto tze na'a, to ata 'oj 'ilchjoc e q'uinl 'a jun 'ejmn̈ej. Palta wach'xam tzyal Ch'an̈ Un̈ chi wab'xil,

A Tas Sc'ulejnac Eb' Schecab' Jesús Hechos 17:11

A eb' israel 'aj Berea cha, yel xo wach' snab'en eb' 'a yib'n̈ eb' 'aj Tesalónica, yujto xcham wal yab'n eb' spaxti Dios. Ax 'a junjn c'u, scuy eb' Ch'an̈ Un̈ 'aj tz'ib'b'il can spaxti Dios cha, yic tzyiln eb', toto yel tzyal Pablo yet' Silas cha.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Ef 1:19

Tzin c'ann pax 'a 'a, sec 'oj eyojcoc 'eli, to caw niwn yel'ch spoder, tztac' yuj smasnil. Atn jun chi 'aych 'ayn̈ec, yujto tzca'c 'och qui c'ojl 'a 'a. Sch'oxjnac, to caw niwn spoder si'mb'il,

A Scarta San Pablo D'a Eb' Aj Filipos 3:21

A 'oj jelnoc jun qui niwnalec may jac swach'l tic, sec wach' lajn 'oj 'aj yet' jun yico', yujto a jun cha, caw niwn swach'il. 'Ixta 'oj on̈ yutquec yet' spoder, yujto 'ay spoder ya'n mandar smasnil tas.