Mr 12:13 - Chuj San Sebastian Bible

¹³ Xlajw cha, xchecx cot jaywn̈ eb' fariseo yet' eb' spartido win rey Herodes, 'ix jaw eb' 'a Jesús, yujto snib'j eb' yac' prowal, sec toq'ue 'ay tas 'oj yac' palta yalni, sec tztac' ya'n queja eb'.

Chuj San Mateo Bible

¹³ Ix lajvi chi', ix checjib'at jayvan̈ eb' fariseo yed' eb' spartido vin̈aj Herodes d'a Jesús. Sgana eb' syac' proval, talaj ay junoc slolonel ay palta syutej yalani. Yujto sgana eb' syac'och d'a yib'an̈.

Mr 12:13 ပူးပေါင်းရင်းမြစ်များ

Salmos 140:5

A jun tzo'n̈ b'an̈quintac 'anma cha, 'ix sc'ultac 'a'j 'ejm eb' syal 'a yol in b'e. 'Ix yac' 'ejm eb' ch'an̈ ya'al yet' jun tzo'n̈ 'icha chim 'a yol in b'e cha.

Salmos 38:12

A eb' tzin nib'n milnc chamoc, tzlaj yac' 'ejm eb' yal 'a wojltac. A eb' tznib'n juwc 'el in nab'en, tzlaj b'ey sti eb' 'a in patic, sec tzin juw can 'el yuj eb'. Junjn c'u tzsayn eb' tas tzin yutej.

Is 29:21

atn eb' tzpitzn chan̈ 'es 'a yib'n̈ yit 'anma'il, eb' tztenn 'och wan win juez, sec matz 'och yailal 'a yib'n̈ eb' maysch'olnil. Tzya'n eb' 'es, sec man̈ tojloc tz'aj sb'oyaj eb' wach' snab'en.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

Mr 12:14

'Ix wul yalnoc eb' 'ixtc 'a 'a: —Mamin, cojc on̈ to caw yel tzala. Cojc pax on̈ to jun lajnn̈ej tzotj a nab'en 'a smasnil 'anma', yujto jun lajnn̈ej yel'ch junjn mach 'a a sat, ax jun b'eyb'al tznib'j Dios, a tzac' cuyxoc 'a yel. ¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿wach' am tzcac'a, mto ma'ay? ¿'Aym sleyl tzcac'a, mto ma'ay? xchi eb' 'a 'a.

Mr 3:6

Yic tox x'elt ewin fariseo cha, 'ix sc'umn sb'a ewin yet' ewin spartido win rey Herodes. 'Ix slajtin sb'a eb', chajtl 'oj yutc eb' smiln cham Jesús.

Mr 8:15

'Ix yaln Jesús 'ixtc 'a eb': —'Ab'ec, tzeyil wal e b'a, a wal yich span ewin fariseo, yet' yich span win Herodes, caw 'ay smay tzex juw 'el yu'uj, xchi 'a eb'.

Lc 11:54

Stan̈wj eb' yab'i', toq'ue 'ay tas 'oj yac' palta yalni, sec tzyac' queja eb' snani.