Mr 11:18 - Chuj San Sebastian Bible

¹⁸ Ax ewin sat ya'mal 'och sti eb' israel 'a Dios yet' ewin cuywjum 'a ley yic Moisés, 'ix yab' ewinc tas 'ix sb'o Jesús. Palta 'ix xiw ewin yu'uj, yujto caw niwn yel'ch jun tzo'n̈ scuynb'il 'a sat eb' 'anma smasnil. Yuj cha, 'ix sayn ewin tas 'oj yutc smiln chamoc.

Chuj San Mateo Bible

¹⁸ Axo eb' vin̈ sat sacerdote yed' eb' vin̈ c'ayb'um d'a ley Moisés, ayic ix yab'an eb' vin̈ tas ix sc'ulej Jesús, ix te xiv eb' vin̈ yuuj, yujto te nivan yelc'och juntzan̈ sc'ayb'ub'al d'a yichan̈ eb' anima smasanil. Yuj chi', ix sayan eb' vin̈ tas syutej smilancham Jesús chi'.

Mr 11:18 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

A Ch'an̈ B'ab'el Libro Yic Yab'ixal Eb' Rey 22:18

'Ix yaln win rey chi 'ixtc 'a win Josafat: —¿'In xwal 'ayach, to a jun winc tic, may xon 'aj tzyal jac tas wach' 'a wib'an̈, cojn tas maysch'olnil tzyala? xchi winac.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Mt 21:15

Palta ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix yiln ewin jun tzo'n̈ milagro 'ix sb'o'o, xyab'n pax ewin yaln chan̈ eb' 'unn 'ixtc 'a yamq'uil yatut Dios cha: Yuj wal dios 'a jun Yin̈tl David tic, xchi eb' 'unn cha. Yuj cha, caw xcot yowl ewinac.

Mt 7:28

Ax yic xlajw yaln Jesús 'a eb' 'anma cha, caw sat sc'ojl eb' yuj jun tzo'n̈ cuynb'il cha.

Mr 1:22

Caw 'ix sat sc'ojl eb' yab'n jun tzo'n̈ cuynb'il xyala, yujto a yic 'ix cuywj 'a eb', xcheclji to 'ay yopiso yuj Dios, man̈ 'ichaoc eb' cuywjum 'a ley yic Moisés.

Mr 11:32

Palta matz tac' calnec paxi to yic 'anma', xchi ewinac. 'Ixta xyutj ewin yalni, yujto tzxiw ewin yuj eb' 'anma', yujto a Juan cha, caw schecb' Dios 'a sat eb' 'anma chi smasnil.

Mr 12:12

'Ix ya'lj ewin ya'n yamchjoc, yujto xnachj 'el yuj ewinac to yuj eb' xyaln jun 'ab'x cha. Palta 'ix xiw ewin yuj eb' 'anma', yuj cha, xyactn can ewin Jesús cha, 'ix pax ewinac.

Mr 3:6

Yic tox x'elt ewin fariseo cha, 'ix sc'umn sb'a ewin yet' ewin spartido win rey Herodes. 'Ix slajtin sb'a eb', chajtl 'oj yutc eb' smiln cham Jesús.

Mr 6:20

yujto yojc xon win Herodes cha, to tojl snab'en Juan, caw yic xon Dios yaji. Yuj cha, xiw winac, 'ix ya'n win tan̈wxoc sec matz cham yuj 'ix Herodías cha. 'Ay 'aj tzyal Juan 'ab'x 'a win Herodes cha, wach'xam ma'ix nachj 'el wal yuj win si'mb'il, palta caw stzalj win yab'n 'a 'a.

Lc 19:47

Junjn c'u, 'ix c'och'c Jesús cuywjoc 'a yamq'uil yatut Dios cha. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin yajl chon̈b' cha, 'ix sayn ewin tas tzyutj smilni.

Lc 2:47

Ax eb' wan yab'xni 'a Jesús cha, caw 'ix sat sc'ojl eb' smasnil, yujto xnachj 'el yu'uj, caw wach' xyutj spacn 'a eb'.

Lc 20:19

Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix snib'j ewin to tzyam Jesús muc'uc. Yujto xnachj 'el yuj ewinac, to a 'a ewin xyal jun 'ab'x cha. Palta xiw ewin yuj eb' 'anma'.

Lc 4:22

Ax eb' 'ayc' ta', c'uxn xlaj yal eb' wach'il. Caw 'ix sat sc'ojl eb', yujto caw wach' jun tzo'n̈ tas xyal 'a eb' cha. 'Ix laj yal-lanc eb' 'ixtic: —'In yunnal José jun win tic. ¿'Aj xyij sjelnal tic jun? xchi eb'.

Jn 7:1

Xlajw cha, 'ix b'eyc' Jesús 'a yol yic Galilea. Ax 'a yol yic Judea, ma'ix snib'j 'ec' sb'a ta', yujto a ewin 'aj Judea cha, tznib'j ewin smil chamoc.

Jn 7:19

A Moisés, a 'a'jnac can sley Dios 'ayex. Palta 'in may junc ex tzeyiclj tas tzyal jun ley cha. ¿Tas yuj tze nib'j tzin e mila? xchi Jesús 'a eb'.

Jn 7:46

—'In caw may junc mach tza'wni wal spaxtin 'icha jun cha, xchi eb' policía cha.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.