Mr 10:52 - Chuj San Sebastian Bible

⁵² —A 'a sat tic, tox 'ix jacwi, yujto xa'ch a c'ojl 'a Dios, yuj cha, tztac' tzach pax ticnec, xchi 'a winac. Yajn̈j wal cha, sjacw sat win yu'uj, xlajw cha, x'at win yet' Jesús 'a 'aj tz'ati.

Chuj San Mateo Bible

⁵² Ix ach b'oxi yujto ix ac'och Dios d'a a c'ool. Yuj chi', syalxo a pax ticnaic, xchi Jesús d'a vin̈. D'a jun rato chi' ix yilxi vin̈. Ix lajvi chi', ix och tzac'an vin̈ yed' Jesús b'aj van sb'ati.

Mr 10:52 ပူးပေါင်းရင်းမြစ်များ

Salmos 146:8

A Jehová a tz'a'n jacwc sat eb' matz tac' xon yilni. A tzsi'n chan̈ eb' 'icha to telwnac 'ejmi. 'Ay schamc'ojlal 'a eb' 'anma tojl snab'en.

Salmos 33:9

Yujto a 'ix paxtini, yuj cha, 'ix b'o 'el'ch smasnil tas. A pax 'ix alni, yuj cha, xcheclj chan̈ smasnil tas.

Is 35:5

'Ixta to b'i'an, ax eb' matz uj yilni, 'oj stac' yiln eb'; eb' chacan̈, 'oj yab' eb'.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 12:22

'Ay jun winc x'ijx cot 'a Jesús, matz tac' yilni, matz uj spaxtin paxi, yujto 'aych jun demonio 'a 'a. Ax Jesús a 'ix 'a'n b'oxc sc'ojol, yuj cha, xb'o yilni, 'ix b'o spaxtin paxi.

Mt 15:28

Yuj cha, xyaln pax 'a 'ix 'ixtic: —Ach 'ix, tzwila caw yelc'ojlal tza'ch a c'ojl 'a Dios. Yuj cha, b'o cab' 'icha tza nib'ej, xchi 'a 'ix. Yajn̈j wal cha, 'ix b'ox can sc'ojl 'ix yune 'ix cha.

Mt 21:14

A yic 'ayc' 'a yamq'uil yatut Dios cha, 'ay jun tzo'n̈ eb' matz uj yiln xjaw 'a 'a, yet' jun tzo'n̈ eb' coxo. 'Ix b'ox can sc'ojl eb' yu'uj.

Mt 8:3

Yuj cha, stzayn 'och Jesús sc'ab' 'a winac, 'ix yaln 'ixtic: —Tzyal in c'ojol. Tic tzach wac' b'oxoc, xchi 'a winac. Yajn̈j wal cha, xb'ox can sc'ojl winac.

Mt 9:22

Yuj cha, 'ix sutmj 'at q'uelnjoc Jesús 'a 'ix, 'ix yaln 'ixtc 'a 'ix: —Ach 'ix, tzaljan̈ ticnec, tic ach b'ox can wu'uj, yujto tzin a'ch 'a a c'ojol, xchi 'a 'ix. Yajn̈j wal cha, xb'ox can sc'ojl 'ix.

Mr 1:31

'Ixta to b'i'an, xc'och 'a stz'ey 'ix, 'ix 'och yamn 'a sc'ab' 'ix, 'ix sto'n q'ue wa'an. Yajn̈j wal cha, 'ix b'ox sc'ojl 'ix yuj jun c'a'l yab'il cha, 'ix syamn 'och 'ix ya'n servil eb'.

Mr 5:34

Yuj cha, xyaln 'a 'ix 'ixtic: —Ach 'ix, ach b'oxi yujto xa'ch a c'ojl 'ayin, paxn̈ 'a tzaljc'ojlal, tic 'ix b'ox a c'ojl 'a jun a yailal tic, xchi 'a 'ix.

Mr 8:25

Yuj cha, 'ix squiln 'och Jesús sc'ab' 'a yol sat winac, 'ixta to b'i'an, xwach' jacw yol sat winac, caw wach'x yiln win si'mb'il.

Lc 7:50

Xlajw cha, xyaln Jesús 'ixtc 'a jun 'ix cha: —Ach colchji, yujto in a'ch 'a a c'ojol. Yuj cha, paxn̈ 'a tzaljc'ojlal, xchi Jesús 'a 'ix.

Lc 9:48

Xyaln 'a eb' scuywum chi 'ixtic: —Tzann̈j mach tzchan junc 'unn 'icha jun tic, yujto wico', an ton tzin scha'aj. Man̈ cojnoc in tzin scha'a, tzchaj pax jun mach checjnacn coti. A mach yel xo tzyij 'ejm sb'a 'a e cal, atn jun chi yel xo wal niwn yel'chi, xchi 'a eb'.

Jn 9:32

Mant 'a junc mach tzcab' sjacn sat junc matz uj yiln xoni yic tz'alji.

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.