Mr 10:45 - Chuj San Sebastian Bible

⁴⁵ Yujto an tic, wach'xam 'Ochnc in 'Anma'il, man̈ yujoc wajx servil in jawi, palta yuj wa'w servil. In jaw wul wac' cham in b'a, sec wach' til wal mach 'oj colchjc can 'el wu'uj, xchi Jesús 'a eb'.

Chuj San Mateo Bible

⁴⁵ Yujto a in tic, vach'chom Ac'b'il in cot yuj Dios voch animail, man̈ yujoc vac'ji servil in javi, palta yuj vac'an servil. Ix in javi ul vac'cham in b'a sq'uexuloc eb' anima, yic vach' tzijtum eb' ol colchajcanel vuuj, xchi Jesús d'a eb'.

Mr 10:45 ပူးပေါင်းရင်းမြစ်များ

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Mr 10:44

An̈jtona', toto 'ayx tze nib'j caw niwn eyel'ch 'a e cal, yowlal tzex 'och mosoal 'a eb' eyit cuywumal.

Jn 13:14

Cuywjum in ton 'ayex. Yajl in ton pax 'ayex. Palta 'in xin b'icl eyoc tic. Yuj cha, smoj 'ixta tzlaj eyutc e b'a jun xo.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 5:8

Wach'xam Yunnal, palta yuj jun tzo'n̈ yailal yab'jnac, snachj 'el yu'uj, chajtl yutj syiclni.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.