Mr 10:42 - Chuj San Sebastian Bible

⁴² Palta xyawtn cot Jesús eb' slajchwan̈il 'a 'a, 'ix yaln 'a eb' 'ixtic: —Eyojc xoni to a eb' 'aych yajlil 'a junjn niwc chon̈ab', caw tzyac' mandar eb', ax eb' niwc winac, caw yajl yaj eb' 'a yib'n̈ 'anma'.

Chuj San Mateo Bible

⁴² Axo Jesús chi' ix avtancot eb' slajchavan̈il, ix yalan d'a eb': —Toxon eyojtac to a eb' ayoch yajalil d'a junjun nivac chon̈ab', syac' mandar eb'. Axo eb' nivac vinac, yajal yaj eb' d'a yib'an̈ eb' anima.

Mr 10:42 ပူးပေါင်းရင်းမြစ်များ

Mt 20:25

Yuj cha, 'ix yawtn cot Jesús eb' slajchwan̈il, 'ix yaln 'a eb' 'ixtic: —Eyojc xoni, a eb' 'aych yajlil 'a junjn niwc chon̈ab', caw tzyac' mandar eb'. Ax eb' niwc winac, caw yajl yaj eb' 'a yib'n̈ eb' 'anma'.

Mr 10:41

Yic 'ix yab'n lajn̈wan̈ xo eb' yit cuywumal eb' cha, 'ix cot yowl eb' 'a Jacobo yet' 'a Juan cha.

Mr 10:43

Palta ax tic, man̈ 'ichcta 'oj 'aj 'a e cal. Toto 'ayx tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal. Toto 'ixta', caw niwn eyopiso.

Lc 22:25

Palta xyaln Jesús 'a eb' 'ixtic: A eb' rey 'a junjn nacion̈, caw yajl yaj eb'. Yet' pax eb' yajal, wach' eb' yaln eb' 'anma'.

A Sb'ab'el Carta San Pedro 5:3

Matz tac' ton̈j yajl tzeyutj e b'a 'a eb' creyente 'ay 'a yol e cuenta cha. Palta tze ch'ox jun wach' b'eyb'al yil eb', sec 'oj sb'eylb'oc pax eb' jun xo.