Mr 10:32 - Chuj San Sebastian Bible

³² Ax Jesús, 'ix 'atx 'a yol jun b'e tzc'och 'a Jerusalén, 'ix b'ab'lj yuj eb' scuywum. A eb' scuywum cha, ton̈j 'ix sat sc'ojl eb'. Ax jun tzo'n̈ xo eb' 'anma ajun yet' eb', caw 'ix xiw eb'. 'Ix yawtn 'elt Jesús eb' scuywum chi slajchwan̈il 'a scal eb' 'anma cha, 'ix syamn 'och yaln 'a eb', tastc 'oj jawc 'a yib'an̈, xyaln 'ixtic:

Chuj San Mateo Bible

³² Axo Jesús ix b'atxi d'a yol jun b'e sc'och d'a Jerusalén. Ix b'ab'laj yuj eb' sc'ayb'um. A eb' sc'ayb'um chi', ton̈ej ix sat sc'ool eb'. Axo juntzan̈xo eb' anima ajun yed' eb', ix te xiv eb'. Axo Jesús, ix avtanelta eb' sc'ayb'um chi' slajchavan̈il d'a scal eb' anima chi'. Ix och ijan yalan d'a eb' tastac ol javoc d'a yib'an̈.

Mr 10:32 ပူးပေါင်းရင်းမြစ်များ

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mr 1:27

Ax eb' 'anma cha, caw sat sc'ojl eb' smasnil yilni. Yuj cha, xlaj yal-lanc eb' 'ixtic: —¿Tas laj wal yaj jun tic? ¿Tas cuynb'ilal jun tzat jaw tic? A win tic, 'ay spoder ya'n mandar eb' demonio, 'in to tzyiclj eb' 'a 'a, xchi eb'.

Mr 4:34

Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb' 'anma'. Ax 'a eb' scuywum, c'uxn 'ix yac' nachjc 'el jun tzo'n̈ chi yuj eb'.

Lc 10:23

Xlajw cha, x'ec' q'uel-loc 'a eb' scuywum, xyaln 'ixtc 'a eb' sch'ocoj: Caw wach' yic eb' tz'iln jun wan eyiln tic.

Lc 19:28

Xlajw yaln Jesús jun 'ab'x cha, 'ix chan pax b'e yet' eb' scuywum, yic tz'at eb' 'a Jerusalén.

Lc 9:51

Yic wan sc'och stiempoal spax Jesús 'a satcha'an̈, 'ix ste'wtzej sb'a s'at 'a Jerusalén.

Jn 11:16

Ax Tomás, tzcuch pax Tiyx 'anma', 'ix yaln 'ixtc 'a eb' yit cuywumal cha: —Coyc pax 'at ca'c cham qui b'a yet'oc, xchi.

Jn 11:8

'Ix yaln eb' scuywum chi 'ixtc 'a 'a: —Palta Mamin, caw jaye nant c'u xya'lj ewin 'aj Judea chi ach sjuln cham 'a cha. ¿Tom tza nib'j tzach 'at jun 'ejm xo ta'? xchi eb' 'a 'a.