Mr 10:2 - Chuj San Sebastian Bible

² 'Ay jun tzo'n̈ ewin fariseo xjaw 'a 'a, yujto tznib'j ewin tzyac' prowal, yuj cha, 'ix sc'anb'n ewinac toto 'ay sleyl tzpoj sb'a junc winc yet' yistzil.

Chuj San Mateo Bible

² Ay juntzan̈ eb' vin̈ fariseo ix c'och d'ay, yujto sgana eb' vin̈ syac' proval. Yuj chi', ix sc'anb'an eb' vin̈ d'ay tato ay sleyal spucan sb'a junoc vin̈ vinac yed' ix yetb'eyum.

Mr 10:2 ပူးပေါင်းရင်းမြစ်များ

Malaquías 2:16

A Jehová qui Diosalec tztac' yuj smasnil, an̈ israel on̈c tic, a tzaln 'ixtic: Caw tze tan̈wj wal e b'a, 'a'c 'el'choc e ti eya'jnac 'a eyistzil. Yujto an tic, caw tzin chacl eb' tzpoj sb'a yet' yistzil, caw wal tz'och e mul 'a eb' 'ix, toto 'ixta tzeyutj e b'a, xchi Dios.

Mt 15:12

Yuj cha, xjaw eb' scuywum 'a stz'ey, 'ix yaln eb' 'ixtc 'a 'a: —¿Ojc ama to caw xcot yowl ewin fariseo yuj jun xal tic? xchi eb' 'a 'a.

Mt 16:1

'Ay jun tzo'n̈ ewin fariseo yet' ewin saduceo xjaw 'a Jesús, yujto tznib'j ewin tzya'lj prowal. Yuj cha, sc'ann ewin yil junc milagro tzcot 'a Dios.

Mt 19:3

'Ay jun tzo'n̈ ewin fariseo xjaw 'a 'a. Tznib'j ewin yac' prowal, yuj cha, 'ix sc'anb'n ewin 'ixtc 'a 'a: —¿'Aym sleyl tzpoj sb'a junc winc yet' yistl yuj tzann̈j junc tas? xchi ewin 'a 'a.

Mt 22:35

'Ay jun 'a scal ewinac, cuywjum 'a ley yic Moisés, snib'j win tzya'lj prowal Jesús cha, 'ix stz'acn win sc'anb'c 'a 'ixtic:

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 9:34

Palta ax eb' fariseo 'ix yaln eb' 'ixtic: —A jun winc tic, tztac' ton yi'n 'el win ewin demonio, yujto a win syajlil ewin 'aych yet' winac, xchi eb'.

Mr 10:1

'Ix 'atx Jesús 'a Capernaum 'a 'aj 'ayc' cha, 'ix 'ec' 'a yol yic Judea, 'ix c'och 'a junx lugar 'ay 'a sc'axpil a Jordán. Ata 'ix syam sb'a eb' 'anma jun 'ejm xo, 'ix cuywj 'a eb' 'icha xon sley.

Mr 10:3

Yuj cha, xyaln 'a ewin 'ixtic: —¿Tas xchi can schecnb'il Moisés 'a Ch'an̈ U'un̈? xchi.

Mr 8:11

'Ay jun tzo'n̈ ewin fariseo xjaw 'a Jesús, 'ix syamn 'och ewin sten sb'a yet'oc, yujto tznib'j ewin tzya'lj prowal, yuj cha, 'ix sc'ann ewin yil junc milagro tzch'oxn 'el spoder Dios.

Mr 8:15

'Ix yaln Jesús 'ixtc 'a eb': —'Ab'ec, tzeyil wal e b'a, a wal yich span ewin fariseo, yet' yich span win Herodes, caw 'ay smay tzex juw 'el yu'uj, xchi 'a eb'.

Lc 11:39

Palta xyaln Cajlil 'a win 'ixtic: —Ax fariseo ex tic, caw tze b'icl spatquil e vaso yet' e yuc'ab', palta ax tas 'ay 'ejm 'a yojol, ton̈j 'elc'b'il eyuj 'a scal maysch'olnil.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Lc 5:30

Palta ax ewin fariseo yet' jun tzo'n̈ xo spartido ewinac, atn ewin cuywjum 'a ley yic Moisés, tu xyal ewin 'a eb' scuywum Jesús. 'Ix yaln ewin 'ixtic: —¿Tas yuj junn̈j tzex wa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewin 'a eb'.

Lc 6:7

Ax ewin cuywjum 'a ley yic Moisés yet' ewin fariseo, 'ix stan̈wj ewin yila', toto 'oj b'oxc can sc'ab' win yuj Jesús 'a sc'ul 'iljelal cha. Yujto tznib'j ewin tzsay junc smul, sec tzyac' queja ewinac.

Lc 7:30

Palta ax ewin fariseo yet' ewin cuywjum 'a ley yic Moisés, man̈ schajnac ewin 'ajxc bautisar sb'a yu'uj. 'Ixta xyutj ewin sch'oxni, to a tas tznib'j Dios 'a ewinac, may yel'ch 'a sat eb'.

Jn 11:47

Ax ewin fariseo cha, yet' eb' sat ya'mal 'och sti eb' israel 'a Dios, 'ix sc'umj sb'a ewin yet' eb' sat yajal. 'Ix laj yalnc eb' 'ixtic: —¿Tas tzcutjec tze na'a? Yujto til wal jun tzo'n̈ milagro wan sch'oxn jun winc cha.

Jn 11:57

Ax ewin fariseo yet' eb' sat ya'mal 'och sti eb' israel chi 'a Dios, 'ix ya'n 'elt eb' jun ley, 'a 'aj tzyal 'ixtic: Toto 'ay 'aj tzeyil Jesús, tzwul eyal 'a tic, xchi jun ley cha. 'Ixta xyutj ewin yaln 'eli, yujto tznib'j ewin ya'ch Jesús 'a preso.

Jn 7:32

Ax ewin fariseo, xyab'n ewinac tas xyal eb' 'anma yuj Jesús. Yuj cha, smol aln ewin yet' eb' sat ya'mal 'och sti eb' israel 'a Dios, 'ix cob' schecnc 'at ewin jun tzo'n̈ eb' policía stan̈mal yatut Dios, yic tz'at yi'nc cot ewin Jesús, sec tzya'ch ewin 'a preso cob' snani.

Jn 7:48

¿Tom 'ay junc eb' cajlilec tic tzya'ch sc'ojl 'a winac? An̈jtona', an̈ fariseo on̈ tic on̈, may pax junc on̈ tzca'ch qui c'ojl 'a win on̈.

Jn 8:6

Palta ton̈j xcob' stz'ac ewin sc'anb'c 'ixta', yic tzya'lni prowal ewinac, yujto tznib'j ewin tzyac' queja. Ax Jesús ton̈j 'ix 'em n̈ojan. 'Ix stz'ib'n can 'ejm jun tzo'n̈ tas 'a sat lum yet' yune sc'ab'.

1 Co 10:9

Matz tac' ca'nec prowal Cajlil yic tzquilni, toto tzyac' niwnc'ojlal 'ayn̈ec. Yujto 'ixta yutjnac sb'a jun tzo'n̈ eb' 'a scal eb' cha. Yujn̈ej cha, slajw 'el eb' yuj jun tzo'n̈ no chan.