Mr 10:19 - Chuj San Sebastian Bible

¹⁹ 'In ojc jun tzo'n̈ schecnb'il Dios, 'a 'aj tzyal 'ixtic: Man̈ e b'o 'ajmulal 'a yol sc'ab' eyitb'eym junjn ex, man̈ e mil cham junc eyit 'anma'il, man̈ ex 'elc'woc, man̈ eya'ch 'es 'a yib'n̈ eyit 'anma'il. Man̈ eyixtc paxti eyit 'anma'il, 'ay cab' yel'ch e mam e nun 'a a sat, xchi 'a winac.

Chuj San Mateo Bible

¹⁹ Inai, ojtac juntzan̈ schecnab'il Dios tz'alan icha tic: Man̈ ach em ajmulal. Man̈ a milcham junoc etanimail. Man̈ ach elc'anoc. Man̈ ac'och es d'a yib'an̈ junoc etanimail. Man̈ ac' musansatil junoc etanimail. Ayocab' yelc'och a mam a nun d'a a sat, xchi Jesús d'a vin̈.

Mr 10:19 ပူးပေါင်းရင်းမြစ်များ

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Mr 10:18

'Ix ta'w Jesús 'a win 'ixtic: —¿Tas yuj tzin al wach'il? Cojxn jun mach wach', atn Dios.

Lc 18:20

'In ojc xon jun tzo'n̈ checnb'il, 'aj tzyal 'ixtic: Man̈ e b'o 'ajmulal 'a yol sc'ab' eyitb'eym junjn ex. Man̈ e mil cham junc e yit 'anma'il. Man̈ ex 'elc'woc. Man̈ eya'ch 'es 'a yib'n̈ eyit 'anma'il. 'Ay cab' yel'ch e mam e nun 'a e sat, xchi Jesús 'a winac.

Ro 13:9

'Ay jun tzo'n̈ checnb'il tzyal 'ixtic: Man̈ e b'o 'ajmulal. Man̈ ex milwoc cham 'anma'. Man̈ ex 'elc'woc. [Man̈ eya'ch 'es 'a yib'n̈ eb' eyit 'anma'il.] Man̈ e nib'c 'och junc tas, xchi. 'Ayt pax jun tzo'n̈ xo checnb'il. Palta 'ay junx checnb'il colb'il tz'och sjelc jun tzo'n̈ tic smasnil, tzyal 'ixtic: Chamc'ojlejc eb' eyit 'anma'il, 'icha wal tzeyutj eya'iln e b'a junjn ex, xchi.

Ro 3:20

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

Gl 4:21

'Ay ex, a jun ley yic Moisés tze nib'j tzex 'a'n mandar. Palta ¿tom matz e na coti, tas tzyal 'a jun ley cha?

Gl 5:14

Jantcn̈ej tas 'ay 'a ley yic Moisés, c'uxn tzcheclj 'el yuj jun checnb'il 'oj wal tic: Tzlaj e chamc'ojloc eyit 'anma'il, 'icha tzeyutj eya'iln e b'a junjn ex, xchi.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

Santiago 2:11

A Dios aljnac 'ixtic: Man̈ e b'o 'ajmulal, xchi. Tzyaln paxi: Man̈ e mil cham eyit 'anma'il, xchi. Caw a Dios aljnac schab'il. Yuj cha, wach'xam matz qui b'oc 'ajmulal, palta toto tzqui mil cham junc quit 'anma'il, tzyal 'el'chi, wan qui te'nec can 'ejm sley Dios.