Miqueas 7:19 - Chuj San Sebastian Bible

¹⁹ 'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Chuj San Mateo Bible

¹⁹ Ol oc'xi a c'ol d'ayon̈. Ichato ol a muccanem co mul. Ichato ol a yumcanb'at co chucal d'a sjulal yich a' mar.

Miqueas 7:19 ပူးပေါင်းရင်းမြစ်များ

A Ch'an̈ Schab'l Libro Samuel 24:14

Yuj cha, xyaln David 'a Gad 'ixtic: —Caw wal matz nachj wu'uj. Yel xo wach' tzon̈ canc 'a yol sc'ab' Jehová, yujto niwquil schamc'ojlal 'ayn̈ec; man̈oc cab' 'a yol sc'ab' eb' 'anma tzon̈ canec, xchi.

Salmos 103:12

Caw wal najt 'ix ya'cn 'at qui mulec yic 'ix yi'n 'el 'ayn̈ec, 'icha wal snajtil scal 'aj tzq'uel c'u yet' 'aj tz'ejm paxi, 'ixta 'aj x'at ya'cni.

Salmos 130:8

A 'oj qui colnec 'elt an̈ israel on̈c tic 'a yaln̈ qui mul.

Salmos 85:3

Yelc'ojlal 'ix ej 'och wan yowl a c'ojl 'a quib'n̈ on̈ yet' a c'a'lc'ojlal.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Jeremías 33:8

'Oj wi'cn 'el smaysch'olnilal eb'. 'Oj wa'cn lajwc smul eb' cha, yet' smasnil stenmtacl eb' 'ayin.

Jeremías 50:20

An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.

Lm 3:22

Yujn̈ej schamc'ojlal Jehová, yuj cha, matz on̈ satc 'eli, yujto tz'o'chn̈ej sc'ojl 'ayn̈ec.

Lm 3:32

Wach'xam tzya'ch wal qui yailalec, palta tz'o'ch pax sc'ojl 'ayn̈ec, yujto caw wal niwn schamc'ojlal.

Ez 18:22

Smasnil tas maysch'olnil xlaj sb'o', man̈x 'oj in na coti, 'oj wac' sq'uinal yujto tojl tas tzb'o'o.

Ez 39:29

Man̈x 'oj wi'l in sat 'a eb', yujto 'oj wa'x in poder 'a yib'n̈ eb' israel jun 'ejm xo. An Jehová in, an tzwala, xchi Dios.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Os 14:4

Tzyaln Dios 'ixtic: 'Oj wac' jawc snab'en eb' in chon̈b' tic 'a scal spital. Wach'xam man̈ smojoc, palta 'oj in chamc'ojloc eb', yujto man̈x 'oj wa'ch yowl in c'ojl 'a yib'n̈ eb'.

Zacarías 3:4

Xlajw cha, xyaln jun ángel chi 'a eb' schecb' lin̈n 'och 'a yojltac, to tz'ijx 'el slumtac spichl Josué cha. Yajn̈ej xyaln 'a Josué chi 'ixtic: 'Ilto, a tzyal 'el'ch jun tic, to an tzwij can 'el a mul. Ax ticnec, 'oj wac' a'ch te pichl yic q'uin̈, xchi.

Ro 6:14

A maysch'olnil, man̈x 'a yaln yic 'ayn̈ec, yujto man̈xtoc 'ayn̈ec 'ec' 'a yol sc'ab' ley yic Moisés. A 'a yol sc'ab' swach'c'ojlal Dios 'ayn̈ec 'ec' ticnec.

Ro 8:13

Toto an̈ja qui b'eylb'anec 'icha tznib'j qui tu nab'enal, 'oj qui chamc yuj 'a jun 'ejmn̈ej. Palta toto yuj spoder Yespíritu Dios tzcactnec can qui b'on jun tzo'n̈ maysch'olnil yet' qui niwnalec tic, to 'ixta', 'oj qui chac qui q'uinl 'a jun 'ejmn̈ej.

Dt 30:3

toto 'ixta 'oj eyutc e b'a, ax Jehová qui Diosalec 'oj sjel pax snab'en 'a eyib'an̈. 'Oj 'o'x 'och sc'ojl 'ayex. Ax ex smolb'tzan cot jun 'ejm xo 'a jun tzo'n̈ nacion̈ 'aj pechb'ilx can 'at 'a 'icha presoal.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 8:12

'Oj wac' niwnc'ojlal smul eb'. Man̈x 'a b'a'n̈ 'oj in na cot smul eb' cha, xchi Cajlil 'a Ch'an̈.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.