Miqueas 7:18 - Chuj San Sebastian Bible

¹⁸ Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Chuj San Mateo Bible

¹⁸ Ach co Diosal, malaj junoc dios lajan ed'oc, yujto a ach tic, tzac' lajvoc smul eb' a chon̈ab' tzato cani, tzac'anpax nivanc'olal spitalil eb'. Man̈ ayocn̈ejec' yoval a c'ol d'a juneln̈ej, yujto tzach tzalaj a ch'oxan a vach'c'olal d'ayon̈.

Miqueas 7:18 ပူးပေါင်းရင်းမြစ်များ

Gn 4:7

Toto wach' tas tza b'o'o, tzaljc'ojlal am aji, palta tu tas tza nib'j a b'o', yuj cha, a maysch'olnil chi q'ueln xo 'och 'ayach yic tzach ya'n telwoc, palta tztac' ach tzac' 'ejm jun maysch'olnil cha, xchi.

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

2 Cr 30:9

Toto 'oj eya'x 'och e c'ojl 'a Jehová, a eb' 'ajc'ojl 'ix 'i'n 'at eb' quit israelalec yet' eb' eyunnal 'a 'icha presoal, 'oj cusch sc'ojl eb' 'a eb', ax yajx paxt eb' yuj eb' 'a e chon̈ab'. Yujto a Jehová qui Diosalec, caw wach' snab'en, tz'o'ch sc'ojol. Toto tzeya'x 'och e c'ojl 'a 'a, man̈x 'oj 'el ch'umn 'ayex, xchi.

2 Cr 6:21

Maclj wal ab' in lesl tic 'an, yet' yic eb' wit israelal tic, yic tzleslwi eb' 'aych 'a jun lugar tic. A wal 'a satchan̈ 'aych 'eq'ui, a yic tzab'ni, tza'n lajwc qui mul 'a quib'n̈ on̈.

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Salmos 103:13

'Icha wal yo'ch sc'ojl junc mamb'il 'a yunnal, 'ixta yo'ch sc'ojl Jehová 'a 'ayn̈ an̈ yiclum on̈c 'a 'a.

Salmos 130:4

Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

Salmos 35:10

Yet' wal smasnil in c'ojol 'oj wal 'ixtic: Caw may mach lajn et' Mamin Jehová. A eb' meb'a' yet' eb' may xon jac tas 'ay 'a 'a, tza colcn 'el eb' 'a yol sc'ab' eb' caw te'n yaji, yet' 'a eb' tz'i'n 'ec' jac tas 'ay 'a eb', 'oj in chioc.

Salmos 65:3

A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.

Salmos 65:4

Caw wach' quic an̈ sic'b'iln̈ 'el oj tic on̈, tzon̈ e'n 'at cajn 'a a tz'ey 'a atut. Caw 'oj qui b'ut'j yuj tas wach' sc'uxx 'ay 'a atut cha, atn tas caw ecn̈ej yaji.

Salmos 71:19

A wal a tojlal ach in Diosal, caw tzq'ue'ch 'a satcha'an̈, caw niwn yel'ch jun tzo'n̈ tas a b'ojnac. May junc xo mach 'icha 'ach.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Salmos 89:6

May junc xo dios, mto junc tas 'ay 'a satchan̈ tztac' slajb'tzan sb'a et'oc.

Salmos 89:8

Mamin Jehová tztac' 'oj smasnil, ec yaj smasnil poder, may 'aj tza jel tas tzala; may junc xo lajn 'icha ach tic.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Ex 34:9

—Mamin, ach Wajlil, toto caw yel 'ay a tzaljc'ojlal 'ayin, tzach 'at quet' on̈ 'an, yujto a eb' a chon̈b' tic caw wal pit eb', palta comnoc tzon̈ ac' niwnc'ojlal yuj qui mul on̈, yet' qui maysch'olnil tzlaj 'och 'a ojltac, sec tzon̈ a chaj 'och a chon̈b'oc on̈, xchi Moisés.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Is 40:18

¿Tom 'ay junc mach tztac' e lajb'tzan yet' Dios cha? ¿Tom 'ay junc yechl tztac' slajb'tzax yet'oc?

Is 40:25

A Dios Cojxn toni, a tzc'anb'n 'ixtic: ¿Mach junc 'oj in e lajb'tzoc yet'oc? ¿Toc 'ay mach lajn xon wet'oc? xchi.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Is 57:10

Caw tzex c'unb' laj eyec' 'a najt cha, palta matz nachj xon 'el jac eyu'uj, to may jac yel'ch jun tzlaj e b'o cha. Yujto 'ay cob' tas tze nib'j eyic', yuj cha, matz cob' ex 'och wan eyeq'ui.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Is 64:9

Mamin, man̈ ye'n̈joc cab' 'ay cot owl 'a quib'n̈ on̈, comnoc man̈xtzac a na cot 'aj xlaj 'och qui mul on̈. ¡'Ilt nab'an, to a chon̈b' caj qui masnil on̈!

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Jeremías 3:12

Ach Jeremías, 'ixic, 'at alcn 'el jun tzo'n̈ paxti tic 'a eb' et israelal. Ata tzach 'at q'ueln 'a stojlal norte, tzaln 'a eb' 'ixtic: A Jehová, a tzaln 'ixtc 'ayex: ¡Ex israel to caw tenmtac, meltzjan̈c cot 'ayin! An Jehová in, an tzwala, to man̈ owloc 'oj wutc ex in chani, man̈ smasnilc tiempo 'ay cot wowl 'ayex, yujto caw wal 'ay in chamc'ojlal.

Jeremías 3:5

¿Tom smasnil tiempo 'ay cot owl 'ayn̈ on̈? ¿Tom 'ayc'n̈ej owl chi 'a jun 'ejmn̈ej? xe chi. Ya' sb'a wanto eyaln 'ixta', wan e b'on pax jun tzo'n̈ maysch'olnil tze b'o xon cha, xchi Dios 'a eb' israel.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Jeremías 33:8

'Oj wi'cn 'el smaysch'olnilal eb'. 'Oj wa'cn lajwc smul eb' cha, yet' smasnil stenmtacl eb' 'ayin.

Jeremías 38:8

'Ix 'elt win Ebed-melec chi 'a yol sdespacho win rey cha, 'ix yaln 'ixtc 'a winac:

Jeremías 50:20

An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.

Jeremías 9:24

An Jehová in, an tzwala, toto 'ay mach tznib'j tzyac' tzaljoc sc'ojol, tzalj cab'i', yujto tzin yojquej 'eli, chajtlto an ton Jehová in, wach' tzwutj in b'a 'a sat lum lum tic yet' chamc'ojlal yet' pax tojlal. Atn jun tzo'n̈ tic tzchaj in c'ojol, xchi Dios.

Ez 18:23

An Jehová Yajl in, an tzwal 'ixtic: Matz in nib'j to tzcham eb' maysch'olnil sb'eyb'al, palta to tzin nib'j to tzjel eb' sb'eyb'al cha, sec 'ay sq'uinl eb'.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 33:16

Yujto wach' tas tzb'o'o, yuj cha, tz'ajx sq'uinl cha, man̈x 'oj in na cot smul 'ochnc 'a yictax yalan̈, ma'oj cham muc'uc.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Os 14:5

'Icha tz'aj snichn te c'ultc yuj chicb'cha'an̈, mto 'icha te c'ute 'a jolmctac witz 'a lum Líbano to najt tz'at sch'an̈lyib', 'ixta 'oj wutc pax eb' israel.

Jl 2:32

Palta ax smasnil eb' tzyal sb'a 'ayn an Jehová in, 'oj colchjoc can 'el eb'. 'Icha wal yaj waln cani, to a 'a tzaln Sión 'a Jerusalén, 'ay eb' 'oj colchjoc, a eb' sic'b'il 'el wu'uj, ma'oj cham eb'.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Am 7:8

Xlajw cha, scanb'n Jehová chi 'ayn 'ixtic: —¿Tas tzel Amós? xchi. —'Ay jun plomo yic eb' alwanil tzwila, xin chi 'a 'a. Yuj cha, 'ix yaln 'ixtc 'ayin: —'Icha tz'aj stojlb'tzax junc yisquinyoal n̈a yet' junc plomo, 'ixta pax 'oj wutc in tojlb'tzan eb' israel, tom tojl yaj sb'eyb'al eb', mto ma'ay. Toto man̈ wach'oc, man̈x 'oj wac' niwnc'ojlal 'a yib'n̈ eb' jun 'ejm xo.

Am 8:2

'Ix sc'anb'n 'ayn 'ixtic: —¿Tas tzel Amós? xchi. —Tzwil jun xuc sat 'awb'ente caw 'e'm xo, xin chi 'a 'a. Xlajw cha, xyaln Jehová 'ayn 'ixtic: —A chon̈b' Israel, caw x'e'max yet' smul, yuj cha, man̈x 'oj wac' niwnc'ojlal jun 'ejm xo.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Miqueas 2:12

'Icha tzyutj junc 'ilm calnelu smolb'tzan no calnelu 'a yol scolal, 'ixta 'oj ex wutc ex in molb'tzan cot e masnil ex yin̈tl Jacob, atn ex israel to 'oj to e cani. 'Icha junc lum 'a'lic b'ut'jnac 'el yuj no calnelu, 'ixta wal 'oj 'aj sb'ut'j pax 'el e lum eyu'uj.

Miqueas 5:3

Ax ticnec, 'oj yactc can Jehová schon̈ab', masnto 'oj 'aljoc yune jun 'ix 'ix wan stan̈wni yalj cha. Atta 'oj meltzjoc cot eb' israel 'ijxnac 'at 'icha presoal 'a chuc chon̈b'al, sec junxn̈ej 'oj 'aj eb' yet' eb' yit chon̈ab'.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Nm 23:21

A 'a scal eb' israel, atn eb' yin̈tl Jacob, may cusc'ojlal yet' yailal tz'ilchj 'a scal eb', yujto a Jehová sDiosal eb'. A 'ayc'n̈ej yet' eb', a syajlil eb' yaji.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Lc 24:47

An̈jtona', yowlal 'oj alxc 'el wab'xil 'a scal eb' 'anma 'a junjn nacion̈, to yowlal tzna sb'a eb', sec 'oj 'ajxc can lajwc smul eb'. A 'a Jerusalén tic 'oj b'ab'l alxc 'el wab'xil, ax spuc 'a junjn chon̈ab'.

Ro 11:4

Palta yaljnac Dios 'ixtc 'a 'a: Ma'ay, 'ayt uque mil winc sic'b'il 'el wu'uj. May 'aj 'ix 'em cumn eb' 'a Baal, jun tzalx 'och diosal, xchi Dios 'a 'a.

Dt 33:26

Ex 'aj Jesurún, may xon junc mach tztac' slajb'tzan sb'a yet' qui Diosalec, yujto ata tz'ec' 'a yib'n̈ 'asun, caw 'ay smay yic tzjaw colwjoc quet'ec.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.