Miqueas 7:1 - Chuj San Sebastian Bible

¹ Yuj cha, xwaln 'ixtic: ¡'Oltacn wali! lajn in xoj 'icha eb' tz'ec' sayj sat uva yet' sat higo 'a yic man̈x stiempoaloc. Palta man̈x 'a sat te xcani, man̈x 'a te sb'ab'l sat caw nib'b'il sloxi.

Chuj San Mateo Bible

¹ Yuj chi', ix valanxi icha tic: Ay... Ob'iltac in. Lajan in icha eb' tz'ec' sayoj sat uva, ma sayoj sat higo yic slo'o ayic toxo ix lajviec' sat avb'en. Man̈xalaj junoc te' sat nib'ab'il tz'ilchaji.

Miqueas 7:1 ပူးပေါင်းရင်းမြစ်များ

Salmos 120:5

An xo tic, caw 'oltaquin, ton̈j 'e'lb'a wec' jaye'oc c'u 'a lum Mésec, in can 'a scal eb' cajn 'ec' 'a lum Cedar.

Pr 20:6

Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Is 17:6

Jaywn̈xoj eb' 'oj can 'a schon̈b' cha, 'icha pax tzyac' junc te 'awb'en olivo tz'ijx 'emt sat, t'un̈ctac xoj tz'ajcn chab' 'oxe'oc sat chi 'a sn̈i 'el sc'ab', mto cojxn chan̈ o'e'oc sat chi tzcan 'a jun te chi smasnil, 'ixta 'oj 'aj eb', xchi Jehová, atn sDiosal chon̈b' Israel.

Is 24:13

'Ixtan̈ej 'oj 'aj 'a smasnil nacion̈ 'ay 'a sat lum lum tic; jaywn̈xoj 'anma 'oj canoc. 'Icha wal xoj tz'ajcn junjnoc sat te olivo mto sat te uva yic tox 'ix 'ec' ch'inxoc sat te 'a scha'ejmal, 'ixta 'oj 'ajcn eb' 'anma cha.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Is 28:4

A jun chon̈b' 'ay 'a pan̈n caw wach' yilx cha, lajn yaj 'icha junc tacn̈ corona 'oj satxoc 'eli. Lajn 'oj 'aj 'icha sat te higo tzb'ab'l 'el-li, yajn̈ej tzlox yuj junc mach tz'ilni.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Jeremías 15:10

'Oltacn wal nunin, ¿tas wal yuj in 'ac' 'aljoc? Cojn wal 'a owal, yet' 'a tejb'al 'ayn 'och yet' eb' 'anma'. May mach 'aj in 'och majn tumin, may pax mach x'och majn tumn 'ayin, palta caw wal tzin scatb'tzej eb' smasnil.

Jeremías 24:2

A 'a yojl junc te xuc cha, ata 'ay 'ejm te caw wach', caw wal 'ec'um, atn te sb'ab'l sat. Ax 'a yojl junx te xuc cha, ata 'ay 'ejm te c'al xo, man̈xtzac stac' qui lon te'.

Jeremías 4:31

A eb' 'aj Sión tz'el yaw cha. Caw tzwab' yel yaw eb' 'icha wal yel yaw junc 'ix 'ix 'a yic tz'alj junc sb'ab'l 'une'. Caw tzc'acw eb', tzlaj sjilnc 'at eb' sc'ab', tzyaln eb' 'ixtic: ¡'Ay, 'oltacn̈ec wali! ¡Caw 'oj on̈ smilc cham eb' milm cham 'anma'! xchi eb'.

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Nm 18:13

Yet' pax smasnil sb'ab'l sat 'awb'ente tzyij cot eb' 'ayn an Jehová in, ec tz'ajcn jun tzo'n̈ cha. Tzann̈j junc ecan 'ayc' et'oc, toto wach' yaj 'icha yaln ley, tztac' sc'uxn jun tzo'n̈ ofrenda cha.