Miqueas 6:9 - Chuj San Sebastian Bible

⁹ Wan yawtn Jehová eb' schon̈ab'. Caw 'aych 'a snab'en eb' smaclni yab' 'a 'emmquilal tas tzyala. Tzyal Jehová 'ixtic: Jaw cab' e nab'en yuj yailal, 'ay cab' wel'ch 'a e sat, an ton tzwa'ch eyailal cha.

Chuj San Mateo Bible

⁹ A Jehová tz'alan d'a schon̈ab' icha tic: A mach d'a emnaquilal scham yab'an tas vala', te ay pensar. Jaocab' e pensar yuj eyaelal, ayocab' velc'och d'a yol e sat, a inton svac'och eyaelal chi'.

Miqueas 6:9 ပူးပေါင်းရင်းမြစ်များ

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

Job 10:2

Ax waln 'a Dios 'ixtic: Ach in Diosal, man̈ ala' to 'ay in mul. Toto 'ay in mul cha, al 'ayin 'aj 'ix 'och in mul.

Job 23:14

A tas snalb'ej sb'on 'a in patic, tzb'on̈ej; 'ayt pax jun tzo'n̈ xo tas nab'il yu'uj, quen man̈ lajnoc yet' jun tzo'n̈ tic.

Job 5:17

Caw wach' yic junc mach tz'ajx cuenta yuj Dios. Man̈ a patquilc can 'el tas tzach yutj ach ya'n cuenta Dios to tztac' yuj smasnil.

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Salmos 48:10

Alx cab' wach' paxti 'aych 'a smasnil yolyib'n̈q'uinl tic, yujto a moj wal yijx chan̈ a b'i. Yet' wal a jelnal tza b'on yaj smasnil tas 'a stojlal.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Pr 22:3

A mach 'ay snab'en, tzyil tas 'ay smay, yajn̈ej tzcoln sb'a 'a 'a; ax junc may snab'en, ton̈j tzwach' 'at 'a yojltac, masnto tz'ejm yuj yailal.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 27:10

A jun chon̈b' to caw wach' yaj sb'o'i, c'uxn 'ix lan̈chj 'ejmi, 'icha junc n̈a man̈x 'a yajal, 'icha pax 'aj may 'anma', cusltac xoj yilxi. Swalab' xoj no noc' 'oj 'ajcni, c'uxn 'oj laj sc'uxcn 'ejm no sc'ab' te te', ax yem pun̈n e no yilj 'a yich te'.

Is 30:27

'Iltec wal scot Jehová 'a najat. Caw wal tzcot yowl si'mb'il. Lajn wal yowl sc'ojl chi 'icha jun c'ac' caw tzn̈ilchji, tzq'ue pax stab'il. A spaxti', lajn 'icha jun c'ac' tzn̈usntz'a smasnil tastac.

Is 66:6

'Ay jun 'aw checl yoch 'a yol chon̈ab', a jun 'aw cha, ata 'ay 'a yol yatut Dios. A Jehová a wan ya'n 'och syailal eb' 'ajc'ojl yajch 'a 'a, wan ya'n spac yic junjn mach, 'icha tas smoj schani.

Is 9:13

Ma'oj sna sb'a eb' yic tzyaln sb'a eb' 'a Dios, wach'xam 'aych eb' 'a syailal. Ma'oj ya'ch eb' sc'ojl 'a Jehová tztac' yuj smasnil.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 26:6

Toto an̈ja ma'oj eyicloc, to 'ixta', 'ixtc 'oj wutc can watut 'icha wutjnac jun in cajnub' 'a Silo. 'Oj wa' cot catb' 'a yib'n̈ jun chon̈b' tic 'a scal smasnil nacion̈ 'ay yolyib'n̈q'uinl tic, xchi Dios, xa chi 'a eb', xchi 'ayin.

Jeremías 47:7

Palta ¿tas wal 'oj 'aj yoch wa'an? Yujto a Jehová 'ix alni, to 'ixta tz'aji, caw a 'ix alni to tz'och owl 'a chon̈b' Ascalón yet' 'a smasnil eb' cajn 'a sti 'a mar.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Am 2:5

Yuj cha, 'oj wac' n̈usxoc tz'a Judá, ax jun c'ac' chi 'oj satnc 'el jun tzo'n̈ cuartel 'a Jerusalén, xchi Jehová.

Am 6:1

Ex syajlil Sión yet' ex syajlil Samaria, mayn̈j tas tze na'a yujto cojxn̈ej e nacion̈ 'ay yel'ch eyalni. Smasnil eb' eyit chon̈ab', tzlaj yic' 'ejm sb'a eb' 'ayex, palta caw 'oltac ex, yujto 'ay tas 'oj jawc 'a eyib'an̈.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Miqueas 6:10

A 'a yatut eb' maysch'olnil sb'eyb'al, til wal ricoal 'ayq'ui, ata tzyij eb' 'a spatc maysch'olnil, ¿tom 'oj 'at satc'ojlal jun tzo'n̈ tic wu'uj? 'Ixta pax jun tzo'n̈ 'echtab' man̈ tz'acnoc, caw yajb'il 'el wu'uj.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Sofonías 3:2

Ma'ix schaj eb' yab' tas xyal Jehová, ma'ix yal sc'ojl eb' x'ajx cuenta. Ma'ix ya'ch eb' sDiosal yipc sc'ojol, ma'ix yal sc'ojl eb' xya'ch sb'a 'a yol sc'ab'.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.