Miqueas 6:4 - Chuj San Sebastian Bible

⁴ 'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

Chuj San Mateo Bible

⁴ Ina a in vic'naquelta eb' e mam eyicham d'a Egipto. In colannac eb' b'aj ayoch checab'vumal chi'. A in in checnacb'at vin̈aj Moisés, vin̈aj Aarón yed' ix María, aton eb' cuchb'annac eb'.

Miqueas 6:4 ပူးပေါင်းရင်းမြစ်များ

A Ch'an̈ Schab'l Libro Samuel 7:23

A pax a chon̈b' Israel tic, may junc xo chon̈b' lajn yet'oc, caw cojn jun nacion̈ tic a coljnac 'el 'a sat lum tic 'a yol sc'ab' eb' 'ajc'ojol, yuj yochcn a chon̈b'oc. Caw satjub'tac tas xa b'o yuj eb' a chon̈ab', yic 'ix e'n 'elt 'a Egipto; 'ix e'n 'el pax jun tzo'n̈ nacion̈ yet' sdiosal 'a yojltac eb'. Yuj cha, caw wal tzb'inax 'a b'i yuj eb' 'anma',

Salmos 77:20

'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.

Ex 12:51

A 'a jun c'u cha, stzol-l 'ix yutj Jehová yi'n 'elt eb' israel 'a sat slum eb' 'aj Egipto.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 3:10

Yuj cha, 'ixc ticnec, ach tzach wa'ch 'a sat paxtinc 'a win sreyl Egipto cha, ach 'oj a paxtin 'a winac, ax e'n 'elt eb' in chon̈b' chi 'a jun lugar cha, xchi Dios.

Ex 4:10

Xlajw cha, 'ix yaln Moisés 'ixtc 'a Jehová: ¡'Ay, Mamin Jehová! comnoc wal man̈oc in tzin a checb'ti, yujto caw wal matz tac' in paxtini; man̈ octo yic tzaln 'ayn tic tzwaln 'ixta', palta toxn in c'ojlb'al to teb'il tztac' in paxtini, xchi.

Ex 4:16

Ach tzach paxtin 'a Aarón chi in jeloc, 'icha to an tzin paxtin 'a 'a, ax Aarón 'oj paxtinc 'a eb' chon̈b' chi a jeloc.

Ex 6:27

A eb' xit'c paxtinc yet' win sreyl Egipto, atn Moisés yet' Aarón. A eb' xit' c'annoc 'elt eb' chon̈b' Israel 'a libre.

Jeremías 32:21

Yet' wal a niwquil poder cha, 'ix e'n 'elt a chon̈b' Israel tic 'a Egipto, yic tza ch'oxn jun tzo'n̈ niwc milagro, yet' jun tzo'n̈ senya xlaj a ch'oxo'. Yuj cha, xlaj xiwcn chan̈ eb' 'anma'.

Am 2:10

Palta ax tic, wijnac 'elt eb' e mam eyichm 'a Egipto, chawinc ab'il wijnac b'ey eb' 'a lum cusltac lu'um, yuj wa'n slum eb' amorreo chi 'a eb'.

Nm 12:1

A 'ix María yet' Aarón syamn 'och eb' yaln tu paxti 'a spatc Moisés, yujto a jun 'ix cusita x'och yistloc.

Nm 33:1

'Ixtc wal x'aj sb'ey cot eb' israel yic 'ix 'elt eb' 'a Egipto, stzol-l x'aj eb' scoti. A Moisés yet' Aarón, a eb' xjucb'tzan eb'.

A Tas Sc'ulejnac Eb' Schecab' Jesús Hechos 7:36

Atn Moisés chi x'i'n 'elt eb' quit chon̈b' 'a Egipto. Chawinc ab'il 'ix sch'ox jun tzo'n̈ milagro 'a Egipto cha, yet' 'a a Chac Mar sb'i, yet' pax 'a lum cusltac lu'um.

Dt 15:15

Tze na coti, chajtlto on̈ 'e'c mosoal 'a Egipto, palta a Jehová qui Diosalec on̈ 'i'nec 'elt 'a libre. Yuj cha, tzwaln can eyab' jun tzo'n̈ checnb'il tic.

Dt 24:18

Man̈ eyac' sat 'a e c'ojol, yujto an̈ec tic, on̈ 'e'c mosoal 'a Egipto, ax Jehová Dios a on̈ 'i'nec 'elta, yuj cha, tzwaln can 'ayex, to tzeyiclj smasnil jun tzo'n̈ tic.

Dt 4:20

Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 5:6

An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.

Dt 7:8

Yujto 'ay schamc'ojlal Jehová 'ayn̈ec, yuj cha, on̈ yi'n 'elt 'a Egipto 'a 'aj 'ayn̈ec 'och mosoal. Yet' wal spoder on̈ yi'n 'elt 'a yol sc'ab' win rey cha, sec tzyac' 'el'choc tas alb'il can yuj 'a eb' qui mam quichmec 'a pecti'.

Dt 9:26

'Ix waln 'a 'ixtic: Mamin Jehová, man̈ a satl jun a chon̈b' tic, yujto ach xa col 'elt yet' a jelnal, yet' a poder xe'n 'elt 'a Egipto yic tz'och eco'oc.

A Ch'an̈ B'ab'el Libro Samuel 12:6

Yuj cha, xyaln pax Samuel 'ixtc 'a smasnil eb' chon̈b' cha: —A Jehová a si'n 'och Moisés, yet' Aarón yic yi'n 'elt eb' qui mam quichmec 'a lum Egipto.