Miqueas 6:3 - Chuj San Sebastian Bible

³ Ex israel tzcham wal eyab'n tas tzwala. Ta'wan̈c 'ayn ex in chon̈ab'. ¿Tom ex wixtej, mto 'ay wal tas tu xin b'o 'ayex?

Chuj San Mateo Bible

³ Ex vetisraelal, scham val eyab'an tas syal Jehová. A' tz'alan icha tic: Tac'van̈ec d'ayin ex in chon̈ab'. ¿Tas ix aj ex vixtani, ma tas ix ex vutej?

Miqueas 6:3 ပူးပေါင်းရင်းမြစ်များ

Salmos 50:7

Tzyaln pax 'ixtic: Ex israel in chon̈b' eyaji, macljec eyab' tas 'oj wala', tojln̈ej 'oj wutc waln 'och 'a e sat. An ton tic Dios in, caw e Diosal in.

Salmos 51:4

Caw 'ix 'och wal in mul 'ayach, 'ix in b'o tas tu 'a a sat. Yuj cha, smoj wal in a b'eyc'ojlani, matz tac' yalx tu paxti 'aych yuj jun a b'eyc'ojlal cha.

Salmos 81:13

A eb' in chon̈ab', comnoc xyab' eb' tas xwala; comnoc sb'eylb'ej eb' israel tas xwal 'a 'a.

Salmos 81:8

Ex in chon̈ab', 'ab'c tas 'oj wala', ex israel comnoc wal yiclum tzeyutj e b'a 'ayin.

Is 5:4

¿'Ayt am jacx tzwutj te 'in b'oni? ¿'Ayt am ma'ix nachj wu'uj, tas wal tz'aj te yawxi? To cob' xin tan̈wj ya'n te sat caw wach', ax x'aji paj te sat tic.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 2:5

'Ix yal 'ayx 'ixtic: ¿Tas in mul 'ilchjnac yuj eb' e mam eyicham, yuj cha, in spatquiln can 'el eb'? 'Ix 'och tza'n eb' yuj jun tzo'n̈ comn dios to may jac yel'chi, yuj cha, man̈x 'a jac yel'ch x'ajcn eb'.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.