Miqueas 5:8 - Chuj San Sebastian Bible

⁸ Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Chuj San Mateo Bible

⁸ A eb' yin̈tilal vin̈aj Jacob olto can chi', lajan ol aj eb' d'a scal juntzan̈ nación icha junoc noc' choj ay d'a scal noc' c'ultaquil noc', ma icha junoc noc' choj tz'och d'a scal junoc n̈ilan̈ noc' calnel. Ayic tz'och noc' d'a scal noc' calnel chi', syamancot noc' scotac tzilchitanb'at noc'. Man̈xa junoc mach syal scolanel noc'.

Miqueas 5:8 ပူးပေါင်းရင်းမြစ်များ

Gn 49:9

Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

Salmos 104:20

Tza'n jawc q'uic'q'uinl 'a 'ac'wal, ax 'ac'wl cha, a tzpechn 'elt e no calte'al noc'.

Salmos 44:5

O'oj 'ix ca'n ganar yem eb' 'ajc'ojl yajch 'ayn̈ on̈, yet' wal a b'i 'ix ca'n telwc eb' tznib'n tas tzlaj on̈ yutc on̈.

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Pr 30:30

Atn no león, caw wal 'ay smay no', toxn matz 'at no 'elc yuj junc 'anma';

Is 5:29

A yol sjaj eb', lajn wal sn̈il-li 'icha yic no león, yic tzyamn no schib'ej, tzyi'n 'at no a 'aj 'ay yet'ul, toc 'ay mach tztac' yi'n 'ec' 'a no'.

Ez 39:10

An Jehová in, an tzwala. Man̈x yowlalc 'oj 'at eb' israel chi say sc'atztz 'a najat, man̈x 'oj 'at yic' eb' sc'atztz 'a calte', yujto a jun tzo'n̈ yamc'ab' yic owl chi 'oj sc'atztzoc eb'. 'Ixta wal 'oj yutc eb' yi'n can pax 'ec' tas 'oj wul yi'cc eb' 'ajc'ojl chi 'a eb'.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Miqueas 2:12

'Icha tzyutj junc 'ilm calnelu smolb'tzan no calnelu 'a yol scolal, 'ixta 'oj ex wutc ex in molb'tzan cot e masnil ex yin̈tl Jacob, atn ex israel to 'oj to e cani. 'Icha junc lum 'a'lic b'ut'jnac 'el yuj no calnelu, 'ixta wal 'oj 'aj sb'ut'j pax 'el e lum eyu'uj.

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.

Miqueas 5:3

Ax ticnec, 'oj yactc can Jehová schon̈ab', masnto 'oj 'aljoc yune jun 'ix 'ix wan stan̈wni yalj cha. Atta 'oj meltzjoc cot eb' israel 'ijxnac 'at 'icha presoal 'a chuc chon̈b'al, sec junxn̈ej 'oj 'aj eb' yet' eb' yit chon̈ab'.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Zacarías 11:6

'Icha eb' cha, 'ixta 'in an tic, ma'oj cusch in c'ojl 'a eb' 'anma cajn 'a sat lum lum tic. Junjn eb' 'oj wa'ch eb' 'a yol sc'ab' eb' yit 'anmal cajn 'a stz'ey, yet' 'a yol sc'ab' eb' sreyl eb'. A eb' chi 'oj 'ixtnoc 'el sat lum lum tic. An Jehová in, an tzwala, to man̈x 'oj in col-l eb' 'anma chi 'a yol sc'ab' eb' 'ajc'ojl cha, xchi Dios.

Zacarías 12:3

A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén.

Zacarías 14:18

Atn jun niwn yailal tic 'oj jawc yuj Jehová 'a yib'n̈ eb' 'aj Egipto yet' 'a yib'n̈ jun tzo'n̈ xo nacion̈ to ma'oj jawc wul sna q'uin̈ Chinama 'a Jerusalén.

Zacarías 9:15

A Jehová tztac' yuj smasnil, a 'oj colwjoc 'a eb' schon̈ab'. A yet' smejech eb', ax ste'x 'ejm eb' chuc chon̈b'al yuj eb', 'oj 'ajxoc ganar eb' 'ajc'ojl yuj eb'. Caw 'oj ya'l eb' schon̈b' chi yaw 'a scal owal, 'icha eb' 'u'm 'an̈. 'Oj 'elcn schic'l eb' 'ajc'ojl chi yuj eb', 'icha wal tzyac' schic'l no xajmb'al 'ay 'a yol niwc waso yic tztob'x 'ejm 'a yib'n̈ sch'ac junc yet'l xajmb'al.

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

Mt 10:14

Toto matz ex schaj eb', toto matz nib'j eb' tas 'oj eyala', tzex 'elx 'a yol yatut eb', yet' 'a yol schon̈b' eb' cha. Tze ma'cn 'el spoccal eyoc, yic tze ch'oxn can 'eli, to man̈x 'a eyaln eyic 'a eb'.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.