Miqueas 5:14 - Chuj San Sebastian Bible

¹⁴ 'Oj in to' chan̈ smasnil te niwc te 'aj tzeyac' 'emmquilal, ax in satn 'el jun tzo'n̈ lugar 'aj tzeyac' e xajmb'al 'a jun tzo'n̈ comn dios cha.

Chuj San Mateo Bible

¹⁴ Ol in toc'q'ueta masanil te te' b'aj tzex och ejmelal, ol in satanel e chon̈ab' b'aj tzeyac' e silab' d'a juntzan̈ comon dios.

Miqueas 5:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:10

An̈jtona', sb'on pax chan̈ eb' jun sch'oxnb'il sdiosal tzcuch Asera 'a jolmctac witz yet' 'a yich smasnil te te pim xi'il.

Salmos 149:7

sec a yet' 'oj ca'c qui pac 'a eb' chuc chon̈b'al, ax ca'nec can 'och syailal jun tzo'n̈ xo nacion̈.

Salmos 149:9

sec 'ixta tz'aj yel'ch tas tz'ib'b'il can 'a yib'n̈ eb'. A jun tic, qui wach'loc qui masnil an̈ yic on̈c xo Dios. ¡Alx cab' wach' paxti 'a Jehová!

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Is 17:8

Man̈x 'oj 'at yil eb' jun tzo'n̈ yet'l xajmb'al b'ob'il yu'uj, atn jun tzo'n̈ tzya'ch eb' yipc sc'ojol. Man̈x 'a yel'ch jun tzo'n̈ te te sch'oxnb'il sdiosal eb' tzcuch Asera, yet' jun tzo'n̈ yet'l xajmb'al eb' 'aj tzn̈us incienso.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Jeremías 12:17

Ax pax junc nacion̈ to matz yiclj tas tzwala, an Jehová in, an tzwala to caw 'oj in satcn 'el jun nacion̈ cha, 'icha yic tzto'x q'uet junc te yet' sch'an̈lyib'.

Lm 2:2

C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Nahúm 1:14

A Jehová a tzaln 'ixtc 'a win sreyl Nínive: Man̈x 'a junc en̈tl 'oj b'inanc a b'i. 'Oj in satl jun tzo'n̈ a diosal 'a yol yatutal 'aj 'aychi, checl xo yaj et'l 'aj 'oj a mucxi, yujto caw yajb'entac ach, xchi Dios.