Miqueas 5:1 - Chuj San Sebastian Bible

¹ Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Chuj San Mateo Bible

¹ Ex aj Sion, b'oecoch smuroal b'aj tze col e b'a, yujto ix javi oyan eb' ajc'ol d'a e patic. Ol smac' spac'ultac sti' vin̈ yajalil Israel eb' yed' te' jixc'ab' te'.

Miqueas 5:1 ပူးပေါင်းရင်းမြစ်များ

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ B'ab'el Libro Yic Yab'ixal Eb' Rey 22:24

Xlajw cha, 'ix jaw Sedequías 'a stz'ey Micaías, atn win yunnal Quenaana, spawn 'och win sc'ab' 'a sti win Micaías cha, 'ix yaln win 'ixtic: —¿Tas 'ix 'aj yel Yespíritu Jehová 'aych 'ayin, yuj cha, ax 'aych wan spaxtini? xchi winac.

A Ch'an̈ Schab'il Libro Yic Yab'ixal Eb' Rey 24:2

Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios.

Job 16:10

Til wal 'anma tzyam sb'a yic tzin laj sb'uchn eb', tzlaj spawnc 'och eb' sc'ab' 'a in ti', caw man̈x 'a yel'ch tzin yutj eb'.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 8:9

Ex nacion̈, yamc e b'a yic tzex cot 'a owal, palta toxn to 'oj e satli; ex nacion̈ 'ay 'a najat, 'ab'tec wali, nab'a cob' tzeyij cot eyamc'ab' yic owal, toxn to 'oj e lajw 'eli.

Is 9:5

Ax smasnil xan̈b' eb' soldado yet' spichl eb' b'on̈xnac yuj chic', 'oj n̈usxoc tz'a smasnil.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Lm 3:30

Toxn̈ej to tzon̈ ma'xec, mto tzon̈ b'uchxec, qui chan̈jec qui cuchu'.

Ez 21:32

'Oj e tz'a 'ejmi, ax sb'ey e chic'l 'a sat lum lum tic. Man̈x 'a mach 'oj e nan cot b'aq'uin̈. An Jehová in, an tzwala, xchi Dios, xa chi 'a eb', xchi 'ayin.

Ez 24:2

Ach 'anma', tz'ib'j cani tas c'ul ticnec, yujto a 'a jun c'u tic 'ix syamch win sreyl Babilonia yac' owl 'a Jerusalén.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Jl 3:9

Alc jun tzo'n̈ tic 'ixtc 'a smasnil eb' nacion̈: 'A'c lista e b'a e 'at 'a owal, 'awtjec cot eb' soldado caw 'ay yip. Jaw cab' eb', 'at cab' eb' 'a owal.

Am 2:3

'Oj in mil cham sreyl eb' yet' pax eb' yit yajlil, xchi Jehová.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Mt 26:67

Xlajw cha, 'ix stzub'n 'och eb' stzub' 'a sat Jesús, 'ix smac' pax eb'. 'Ay pax eb' xpawn 'och sc'ab' 'a sti',

Mt 27:30

Xlajw cha, xlaj stzub'nc ewinac, 'ix yi'n 'ec' ewin te 'aj chi 'a 'a, xlaj sjab'nc 'och ewin te 'a sjolom.

Mt 5:39

Palta an tzwal 'ayex, man̈ eyac' owl yet' eb' maysch'olnil tzyutj sb'a 'ayex. Toto 'ay mach tzma'n spac'b'il e ti 'a e wach', tzeyac' jun pac' xo e ti 'a e surito chi smac'a'.

Jn 18:22

Xlajwn̈ej yaln jun tzo'n̈ cha, ax jun win stan̈mal yatut Dios 'ayc' ta', spawn 'och win sc'ab' 'a sat Jesús cha. 'Ix yaln win 'ixtc 'a 'a: —¿Tom 'ixta tzotj a ta'wni tas tzyal win sat ya'mal 'och qui ti 'a Dios? xchi win 'a Jesús.

Jn 19:3

Xlajw cha, 'ix laj c'och ewin 'a stz'ey, 'ix stz'acn ewin yal 'a 'ixtic: —Tzaljan̈ ach cob' sReyl eb' israel, xchi ewin 'a 'a. Spawn 'och ewin sc'ab' 'a sat.

A Tas Sc'ulejnac Eb' Schecab' Jesús Hechos 23:2

Ax Ananías, win sat ya'mal 'och sti eb' israel 'a Dios, 'ix yaln win 'a eb' 'ayc' 'a stz'ey Pablo cha, to tzmac' eb' sti'.

2 Co 11:20

'Ay eb' tzex 'a'n pural, yic tzeya'n servil eb'. Ax jantcn̈ej tas 'ay 'ayex, c'uxn tztoc'c' eb'. Caw tzya'ch sb'a eb' yajlil 'ayex, tzyi'n chan̈ sb'a eb', 'ay 'aj tzpawch eb' scab' 'a e sat, palta ax xo, 'in tzeyac' techjoc 'a eb'.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.

Dt 33:27

A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

Jueces 17:7

A 'a chon̈b' Belén 'a yol yic Judá, ata cajn jun quelm levita, ula yaj 'a yol yic Judá.