Miqueas 4:5 - Chuj San Sebastian Bible

⁵ Wach'xam smasnil jun tzo'n̈ xo chon̈ab', caw yiclum eb' a sdiosal yalni, palta 'ixta pax on̈ an̈ec tic, caw yiclum on̈c 'a Jehová qui Diosal 'a smasnil tiempo.

Chuj San Mateo Bible

⁵ Junjun nación sc'anab'ajan sdiosal yalani, an̈ejtona' a on̈ tic, ol co c'anab'ajej Jehová co Diosal d'a masanil tiempo.

Miqueas 4:5 ပူးပေါင်းရင်းမြစ်များ

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

A Ch'an̈ Schab'il Libro Yic Yab'ixal Eb' Rey 17:29

Palta junjn nacion̈ 'ix sb'o sdiosal 'a junjn chon̈b' 'aj 'ix can cajan; 'ix 'at ya'nc 'och eb' 'a yojl yet'l yic eb' 'aj Samaria b'ob'il yuj 'a jolmctac witz.

A Ch'an̈ Schab'il Libro Yic Yab'ixal Eb' Rey 17:34

Sb'eylb'ejn̈ej eb' 'icha xon sb'eyb'al 'a yaln̈taxi; matz 'och eb' 'emmquilal 'a Jehová, matz yiclj eb' sb'on 'icha yaln sley yet' schecn̈b'il jun 'ix 'ajx sb'eylb'oc eb' yin̈tl Jacob, atn jun 'ix 'ajx sb'ic Israel.

Salmos 20:6

A ticnec xwojquej 'eli, to a Jehová tzcolwj wet' an reyn sic'b'iln 'el yuj tic. A 'a satcha'an̈ ata 'oj ta'wc cot 'ayin, yuj spoder ax wa'n ganar jun tzo'n̈ niwc owal.

Salmos 48:14

A sDiosal Sión, atn qui Diosalec 'a jun 'ejmn̈ej. A tzon̈ 'i'nec b'ey 'a smasnil tiempo, masnto 'a slajub'.

Salmos 71:16

Mamin Jehová, a wal jun tzo'n̈ tas niwn yel'ch a b'ojnac, caw 'oj wal-l yab'xil. Ax waln 'el paxi chajtlto cojxn̈ej ach ton tojl ach.

Is 2:5

Cotn̈ec ex yin̈tl can Jacob, b'eycoyc 'a sacq'uinlal Jehová.

Is 26:13

Mamin Jehová qui Diosal ach on̈. Wach'xam 'ay jun tzo'n̈ xo ewin 'anma x'och qui yajliloc on̈, palta cojn ach tzach calch qui yajliloc ticnec.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Zacarías 10:12

An 'oj wac' ste'nal eb' in chon̈ab'. Wu'uj, ax sta'n yuj eb'. An Jehová in, an tzwal jun tzo'n̈ paxti tic, xchi Dios.

A Tas Sc'ulejnac Eb' Schecab' Jesús Hechos 14:16

A yic pecti', yactjnac can Dios eb' 'anma', sec mun tzb'o eb' 'icha tznib'ej.

Dt 27:10

Yuj cha, yowlal 'oj eyicloc, ax e b'eylb'an jun tzo'n̈ schecnb'il yet' scuynb'il tzwalcn 'ayx tic, xchi Moisés.

A Scarta San Pablo D'a Eb' Aj Colosas 2:6

Yuj cha, 'icha xeyutj e chan Cajlil Jesucristo, 'ixta tzeyutj e b'eyb'al 'a yol sc'ab' ticnec.

A Scarta San Pablo D'a Eb' Aj Colosas 3:17

Tzann̈j tas tze b'o'o, yet' tas tzeyala, 'icha wal tznib'j Cajlil Jesús, 'ixta tzeyutj e b'a. An̈jtona yu'uj, tzlaj eyac' yuj diosal 'a qui Mam Dios.

Josué 24:15

Palta toto matz yal e c'ojl tzeyac' servil Jehová, si'c ticnec mach 'oj eyac' servil. Tom a jun tzo'n̈ comn dios ya'jnac servil eb' qui mam quichmec 'a sc'axpil 'ec' a Eufrates, mto a scomn diosal eb' amorreo 'aj cajnon̈c 'ec' tic. An xo tic yet' smasnil eb' wic cajn 'a yol watut, a Jehová 'oj ca' servil on̈, xchi Josué.