Miqueas 4:12 - Chuj San Sebastian Bible

¹² Palta a jun tzo'n̈ nacion̈ cha, man̈ yojcoc eb' tas nab'il yuj Jehová. Man̈ yojcoc eb' toto 'oj e molb'tzax yu'uj, 'icha wal tz'aj smolb'tzax 'ixm trigo 'a junc 'amac', 'ixta 'oj ex yutoc.

Chuj San Mateo Bible

¹² Palta a juntzan̈ nación chi', man̈ yojtacoc eb' tas nab'il yuj Jehová. Man̈ yojtacoc eb' tato ol molchajq'ue eb' yuuj icha smolchajb'at ixim trigo b'aj stec'chaji.

Miqueas 4:12 ပူးပေါင်းရင်းမြစ်များ

Salmos 147:19

An̈ israel on̈c tic, yin̈tl on̈c can Jacob, 'ix yac' qui Diosalec cojcoquec 'el spaxti', sley yet' schecnb'il.

Salmos 147:20

Man̈ 'ichcta 'ix yutj jun tzo'n̈ xo nacion̈, yuj cha, man̈ yojcoc eb' jun tzo'n̈ sley cha. ¡Alx cab' wach' paxti 'a Jehová!

Is 10:7

Palta man̈oc wal chi nab'il yuj win sreyl Asiria cha, man̈oc chi tzsayq'ui. A tas nab'il yu'uj, to niwn nacion̈ tzsatli.

Is 21:10

'Ab'c wal ex wit chon̈ab', caw ex te'x 'ejm yuj eb' 'aj Babilonia, 'icha tz'aj ste'x 'ixm trigo. A tas 'ix wab' yaln Jehová tztac' yuj smasnil, atn qui Diosal an̈ israel on̈c tic, a tzwal eyab'i.

Is 29:7

Smasnil jun tzo'n̈ chon̈b' man̈x yalnb'ilc sb'isl cha, atn eb' tzyac' owl yet' jun chon̈b' tzcuch Yet'l Xajmb'al. 'Oj 'och oyn eb' 'a 'a, yic tzma'n lan̈chjoc eb' smuroal snani. A eb' cha, lajn 'oj 'aj eb' 'icha junc mach 'ay swejel yic tzwaycni.

Is 55:8

A Jehová a tzaln 'ayx 'ixtic: A tas nab'il wu'uj, man̈ lajnoc yet' tas tze na ax tic. A tas tzin b'o'o, man̈ lajnoc yet' tas tze b'o'o.

Jeremías 29:11

Wojtac tas nab'il wuj 'a eyib'an̈. An Jehová in, an tzwala to a tas nab'il wuj cha, man̈ yujoc eyab'n syail, palta yuj e wach'loc, sec ax 'a slajub' ax wa'n tas 'aych yipc e c'ojol.

Jeremías 51:20

'Ix yaln Dios 'ixtic: A Babilonia 'icha to in niwquil martillo yaji, in yamc'ab' yic owal, yic xin satl jun tzo'n̈ nacion̈ yet'oc, yet' jun tzo'n̈ eb' 'aych reyal.

Jeremías 51:33

A Jehová tztac' yuj smasnil, atn sDiosal Israel, a tzaln 'ixtic: A eb' 'aj Babilonia, lajn wal eb' 'icha 'ixm trigo lista xo yaj 'a yol te'lab', wan sjaw stiempoal ste'xi, xchi Dios.

Jl 3:2

'Oj in molb'tzoc smasnil nacion̈, ax wi'n 'at eb' 'a lum span̈nil yic Josafat. Ata 'oj wa'ch syailal eb' yuj tas x'el sb'on eb' 'a in chon̈b' Israel, yujto caw pucnc can 'at eb' israel yuj eb' 'a smasnil yolyib'n̈q'uinal. 'Ix scotc pojn can 'ec' eb' in lum 'a scal.

Lc 3:17

A jun cha, lajn 'icha junc winc tzchayj strigo, tz'el yoc 'a scal. Tzlajw schayni, tzmoln strigo chi 'a yet'ul, ax stzapil chi tzchayj can 'el cha, tzlan̈cn 'at 'a yib'n̈ jun c'ac' may b'a'n̈ tztupi, xchi Juan chi 'a eb'.