Miqueas 4:10 - Chuj San Sebastian Bible

¹⁰ Ex 'aj chon̈b' Sión, 'el cab' eyaw yuj yailal, yujto 'icha cab' yab'n junc 'ix 'ix syail yic tz'alj yune', 'ixta cab' eyab'n syail. 'Oj eyel 'a yol e chon̈b' tic, axta 'oj e c'och cajn 'a caltcte', masnto 'oj e c'och 'a Babilonia. Ax Jehová, a 'oj e coln 'el 'a yol sc'ab' eb' 'ajc'ojl yajch 'ayex.

Chuj San Mateo Bible

¹⁰ Ex aj chon̈ab' Sion, ab'ec syail, elocab' eyav yuj yaelal, icha val syaelal syab' junoc ix ix ayic tz'alji yune', yujto ol ex el d'a yol e chon̈ab' tic. Ol b'at ex cajnajcan d'a caltac te'. Vach'chom ol ex c'ochn̈ej masanto d'a Babilonia, palta ato ta' ol ex coljoquel yuj Jehová d'a yol sc'ab' eb' eyajc'ool.

Miqueas 4:10 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 20:18

An̈jtona', 'oj 'ijxoc pax 'at eb' en̈til, ax yijx 'el yitb'eym swincal eb', ax yoch eb' ya'malc servil win reyl Babilonia cha, xchi Dios 'ayin, xchi Isaías 'a Ezequías.

A Ch'an̈ Schab'il Libro Yic Yab'ixal Eb' Rey 25:4

Ax eb' caldeo 'ix yac' ganar eb' sma'n olchjoc smuroal jun chon̈b' cha. Wach'xam oyn 'och eb' soldado chi 'a spatquil, palta 'ix 'el win rey yet' smasnil eb' soldado 'a 'ac'wal. 'Ix 'el eb' 'a scal yawb'ente eb' rey. X'el'ch eb' 'a jun puerta 'a snan̈l chab' muro, 'ix 'at eb' 'a jun b'e tzc'och 'a span̈nil sti a Jordán.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

2 Cr 36:20

Ax jantcto eb' ma'ix cham yuj espada, 'ix 'ijx 'at eb' 'a 'icha presoal 'a Babilonia. 'Ix 'ochcn eb' smosooc win rey yet' eb' yunnal winac, masnto xyij yip nacion̈ Persia.

2 Cr 36:23

An Ciro in tic, sreyl in Persia, an tzwal 'ixtic: A Jehová sDiosal satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá. Yuj cha, tzann̈j ex to schon̈b' Jehová eyaji, colwj cab' Jehová e Diosal eyet'oc. A ticnec 'ixquec 'a Jerusalén cha, xchi Ciro.

Salmos 106:10

'Ixta 'ix otj a coln 'el eb' 'a yol sc'ab' eb' 'ajc'ojol, atn eb' tzchichn 'och 'a eb'.

Is 43:14

A Jehová qui Diosal an̈ israel on̈ tic, jun tzon̈ 'a'nec 'el 'a libre, Dios To Cojxni, a tzaln 'ixtic: A wal 'oj wutc ex in coln ax tic, to 'oj in checb't nan̈l eb' soldado yac' owl 'a Babilonia, ax s'at eb' 'aj Babilonia chi elc 'a yol jun tzo'n̈ barco to 'aych yipc sc'ojol.

Is 45:13

An Jehová in tztac' wuj smasnil, 'oj in b'o snab'en win Ciro sec 'oj sb'o tojlal. An 'oj wac' nachjoc 'el yu'uj sec a wach'l 'oj sb'o'. A 'oj b'onc pax in chon̈b' Jerusalén jun 'ejm xo. Ax eb' in chon̈b' to 'ijxnac 'at 'icha presoal, 'oj 'ajxoc 'el eb' 'a libre yuj 'a nab'an̈ej. May tas 'oj stoj eb', may pax spac 'oj yac' eb' 'a 'a, xchi Dios.

Is 48:20

A Jehová a tzaln 'ixtic: 'Eln̈ect 'a Babilonia, 'eln̈ect 'a scal eb' caldeo cha. Alc 'el yab'xil jun tic yet' 'aw yic tzaljc'ojlal, 'a'c 'ojcaxc 'eli, masnto 'a 'aj tzlajw c'och lum lu'um. Alc 'ixtic: A Jehová a 'on̈ 'a'nec 'el 'a libre an̈ yin̈tl on̈c Jacob tic, atn jun schecab', xe chi.

Jeremías 13:4

'Ij 'at jun a jal-l xa man cha, atn jun 'aych 'a a nan̈l cha, 'ixc 'a Perat. Ata tza c'ub'j can 'el 'a sjatlil junc q'uen niwquil q'ue'en, xchi.

Jeremías 15:21

'Oj ach in col-l 'a yol sc'ab' eb' maysch'olnil snab'en, 'oj ach in coln̈j 'a yol sc'ab' eb' ma'm cham 'anma', xchi Dios 'ayin.

Jeremías 29:20

E masnil ex 'aj Jerusalén, ex 'ic'b'ilx 'at 'icha presoal 'a Babilonia, 'ab'c wal tas tzwala.

Jeremías 4:31

A eb' 'aj Sión tz'el yaw cha. Caw tzwab' yel yaw eb' 'icha wal yel yaw junc 'ix 'ix 'a yic tz'alj junc sb'ab'l 'une'. Caw tzc'acw eb', tzlaj sjilnc 'at eb' sc'ab', tzyaln eb' 'ixtic: ¡'Ay, 'oltacn̈ec wali! ¡Caw 'oj on̈ smilc cham eb' milm cham 'anma'! xchi eb'.

Jeremías 48:41

A wal jun tzo'n̈ chon̈b' wach' cob' yajch smuroal, caw 'oj 'ejmc yuj eb' 'ajc'ojol. A wal 'a yic jun c'ul cha, a eb' soldado Moab, toxn̈ej 'oj xiwcn chan̈ eb' 'icha junc 'ix 'ix wan yalj yune'.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Os 13:13

Ex 'aj Israel, xc'och sc'ul e nan e b'a, palta may xon jac e nab'en. Lajn ex 'icha junc 'unn matz uj stoljb'tzan sb'a 'a yol sc'ojl snun, yuj cha, matz tac' xon yalji.

Os 2:14

Wach'xam 'ixta xyutj sb'a chon̈b' Israel, palta 'oj in montc paxi, ax wi'n 'at 'a lum cusltac lum jun 'ejm xo. Ata 'oj wal wach' paxti 'a 'a.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Miqueas 5:3

Ax ticnec, 'oj yactc can Jehová schon̈ab', masnto 'oj 'aljoc yune jun 'ix 'ix wan stan̈wni yalj cha. Atta 'oj meltzjoc cot eb' israel 'ijxnac 'at 'icha presoal 'a chuc chon̈b'al, sec junxn̈ej 'oj 'aj eb' yet' eb' yit chon̈ab'.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.