Miqueas 3:3 - Chuj San Sebastian Bible

³ 'Icha wal to tze pitzn chij 'ejm eb' quit chon̈ab', tze tz'uln 'el stz'umal eb', tze ma'n wecchjoc sb'acl eb'. Lajn tzeyutj eb' 'icha tz'aj no chib'j tztaj 'a yol junc chen.

Chuj San Mateo Bible

³ Ichato pitzanto eb' quetchon̈ab' tze chianb'at eb', tzeyic'anel stz'umal eb', tze vac'chitan sb'aquil eb'. Lajan tzeyutej eb' icha noc' chib'ej tz'ac'jiem tajoc d'a yol chen.

Miqueas 3:3 ပူးပေါင်းရင်းမြစ်များ

Salmos 14:4

Caw may snab'en eb' tzb'on maysch'olnil, atn eb' tzsatn 'el eb' wit chon̈ab'. 'Icha tz'aj junc tas tzc'uxxi, 'ixta tz'aj eb' yuj eb', matz yal pax sb'a eb' 'a Dios.

Salmos 27:2

A eb' tzb'on maysch'olnil yet' eb' 'ajc'ojl yajch 'ayin, syam sb'a eb' 'a in patic, yic tzin satn 'el eb' snani, palta mun a eb' 'oj lajwc 'eli.

Pr 30:14

'Ay pax mach matz 'o'ch xon sc'ojl 'a eb' meb'a', caw tz'ixtx eb' yu'uj, tzyi'n can 'ec' tas 'ay 'a eb'.

Is 3:14

Ata 'oj sb'eyc'ojloc Jehová eb' yichm wincal chon̈ab' yet' eb' 'aych yajlil 'a scal eb', ax yaln 'a eb' 'ixtic: An Jehová in tztac' wuj smasnil, an tzwala: Ax am wal tic xe satl eb' in chon̈ab', 'icha 'awb'en uva, 'ixta yaj eb' 'ayin. Xeyelc'n tas 'ay 'a eb' meb'a', xlaj e c'ub'n 'el 'a yol eyatut.

Is 3:15

¿Tas eyaln eyic eyixtn eb' in chon̈b' tic, tzex q'ue chan̈ eyixtn pax eb' meb'a'? xchi Dios.

Ez 11:3

Tzyaln eb' 'ixtic: An̈ec tic jab'xoj 'oj laj qui b'oc pax catut. A qui chon̈b'ec tic, lajn 'icha junc chen, an̈ec xo tic, lajn on̈c 'icha no chib'j tz'em 'a yojol, yujto colchjnacn̈ec xo 'eli, xchi eb'.

Ez 24:4

Tza'n 'ejm no chib'j 'a yojol, no caw nab'a chib'ej, no sb'a'chil xub' yet' no sb'a'chil squelab', tz'em pax no sb'acl caw wach', tzcotc tzu'x 'at no'.

Am 8:4

Tzcham wal e maclni eyab' jun tzo'n̈ paxti tic ex tzeyixtj eb' 'emmquilal yeq'ui, yet' eb' meb'a 'a qui nacion̈ tic.

Miqueas 2:8

Ax tic, ex 'och 'ajc'ojlal 'a eb' in chon̈ab'. A eb' tzmeltzj paxt 'a owal, a snan eb' to man̈x 'a tas 'oj 'i'nc eb', palta ax xo tzeyij 'ec' spichl eb' to chan̈ stojol.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.