Miqueas 2:2 - Chuj San Sebastian Bible

² Toto tznib'j 'och eb' slum junc yit 'anma'il, tojln̈ej sto'n 'ec' eb', toto tznib'j 'och eb' junc n̈a, tojln̈ej yi'n 'ec' eb'. 'Ixta wal tz'aj yixtx eb' mamb'il yet' yunnal.

Chuj San Mateo Bible

² Tato syiloch sc'ol eb' d'a junoc luum, stoc'n̈ejec' eb'. Tato syiloch sc'ol eb' d'a junoc pat, syic'n̈ejec' eb'. Icha chi' tz'aj yixtaj eb' anima yed' yuninal yuj eb'.

Miqueas 2:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:1

'Ay jun win 'aj Jezreel, Nabot sb'i winac, 'ay jab' slum win 'aj 'ay yawb'en uva 'a stz'ey 'aj 'ay sdespacho win Acab, win rey 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 9:26

'Icha wal 'ix wil smilx cham Nabot yet' eb' yunnal 'ewi, 'ixta wal pax 'oj wutc wa'n spac 'aych 'a jun lugar tic, xchi Jehová. Yuj cha, 'ij 'elta, tz'at a julnc can 'at 'a lum slum can Nabot, yujto 'ixta yutjnac Jehová yalni, xchi Jehú.

Job 31:38

Ax lum in lum 'aj tzin munlji, toto tzq'ue'ch yaln sb'a lum 'a satcha'an̈, q'uinloc tzcus pax eb' 'aj 'ic'b'il 'ec' lum chi wu'uj.

Ex 20:17

Man̈ e nib'c 'och yatut junc eyit 'anma'il, man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och ewin smoso, eb' 'ix ya'mal servil, swacax, sb'uru, mto junc xo tas 'ay 'a 'a, xchi Dios.

Is 3:14

Ata 'oj sb'eyc'ojloc Jehová eb' yichm wincal chon̈ab' yet' eb' 'aych yajlil 'a scal eb', ax yaln 'a eb' 'ixtic: An Jehová in tztac' wuj smasnil, an tzwala: Ax am wal tic xe satl eb' in chon̈ab', 'icha 'awb'en uva, 'ixta yaj eb' 'ayin. Xeyelc'n tas 'ay 'a eb' meb'a', xlaj e c'ub'n 'el 'a yol eyatut.

Is 5:8

'Oltac wal eb' cob' niwn yatut tzb'o'o, tzcob' smacn 'ec' eb' lum lum smasnil yico'oc. Tznib'n eb' to man̈x 'a tas tzcan 'a junc xo mach, tznib'n pax eb' to cojxn eb' tzcajn junc chon̈b' cha.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Ez 18:12

Tzyixtj win eb' meb'a 'anma', tzyel'j win eb', matz yac' meltzj tas tzyactjcan junc mach yuj tas tzmajnj 'a winac, a 'a jun tzo'n̈ yechl comn dios 'aj tzya'ch snab'en, a tas yajb'entac a tzb'o'o.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Ez 22:13

An Jehová Yajl in an tzwala, caw wal tzcot wowl yuj tas tzyij eb' 'a spatc eb' yit 'anma'il, yet' yuj smilwjumal eb'.

Ez 33:26

Til wal 'anma tze xib'tj yet' eyespada; tze b'on tas caw yajb'entac, tzlaj e b'on 'ajmulal yet' eb' 'ix 'ix 'ay yichmil, tzlajw cha, tzcob' e nib'nc eyico'oc lum lum cha, xchi Dios, xa chi 'a eb'.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Ez 46:18

A jun yajl cha, matz tac' sto'n 'ec' slum junc xo mach. A tas yic win yaji, a chi tzya'x can win 'a yunnal sec wach' may junc eb' 'a eb' in chon̈b' to tzcan 'a may slu'um, xchi Dios.

Ez 8:17

'Ix yaln pax 'ixtc 'ayin: Ach 'anma', 'ix el am wal tas tzb'o eb' 'anma tic. Man̈ cojnoc 'a chon̈b' Judá 'aj tzb'o eb' tas yajb'entac tic, palta to xb'ut'j 'el lum lum tic yuj smaysch'olnilal eb', 'icha to xc'och sjab' smul eb' chi 'a in n̈i', yuj cha, tzuntzn cot wal eb' yowl in c'ojol.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Am 8:4

Tzcham wal e maclni eyab' jun tzo'n̈ paxti tic ex tzeyixtj eb' 'emmquilal yeq'ui, yet' eb' meb'a 'a qui nacion̈ tic.

Miqueas 3:9

'Ab'c jun tzo'n̈ tic ex syajlil chon̈b' Israel, ex to man̈ tojloc tzeyutj e b'onyaj eb' 'anma'.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.