Miqueas 1:15 - Chuj San Sebastian Bible

¹⁵ A Jehová a tzaln 'ixtc 'a eyib'n̈ ex cajn 'a chon̈b' Maresa: 'Oj wa'ch e chon̈b' 'a yol sc'ab' eb' 'ajc'ojol, ax eb' yajl to caw b'inab'il 'a scal eb' israel, 'oj 'at sc'ub'c 'el sb'a eb' 'a yoltc n̈aq'uen 'a sla'nil Adulam.

Chuj San Mateo Bible

¹⁵ Ix yalan Jehová icha tic: Ex cajan ex d'a Maresa, ol vac'och e chon̈ab' chi' d'a yol sc'ab' eb' ajc'ool. A eb' nivac yelc'och d'a scal eb' israel, ol b'at sc'ub'ejel sb'a eb' d'a yoltac q'uen n̈aq'ueen d'a Adulam.

Miqueas 1:15 ပူးပေါင်းရင်းမြစ်များ

Gn 38:1

A yic jun tiempoal cha, spojn 'el sb'a win Judá 'a scal eb' yu'tac, xc'och cajn win 'a stz'ey jun win tzcuch Hira, 'aj chon̈b' Adulam winac.

A Ch'an̈ Schab'l Libro Samuel 23:13

A 'a yic jun 'el, stiempoal smolx sat 'awb'en, ax 'a ewin 'oxwn̈ sat yaj 'a scal eb' lajn̈schawinc soldado caw jelan, 'ix 'at eb' 'a 'aj 'ayc' David, 'a q'uen n̈aq'uen 'a yol yic Adulam. Ax eb' filisteo, ata 'ay scamplamento eb' 'a lum pan̈n 'a'lic yic Refaim.

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

Jeremías 49:1

A spaxti Jehová yaljnac can 'a yib'n̈ chon̈b' Amón yic yaln can 'ixtic: ¿Tom may yunnal Israel tztac' yi'n can smacl lum tic? ¿Tas yuj a jun tzo'n̈ 'anma tz'och 'emmquilal 'a dios Milcom, a eb' tzcajn lum slum eb' yin̈tl Gad? ¿Tas yuj a eb' amonita cajn 'ec' 'a jun tzo'n̈ schon̈b' eb' cha?

A Ch'an̈ B'ab'el Libro Samuel 22:1

Xlajw cha, 'ix 'atx David chi ta', 'ix 'at sc'ub'nc 'el sb'a 'a yol jun n̈aq'uen 'ay 'a yol yic Adulam. Ax yic xyab'n eb' yu'tac yet' eb' yicanto sb'a yet'oc, chajtlto ata 'ayc' ta', 'ix c'och eb' yet'oc.