Miqueas 1:13 - Chuj San Sebastian Bible

¹³ Ax xo cajn ex 'a chon̈b' Laquis, caw pitx 'icha eb' israel. Yuj e pitl cha, x'och smul eb' 'aj Sión. 'A'c stoc' e no chej jun tzo'n̈ e caruaje yic owal.

Chuj San Mateo Bible

¹³ A exxo cajan ex d'a Laquis, te pit ex icha eb' israel. A yuj e pital chi' ix och smul eb' aj Sion. Aq'uecoch noc' e chej te jelan sb'ey d'a carruaje yic oval.

Miqueas 1:13 ပူးပေါင်းရင်းမြစ်များ

Gn 19:17

Ax yic tox 'ix 'el eb' 'a sti 'el chon̈b' cha, 'ix yaln jun ángel 'a eb' 'ixtic: —¡Yelc'ojlal tzex 'ati, colc e b'a! Man̈ ex cot q'ueln 'a e patic, man̈ ex 'och wan xon jac 'a jun 'a'lic tic, 'ixquec 'a jolmctac witz, toto matz yal e c'ojl tzex satli, xchi 'a eb'.

A Ch'an̈ B'ab'el Libro Yic Yab'ixal Eb' Rey 14:16

Yuj cha, 'oj on̈ ya'c 'och Jehová 'a yol sc'ab' jun tzo'n̈ xo chon̈ab', yuj wal smul win Jeroboam 'ix ya'chi. Yuj winac, 'ix 'och qui mulec, xchi win Ahías.

A Ch'an̈ B'ab'el Libro Yic Yab'ixal Eb' Rey 16:31

Man̈ocn̈ej sb'eyb'al win Jeroboam chi sb'eylb'ej, palta to 'ix yij win 'ix Jezabel yistziloc, 'ix yisl win Et-baal sreyl Sidón. 'Ix 'at ya'nc 'ejm sb'a win 'a jun comn dios tzcuch Baal yet' 'ix yistzil cha.

A Ch'an̈ B'ab'el Libro Yic Yab'ixal Eb' Rey 4:28

A mach 'aych 'a stzol-l yi'n cot jun tzo'n̈ cha, tzyij cot 'ixm cebada, yet' yan̈ no chej, yet' pax yic jun tzo'n̈ xo no 'ictzum noc', tz'at can 'a slugar 'aj 'ayc' cha.

A Ch'an̈ Schab'il Libro Yic Yab'ixal Eb' Rey 14:19

'Ay jaywn̈ eb' 'aj Jerusalén 'ix 'och 'ajc'ojlal 'a Amasías, yuj cha, 'ix 'at 'elc 'a Laquis; palta 'ix 'at eb' 'ajc'ojl chi 'a spatquil, masnto 'a jun chon̈b' cha, ata 'ix smil cham eb'.

A Ch'an̈ Schab'il Libro Yic Yab'ixal Eb' Rey 18:17

Xlajw xoj cha, 'ix schecn 'at sreyl Asiria schecb' 'a win Ezequías, atn 'oxwn̈ ewin syajlil eb' soldado, yet' jun b'uln̈ eb' soldado to caw wal jeln ya'n owal, caw 'ay yip, 'ix 'el eb' 'a Laquis, 'ix jaw eb' 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

A Ch'an̈ Schab'il Libro Yic Yab'ixal Eb' Rey 8:18

An̈j sb'eyb'al eb' sreyl chon̈b' Israel sb'eylb'ej, yet' sb'eyb'al eb' yin̈tl Acab, yujto a 'ix yisl Acab chi 'ix 'och yistloc. Yuj cha, caw maysch'olnil x'el sb'on 'a sat Jehová.

2 Cr 32:9

A Senaquerib sreyl Asiria, wan ya'n owl yet' chon̈b' Laquis yet' eb' soldado ajun yet'oc. Ya' sb'a cha, 'ix checn 'at eb' schecb' 'a Jerusalén, yic tzalx 'a Ezequías sreyl Judá, yet' 'a eb' cajn ta', xya'n alxoc 'ixtic:

Job 39:10

¿'Ojm stac' a'n q'ue te yugo 'a sjolm no', yic tza'n t'ocwc lum no', 'oj yal am sc'ojl no yoch tza'n o'oj?

Ex 32:21

'Ix yaln Moisés 'ixtc 'a Aarón: —¿Tas wal ach yutj jun tzo'n̈ 'anma tic, yuj cha xa chan wal 'och jun sniwquil mul eb' tic? xchi Moisés.

Is 10:31

Ex 'aj Madmena, 'oj e 'at 'eloc; ax e c'ub'n 'el e b'a ex 'aj Gebim.

Is 36:2

A 'a chon̈b' Laquis 'ayq'ui, yic 'ix schecn 'at win jun win capitan̈ yet' jun b'uln̈ eb' soldado, yic tz'at sc'umnc eb' win rey Ezequías 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

Is 37:8

'Ix yab'n win syajlil eb' soldado sreyl Asiria, chajtlto man̈x 'ayc 'ec' win rey chi 'a chon̈b' Laquis. Yuj cha, 'ix meltzji, 'ix schaj sb'a yet' win rey chi 'a chon̈b' Libna, wan ya'n win owl yet' jun chon̈b' cha.

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Jeremías 34:7

Ya' sb'a cha, a eb' soldado yic Babilonia, 'ayx 'och eb' yac' owl 'a Jerusalén, 'a Laquis yet' 'a Azeca, wan ya'n eb' yip yoch 'a smuroal jun tzo'n̈ chon̈b' tic. A 'a yol yic Judá, cojxn 'oxe chon̈b' tic mantzac 'ejm yuj eb'.

Jeremías 4:29

A yic tzyab'n eb' 'anma yel yaw scot eb' soldado 'ay q'ue 'a yib'n̈ chej, yet' eb' sjul-lab', ax smasnil eb' 'anma cha, tz'at eb' 'eloc. Tz'at sc'ub'nc 'el sb'a eb' 'a 'aj caw chitc 'a calcte', yet' 'a 'aj caw satq'ue'en. Yuj cha, smasnil jun tzo'n̈ chon̈b' cha, caw sictac x'ajcn eb', man̈x 'a junc mach xcan cajn 'a eb'.

Ez 23:11

C'uxn xyil 'ix Aholiba smasnil tas sb'o 'ix snul'j 'ix cha, palta yel xo wal x'ec' 'ix 'a yib'n̈ sb'on 'ajmulal 'a 'ix snul'j cha.

Miqueas 1:5

'Oj ujc smasnil jun tzo'n̈ tic, yuj wal spitl eb' yin̈tl Jacob, yuj pax tas maysch'olnil 'ay 'a yol smacb'en Israel. Yujto 'a stenmtacl eb' yin̈tl Jacob cha, ata tzcheclj 'a chon̈b' Samaria. Ax 'a Jerusalén ata tzcheclj smul eb' 'aj Judá yic tz'och eb' 'emmquilal 'a jun tzo'n̈ comn dios.

Josué 10:3

Yujn̈ej cha, x'at ya'noc Adonisedec alxoc 'a win Hoham sreyl Hebrón, 'a win Piream sreyl Jarmut, 'a win Jafía sreyl Laquis yet' 'a win Debir sreyl Eglón, xyaln 'a eb' 'ixtic:

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.