Malaquías 4:3 - Chuj San Sebastian Bible

³ A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

Chuj San Mateo Bible

³ A d'a jun c'ual chi', a ex tic toxon̈ej ol e tec'canem eb' sc'ulan chucal, icha val tz'aj stec'jiem q'uen tic'aq'uil taan̈, icha chi' ol eyutej eb'.

Malaquías 4:3 ပူးပေါင်းရင်းမြစ်များ

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

A Ch'an̈ Schab'l Libro Samuel 22:39

¡Choc' xwutj can eb'! Caw ch'iyquixtac xwutj can eb', sec wach' man̈xtzac niwtj pax chan̈ eb' jun 'ejm xo ¡'Ix telw can 'ejm eb' 'a scal woc!.

A Ch'an̈ Schab'l Libro Samuel 22:43

Caw choc' 'ix 'aj eb' wu'uj, 'icha wal lum pococ xwutj in te'n chojc eb', 'icha wal tz'aj ste'x lum b'i'ch 'a yol caye.

Job 40:12

A eb' tzcob' yi' chan̈ sb'a yet' eb' maysch'olnil sb'eyb'al tzlaj 'ilchjoc o'oj, tza te'cn 'ejm eb'.

Salmos 147:6

A tz'i'n chan̈ eb' 'anma 'emmquilal yeq'ui, a pax tz'i'n can 'ejm eb' maysch'olnil snab'en.

Salmos 49:14

A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Salmos 91:13

Tztac' qui b'eyc 'ec' 'a scal no león, 'a scal no niwc noc' 'ay smay yet' 'a scal no chan.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 26:6

sec tzte'x can 'ejm eb' yuj eb' 'emmquilal yeq'ui, yet' yuj eb' meb'a', xchi jun b'it cha.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

Ez 28:18

Til wal 'anma xextj yet' tas xlaj a mana, yet' pax tas xlaj a chon̈o, xextn 'el pax jun tzo'n̈ yet'l a diosal. Yuj cha, 'ix wa'n 'elt jun c'ac' tzach 'a'n tz'a'oc, cojxn a tan̈il tzyil eb' 'anma 'a sat lu'um.

Dn 7:18

A yic 'oj lajwc ya'n eb' yajlil cha, ax scan smasnil 'a yol sc'ab' eb' chon̈b' sic'b'il 'el yuj jun Dios cojxn niwn yel'chi, jun 'ejmn̈ej 'oj cancn 'a yol sc'ab' eb' 'a smasnil q'uinal, xchi.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 14:20

A jun te'lab' 'el yal uva cha, a 'a sti 'el chon̈b' 'ay. 'Icha tzte'x te uva si'mb'il, 'ixta wal x'aj eb' 'anma cha. Ax schic'l eb' x'eli, caw pim x'aji. 'Icha schan̈il 'aj 'aych sfreno e no chej 'a sti', 'ixta xq'ue'ch spimal. Ax 'aj xlajw c'och suyn schic'l eb' cha, 'aym 'oxe'oc ciente kilómetro x'aj't snajtil, 'icha wal junc niwquil pama'.