Malaquías 3:14 - Chuj San Sebastian Bible

¹⁴ 'In 'ixtc wal tzeyutj eyalni: Nab'an̈ej tzca'c servil Dios. ¿Tas wal 'oj ca'c ganar, toto tzqui yicljec tas tzyala, yic tzca'nec 'och qui pichl n̈achtac sat 'a yojltac, yic tzqui ch'oxnec 'el qui cusc'ojlal yuj qui mul?

Chuj San Mateo Bible

¹⁴ Icha tic tzeyutej eyalani: Nab'an̈ej scac' servil Dios. Malaj scac' yala' tato sco c'anab'ajej tas syala', scac'anoch pichul yic cusc'olal d'a yichan̈ Jehová Yajal d'a Smasanil, yic sco ch'oxan co cusc'olal yuj co mul.

Malaquías 3:14 ပူးပေါင်းရင်းမြစ်များ

Job 22:17

Xlaj yal eb' 'ixtc 'a Dios tztac' yuj smasnil: Man̈ on̈ a tzuntzoc, toc 'ay tas 'oj ec' 'a qui patquil on̈, xchi eb'.

Job 34:9

Xyalni to may tas tzca'c ganar yic wach' tzcutjec qui b'a 'a sat Dios.

Job 35:3

Wach'xam 'ix al 'a Dios 'ixtic: ¿Tas aln eco wach'xam tz'och in mul? ¿Tom 'ay jac 'oj wic' 'a spatic yic matz 'och in mul 'ayach? xa chi.

Is 43:22

Palta ax israel ex tic, ex schon̈b' can Jacob, ma'in eyawtej, a eyico', to ex tzactzj wu'uj.

Is 58:3

Yuj cha, xyaln eb' 'ixtic: Nab'an̈ej tzon̈ cob' 'och 'a c'ajb'c'ojlal 'aych on̈, toc tzela. Nab'an̈ej tzon̈ cob' 'och 'emmquilal 'aych on̈, toc tzach 'och 'il cuj on̈, xchi eb'. Yuj cha tzwaln 'ixtc 'a eb': Yel toni, a yic tzex 'och 'a c'ajb'c'ojlal cha, cojn tas tze nib'j e b'o', a chi tze b'o'o, tzlaj eyixtn eb' eyit 'anmal tzmunlj 'ayex.

Jeremías 18:12

Ax yaln eb' 'aych 'ixtic: Man̈ extc a tiempo on̈ a tenn 'och wan 'a jun tzo'n̈ cha. Yujto an̈ tic, tzqui nib'j tzon̈ b'eyn̈j 'ixtic, junjn on̈, 'oj qui b'o tas maysch'olnil 'icha tznib'j qui c'ojol, 'oj schic eb' 'ayach, xchi 'ayin.

Jeremías 2:25

¡Ex 'aj Israel, 'ochn̈ec wan eyoyb'x 'ec' e sayn 'ec' e diosal. Nab'an̈ej tze mac' lajwc eyoc, nab'an̈ej tztacj e ti eyeq'ui! Palta ax tic, xeyal 'ixtic: Ma'ay, an̈ tic on̈, tox 'ix ca'ch qui c'ojl 'a jun tzo'n̈ comn dios on̈, yuj cha, 'oj cochn̈j tza'n yuj eb' on̈, xe chi.

Jeremías 44:18

Palta at 'a yic xcactn ca'n incienso yet' yal uva xajmb'al-l 'a 'ix syajlil satcha'an̈, ata xlajw 'ejm tas 'ay 'ayon̈, on̈ cham yuj wejel, yet' pax yuj owal, xchi eb'.

Os 7:16

Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.

Jl 2:12

Yuj cha tzyaln Jehová 'ixtic: Palta 'ayt sb'omb'il 'ayex. Meltzjan̈c cot 'ayn yet' smasnil e c'ojol. 'Ochn̈ec 'a c'ajb'c'ojlal, 'el cab' eyaw, 'o'n̈ec, xchi.

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.

Malaquías 3:13

Tzyaln pax Jehová 'ixtic: Ax tic, caw wal tu tzeyal 'ayin, palta tze c'anb'n to pax wal 'ayn 'ixtic: ¿Tas tu 'ix cal 'aych on̈? xe chi.

Santiago 4:9

'A'c 'och e b'a 'a cusc'ojlal. Ji'jmtac cab' eyoq'ui. 'O'n̈ec si'mb'il. 'Och cab' wan e tzewji, to tzex 'oq'ui. Meltzj cab' 'och e tzaljc'ojlal chi e cusc'ojlaloc.