Malaquías 3:11 - Chuj San Sebastian Bible

¹¹ An tzwala, man̈x 'oj in cha lajwc 'el eyawb'en yuj no noc', ma'oj in cha 'ixtxoc sat eyuva yic mantzac 'e'maxi.

Chuj San Mateo Bible

¹¹ A in svala' to man̈ ol in cha lajvoquel tas avab'il eyuuj yuj noc' noc', man̈ ol in chapax ixtaxel sat eyuva ayic manto q'uin̈b'i.

Malaquías 3:11 ပူးပေါင်းရင်းမြစ်များ

Jeremías 8:13

Tzyaln pax Jehová 'ixtic: 'Oj wi'l eb' in chon̈b' tic 'icha tz'aj spolx 'el 'ixm trigo, yujto lajn eb' 'icha junc te snun uva, mto 'icha junc te snun higo may sat, wan stacj pax 'el xi'il, 'ixta 'eb'. Yuj cha, a tas wa'jnac 'a eb', 'oj can 'a yol sc'ab' jun tzo'n̈ chuc chon̈b'al, xchi.

Os 2:21

An Jehová in, an tzwala: A 'a jun tiempoal cha, 'oj wal 'a satcha'an̈, ax satchan̈ chi 'oj 'a'nc paxt n̈ab' 'a sat lum lu'um.

Jl 1:12

Tox xtacj 'el te uva, tox xlajw 'ejm te higo. Xtacj pax 'el te granado, te palma, te manzan, yet' pax smasnil te 'awb'ente'. 'Ixta x'aj slajw 'ejm stzaljc'ojlal eb' 'anma'.

Jl 1:4

A smasnil tas 'awb'il, sc'ux 'ejm no c'ulub', ax jantc to tas 'ix cani, chuc jun tzo'n̈ xo no xwul wach' c'uxnc 'ejmi.

Jl 1:7

Tox 'ix yixtj 'el no te uva, tox satl no te higo. C'uxn xyij 'el no stz'umal te', sac xlaj 'aj scal sc'ab' te'.

Jl 2:20

A eb' 'ajc'ojl tzcot 'a stojlal norte, najt 'oj wi'l eb' 'a e tz'ey, ax wa'n can 'at eb' 'a cusltac lu'um. A eb' b'ab'el, 'oj wa'cn 'at eb' 'a yojl a Mar Muerto, ax eb' tzac'an, 'oj 'atcn eb' 'a yojl a Mar Mediterráneo. 'Oj c'a sniwnal eb', ax yaj sjab'. ¡Caw satjub'tac yilx tas 'oj in b'o 'a e cal! xchi Dios.

Jl 2:22

Tzalj cab' e no noc' 'ay 'a caltcte', man̈ xiw cab' e no', yujto 'oj yaxb'oc pax chan̈ te c'ultac. A eb' te niwc te', 'oj ya'x eb' te sat, caw 'oj satnc te higo yet' te uva.

Jl 2:25

Xyaln Dios 'ixtic: 'Oj in jelx smasnil sat eyawb'en lajwnac 'el yuj no c'ulb' xwa't 'a e cal 'icha eb' soldado.

Am 4:9

An Jehová in, an tzwala, ex wac' cuenta yet' jun niwquil 'ic', yet' pax jun tzo'n̈ xo yailal, xwa'n 'ixtxoc 'el eyawb'en, yet' eyuva. Ax no c'ulb' xwac' c'uxnc 'ejm e higo, yet' e olivo. Palta man̈ yujoc cha, ex meltzj paxt 'ayin.

Habacuc 3:17

An tic, caw 'ay in tzaljc'ojlal oj Jehová ach in Colmal. Wach'xam matz nichn te higo, wach'xam matz satn te uva yet' te olivo, wach'xam may sat smasnil 'awb'en; wach'xam tzsat 'ejm no calnelu, yet' no wacx 'a yol scolal, palta 'oj waln̈j in wach' paxti 'ayach.

Hageo 1:11

An xwij 'och wan ya'n n̈ab' 'a yib'n̈ tas 'awb'il eyu'uj, yet' 'a eb' lum jolmctac witz yet' 'a yib'n̈ smasnil sb'al lum lu'um. Yuj cha, tztacj 'ixm trigo, te uva, te olivo. Man̈x 'a pax n̈ab' tz'em 'a eyib'an̈, yet' 'a yib'n̈ e cajb'en noc', yet' 'a yib'n̈ smasnil e munljel, xchi Dios, xin chi 'a eb' wit israelal.

Hageo 2:17

An 'ixta xwutj wa'n sat 'ejm tas molb'il eyu'uj, an xwa'ch syab'il tas 'awb'il eyu'uj, xwa'n cot sacb'at 'a yib'an̈, palta man̈ yujoc cha, ex meltzj pax 'ayin.

Zacarías 8:12

'Oj can eb' 'a junc'ojlal. A yuva eb', caw wal 'oj yac' sat. A slum eb', yel xo wach' 'oj yutc ya'n sb'a'al. A satcha'an̈ a 'oj 'a'nc cot chicb'cha'an̈. An xo 'oj wac' smasnil jun tzo'n̈ chi 'a eb' 'anma tzcan to 'a jun chon̈b' tic.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.