Malaquías 2:9 - Chuj San Sebastian Bible

⁹ Yuj cha, ex wij can 'ejmi, man̈x 'a yel'ch ex wutj 'a sat smasnil 'anma', yujto matz eyiclj in checnb'il, a yic tze b'onyaj eb' 'anma', 'in man̈ lajnoc tzeyutj e b'onyaj eb', xchi Dios.

Chuj San Mateo Bible

⁹ Max e c'anab'ajej tas tzin nib'ej, yujto man̈ lajanoc tzeyutej e ch'olb'itan smasanil anima, yuj chi' sviq'uec' snivanil eyelc'ochi, emnaquil tzex ajcan d'a sat masanil anima, xchi Jehová Yajal d'a Smasanil.

Malaquías 2:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:28

'Ix yalnto can win Micaías jab'x 'a win rey 'ixtic: Toto tzach meltzj 'a tzaljc'ojlal, to 'ixta', man̈oc Jehová xpaxtin 'ayn tzyal cha. Ex wit chon̈ab', tzcham e cuyn jun tic, xchi Micaías.

Job 32:21

An tic man̈ chucchcoc yel 'anma 'a in sat; palta lajnn̈ej yel'ch eb' smasnil 'ayin.

Pr 10:7

A eb' wach' snab'en, caw tznax cot eb' 'a tzaljc'ojlal; ax eb' maysch'olnil sb'eyb'al, toc 'ayt mach tznan cot eb'.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Ez 13:21

'Oj in jatl jun tzo'n̈ nip chi tzeya'ch 'a sc'ab' eb' yet' spotl sjolm eb' cha. 'Oj in col-l eb' in chon̈b' chi 'a yol e c'ab', man̈x 'oj montchjoc eb' eyu'uj. 'Ixta to b'i'an, ax eyojcan 'eli, to an Jehová in, to cojn in ton Dios in.

Ez 7:26

B'elb'ni sjaw yailal 'a yib'n̈ 'anma'; 'ixta pax sjaw yab'xil xiwc'ojlal. 'Oj cob' sayc' eb' junc win in checb' 'aj tzc'anb'j sb'a, palta ma'oj 'ilchjoc yuj eb'. Man̈x 'a pax eb' ya'mal 'och sti eb' 'anma 'oj 'a'n cuyxoc in checnb'il, man̈x 'a pax eb' 'ichmtac winc 'oj 'a'nc snab'en eb'.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Nahúm 3:6

tzlaj julxoc 'och tas man̈ wach'c 'a 'ix, yic tzch'oxn 'eli to man̈ wach'c 'ix. 'Ixta wal 'oj wutc in ch'oxn 'el e q'uixwel ex 'aj Nínive.

Malaquías 2:3

Eyuj wal ax tic, ax wa'nto yowl in c'ojl 'a eb' eyin̈til. A no noc' tzeyij cot xajmb'alil, 'oj in julch stza no 'a e sat. Junn̈j 'oj eyaj e julx 'el ax tic yet' stza no cha.

Malaquías 2:8

Ax xo ax ya'malx 'och sti eb' 'anma tic 'ayin, caw wal xeyij 'el e b'a 'a tas wach'. Yuj wal cuynb'il tzeyac' cuyxoc, yuj cha, til xo wal eb' xtelw 'ejm eyu'uj. An tzwala, to caw xeyixtj 'el in trato wa'jnac can yet' eb' e mam eyicham.

Lc 10:29

Palta ax winac, ton̈j tznib'j win scol sb'a, yuj cha, xyaln pax win 'ixtc 'a Jesús: —¿Palta mach eb' wit 'anmal chi tzyal cha? xchi win 'a 'a.

Lc 11:42

'Oltacx wal ax fariseo ex tic. Tzeyac' cob' sdiesmoal jun tzo'n̈ te 'alwena, yet' jun tzo'n̈ te ruda. Jantcn̈ej jun tzo'n̈ xo 'itaj, c'uxn tzeyac' sdiesmoal. Palta tze na'a, to man̈ yowlalc tojl tzeyutj e nab'en. Man̈ yowlalc tze chamc'ojlej Dios. Octom wal xe b'eylb'ej jun tzo'n̈ tic, ax jun tzo'n̈ xo tze b'o cha, matz eyactj can cab' e b'oni.

Gl 2:6

A eb' checl xon yaj cha, matz in na'a, toto 'ay yopiso eb', yujto a 'a sat Dios, caw lajn on̈c qui masnil. A eb' cha, may junc xo checnb'il alb'il yuj eb' 'ayin.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.