Malaquías 2:16 - Chuj San Sebastian Bible

¹⁶ A Jehová qui Diosalec tztac' yuj smasnil, an̈ israel on̈c tic, a tzaln 'ixtic: Caw tze tan̈wj wal e b'a, 'a'c 'el'choc e ti eya'jnac 'a eyistzil. Yujto an tic, caw tzin chacl eb' tzpoj sb'a yet' yistzil, caw wal tz'och e mul 'a eb' 'ix, toto 'ixta tzeyutj e b'a, xchi Dios.

Chuj San Mateo Bible

¹⁶ A val Jehová co Diosal a on̈ israel on̈ tic, aton Yajal d'a Smasanil tz'alan icha tic: Tzeyil val e b'a, aq'uec elc'och e ti' eyac'nac d'a ix eyetb'eyum. Yujto a jun pojlajb'ail chi', te chuc d'a yol in sat, yuj chi' man̈ e jub'at e b'a yuj jun chi', xchi Jehová.

Malaquías 2:16 ပူးပေါင်းရင်းမြစ်များ

Salmos 73:6

A sb'an̈quintacl eb' cha, checl yilx 'a eb' 'icha junc ton̈; ax maysch'olnil tzlaj sb'o eb', checl 'a eb' 'icha junc pichl 'aych yuj eb'.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Pr 5:20

Ach wunnal, man̈ ac' somchjoc a nab'en yuj junc 'ix 'ajmul 'ix. ¿Tas yuj tza'ch a b'a 'a yol sc'ab' junc 'ix 'ayx yichmil?

Is 28:20

Lajn 'oj eyajcn 'icha mach tzway 'a sat junc ch'at yune ste'il, matz tac' sjiln 'at yoc 'a sat; yet' junc c'u yune sat, matz tac' spichn 'och 'a 'a.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Is 59:6

A jun tzo'n̈ ch'alxim cha, may 'aj wach' sc'anxi, matz tac' sb'o spichloc 'anma'. 'Icha jun tzo'n̈ ch'alxim cha, 'ixta tas nab'il eyu'uj, cojn 'ixtj 'anma 'ayc' 'a e nab'en, tze b'on tas tu 'icha tze nib'ej.

Lc 16:18

Toto 'ay junc winc tzpoj sb'a yet' yistzil, tzyi'n win junc xo 'ix, a jun winc cha, tz'och 'ajmulal. Toto 'ay pax junc winc tz'i'n junc 'ix spojjnac sb'a yet' yichmil cha, tz'och pax win 'ajmulal.

1 Co 7:10

Ax xo 'ayx eyistzil, 'oj wal't jun tzo'n̈ checnb'il tic 'ayex. A jun tzo'n̈ checnb'il tic, man̈ wico'oc, yic Cajlilec. Ax xo ex wanab', matz tac' e pojn e b'a yet' eyichmil.