Malaquías 1:7 - Chuj San Sebastian Bible

⁷ Ax tic, tzeyij cot 'ixm pan to man̈ smojc sjaw 'a yet'l xajmb'al to wic yaji, tzlajw cha, tzcob' e c'anb'n pax 'ayn 'ixtic: ¿Tas wal 'aj tz'och qui mul 'ayach? xe chi. Ax tic, x'och e mul 'ayin, yujto xe patquilj can 'el jun yet'l xajmb'al cha.

Chuj San Mateo Bible

⁷ Tzeyic'cot e silab' man̈ smojoc sjavi d'a valtar, tzato val e c'anb'ani: ¿B'ajtil tz'och co mul chi' d'ayach? xe chi. Tz'och e mul chi', yujto ichato malaj yelc'och valtar d'a e sat.

Malaquías 1:7 ပူးပေါင်းရင်းမြစ်များ

Ez 41:22

'icha yilx jun yet'l xajmb'al yic incienso; jun metro yaj spac'b'il, nan̈lschab'l metro ste'il; 'ay yisquinyoal, 'ay pax sb'achnub'al yalan̈, te 'aychn̈ej 'a smasnil. Xlajw wiln jun cha, xyaln jun winc chi 'ayn 'ixtic: Atn jun mexa tic 'ayc' 'a yojltac Jehová, xchi 'ayin.

Ez 44:16

'Oj stac' pax yoch eb' 'a yol watut in yac' servil yic tzc'och eb' 'a yojltac yet'l xajmb'al, cojn eb' 'oj stac' ya'w servil ta'.

Lv 2:11

A smasnil jun tzo'n̈ ofrenda tz'ajx 'ayn 'a tas tzc'uxxi, may cab' yich, 'ixta pax no yal chab', matz tac' yajx tz'a no 'icha xajmb'al-l 'a wojltac.

Lv 21:6

Wach' cab' tzyutj sb'a eb' 'a in sat an sDiosal in eb' tic. Man̈ cab' yac' b'uchxoc eb' in b'i, yujto a eb' tz'a'n tz'a no xajmb'al, tzya'n pax 'och eb' 'ixm pan ofrendail 'a wojltac. Yuj cha, yowlal to wach'n̈j tzyutj sb'a eb'.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Malaquías 1:12

Palta ax xo tic, 'in caw may jac wel'ch 'a e sat, 'in tzeyala to may yel'ch jun yet'l xajmb'al cha, yet' jun tzo'n̈ schib'l wal tzeyac' xajmb'al-l 'ayin.

Malaquías 1:13

'In tzeyal 'ixtic: Caw tzon̈ tzactzj c'och yet' jun tzo'n̈ tic, xe chi, tzin e patquiln can 'eli. Tzeya'n pax cob' e xajmb'al chi 'ayin, a no noc' 'elc'b'il eyu'uj, no wecchjnac, yet' no ya'ay, a chi tzeyac'a. ¿Tom 'oj in cha jun tzo'n̈ chi 'ayx e nani?

Malaquías 1:8

¿Tom wach' tze na'a, to an̈j 'ijnocn̈ej eya'n no noc' 'ay spaltail xajmb'al-l 'ayin: atn no matz uj yilni, no wecchjnac yet' no ya'ay? Q'uinloc tzeyij 'at jun tzo'n̈ noc' chi e siylab'oc 'a eb' eyajlil, ax eyilni, toto 'oj tzaljoc eb' schan 'ayex.

1 Co 10:21

Matz tac' qui comn 'u'lb'anec jun vaso yic Cajlil, toto tzcu'lb'ejec pax jun yic ewin demonio. An̈jtona', matz tac' qui comn wanec jun pan tz'ajx 'ayn̈ec 'a smexa Cajlil, toto tzqui c'uxc jun tzo'n̈ tas tz'ajx 'a smexa ewin demonio cha.

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.