Malaquías 1:11 - Chuj San Sebastian Bible

¹¹ An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Chuj San Mateo Bible

¹¹ Palta te nivan velc'och d'a sat masanil anima d'a yolyib'an̈q'uinal tic. A val tas vach' sn̈ustz'a eb' silab'il d'ayin. Syac'an yofrenda eb' d'ayin icha val d'a smojalil, yujto nivan velc'och d'a yol sat eb'.

Malaquías 1:11 ပူးပေါင်းရင်းမြစ်များ

1 Cr 16:25

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Salmos 111:9

'Ix yac' colchjoc 'el schon̈ab', sb'on can strato yet' eb' 'a smasnil tiempo, yel xo wal 'ay smay sb'inaxi.

Salmos 113:3

B'itnax cab' 'a stojlal 'aj tzq'uel c'u masnto 'a stojlal 'aj tz'em c'u.

Salmos 138:5

Yujto caw niwn el'chi, yuj cha, 'oj ach sb'itnoc eb' yuj smasnil tas xa b'o'o.

Salmos 141:2

Wach' cab' tz'aj sq'ue'ch in lesl 'aych Mamin, 'icha tz'aj sq'ue'ch stab'l incienso tz'a 'a ojltac. Ax in c'ab' mojb'il q'ue 'ayach, lajn cab' yilx 'a yol a sat 'icha junc ofrenda tz'ajx 'aych 'a yemc'ual.

Salmos 45:17

An xo 'oj wac' naxoc cot a b'i yuj smasnil eb' 'anma tot 'oj 'aljoc 'a yolyib'n̈q'uinl tic, ax smasnil eb' 'anma', 'oj yi' chan̈ eb' a b'i, 'oj yal eb' wach' paxti 'aych 'a smasnil tiempo.

Salmos 48:10

Alx cab' wach' paxti 'aych 'a smasnil yolyib'n̈q'uinl tic, yujto a moj wal yijx chan̈ a b'i. Yet' wal a jelnal tza b'on yaj smasnil tas 'a stojlal.

Salmos 48:11

Tzalj cab' chan̈ eb' 'anma 'ay 'a tzaln Sión. Q'uib' cab' stzaljc'ojlal eb' 'anma 'ay 'a yol yic Judá, yujto tojl tzyutj Dios sb'eyc'ojlwi.

Salmos 50:1

A Dios Cojxni, atn Jehová, a xpaxtini yic xyawtn eb' 'anma cajn 'a sat lum lum tic; eb' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'em c'u.

Salmos 65:9

Ach 'aych 'och eln sat lum lum tic, tza'n cot n̈ab' 'a yib'n̈ lu'um. Tza'n q'uib' tas 'ay 'a sat, yet' a a tz'el yoctac, atn a tz'a'n q'uib' 'ixm trigo. 'Ixta wal tzotj a b'on lum lum ach qui Diosal on̈.

Salmos 67:2

yic wach' a smasnil jun tzo'n̈ nacion̈ 'ay 'a sat lum lum tic, tzyojquej 'el eb' tas wal a nib'b'en, yet' pax colnb'il tzac'a.

Salmos 86:9

Mamin, ach xa b'o smasnil eb' nacion̈, 'oj jawc eb' 'anma chi wul yac' 'ejm sb'a 'ayach, yic tzyi'n chan̈ eb' a b'i.

Salmos 96:8

Alc wach' paxti 'a 'a, yujto niwn yel'chi. 'Ochn̈ec yet' eyofrenda 'a yamq'uil scajnub'.

Is 12:4

Yuj cha, ax eyaln 'ixtic: Calc yuj diosal 'a Jehová, calc wach' paxti 'a sb'i 'a scal eb' 'anma', yujto caw wach' tzon̈ yutjec, qui nac coti, to niwn yel'ch 'a quib'n̈ec.

Is 12:5

B'itn coyc 'a 'a, yujto yel xo wal niwn yel'ch tas sb'o 'a qui calec, yowlal 'oj 'ojcaxc 'el yuj smasnil 'anma 'a yolyib'n̈q'uinl tic.

Is 19:21

'Ixta wal 'oj yutc Jehová sch'oxn sb'a 'a eb' 'aj Egipto sec tz'ojcax 'el yuj eb', yuj cha, ax ya'n 'ejm sb'a eb' 'a 'a. 'Oj laj yac' eb' xajmb'al yet' yofrenda, ax laj ya'n can eb' sti 'a Jehová to yowlal 'oj syiclc eb'.

Is 30:27

'Iltec wal scot Jehová 'a najat. Caw wal tzcot yowl si'mb'il. Lajn wal yowl sc'ojl chi 'icha jun c'ac' caw tzn̈ilchji, tzq'ue pax stab'il. A spaxti', lajn 'icha jun c'ac' tzn̈usntz'a smasnil tastac.

Is 45:6

Sec wach' tz'ojcax 'el yuj smasnil 'anma 'ay 'a stojlal 'aj tzq'uel c'u, masnto 'a eb' 'ay 'a stojlal 'aj tz'em c'u, chajtlto cojn in ton Jehová in, may junc xo.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

Jeremías 10:6

Mamin Jehová, may xon wal junc mach lajn et'oc; yujto ach tic, cojxn ach niwn el'chi, caw b'inab'il a b'i, tzta'n̈j oj smasnil.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Dn 2:45

Atn wal chi tzyal 'el'ch q'uen q'uen 'ix el scot 'a sat witz cha, to man̈ 'anmac 'ix ecn cot q'ue'en. A q'uen 'ix 'a'n 'och poccal q'uen hierro, q'uen bronce, lum mucb'il lu'um, q'uen plata yet' q'uen oro. A jun Dios caw niwn yel'chi, a 'ix ch'oxn 'aych mamin rey, yuj tas 'oj ujc b'aq'uin̈. A jun a waych cha, 'oj 'el'choc tas tzyala, 'icha wal tzwutj waln 'aych tic, 'ixta wal tzyal 'el'chi, xchi Daniel 'a win rey cha.

Am 9:12

'Ixta to b'i'an, a jantcto eb' 'aj Edom 'oj to canoc, yet' smasnil jun tzo'n̈ nacion̈ to wic xon yaji, 'oj 'ochcn eb' 'a yol sc'ab' yin̈tl Israel, xchi Dios. A Jehová aljnac jun tic, yowlal 'oj 'el'choc.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Sofonías 3:9

A yic 'oj jawc jun c'ul cha, cojxn wach' paxti 'oj wac' yal eb' 'anma smasnil, sec smasnil chon̈b' 'oj yal sb'a eb' 'ayin, junxn̈ej 'oj yutc eb' in ya'n servil.

Zacarías 8:7

An 'oj in col-l in chon̈b' 'a yol sc'ab' jun tzo'n̈ nacion̈ 'a stojlal 'aj tzq'uel c'u yet' 'a stojlal 'aj tz'em c'u.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Malaquías 3:3

An Jehová in, lajn 'oj wutc eb' yin̈tl Leví 'icha junc mach tz'em wocn yi'l slumal q'uen plata, mto q'uen oro 'a scal c'ac'. 'Oj in sacb'tzoc eb', atn eb' ya'mal 'och e ti 'ayin, 'ixta to b'i'an, ax sta'n ya'n eb' yofrenda 'a wojltac, 'a 'icha wal smoj yet' 'a stojlal.

Mt 28:19

Yuj cha, 'ixquec cuywjoc 'a junjn chon̈ab', sec 'oj laj 'och eb' in cuywumoc. Tzlaj eyac' bautisar eb' 'a sb'i Dios Mamb'il, 'a sb'i Dios 'Unnab'il, an ton tic, yet' 'a sb'i Yespíritu Dios.

Mt 8:11

Tzwaln pax 'ayex, til wal eb' 'oj cot 'a 'aj tzq'uel c'u, yet' 'a 'aj tz'em c'u. 'Oj 'em wocn eb' swa yet' Abraham yet' Isaac, yet' Jacob 'a 'aj 'aych jun 'aj satchan̈ Yajlil.

Lc 1:10

A yic wan sn̈usn win jun cha, c'uxn xleslwi eb' 'anma 'a yamq'uil yatut Dios.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Ro 15:16

A 'a'jnac wopiso wa'n servil Jesucristo 'a scal eb' man̈ israeloc. 'Ay wopiso waln 'el wach' 'ab'x yic Dios, sec wach' 'ay eb' man̈ israeloc 'oj wi'ch 'a yol sc'ab'. 'Icha junc xajmb'al caw wach' 'a sat Dios, tz'ajx 'a 'a, 'ixta eb' 'a sat, yujto a Yespíritu tz'i'n 'och eb' yico'oc.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

2 Ts 1:12

Toto 'ixta tzeyutj e b'a, 'oj alxc wach' paxti 'a Cajlil Jesucristo eyu'uj. Ax Cristo 'oj ex yal pax wach'il. 'Ixta 'oj eyaji, yujto a qui Diosalec, yet' Cajlil Jesucristo, 'oj yac' swach'c'ojlal 'ayx quet' on̈.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.