Lv 9:2 - Chuj San Sebastian Bible

² 'Ix yaln 'a Aarón 'ixtic: 'Ij cot junc no quelm wacax, yic tz'och no xajmb'al-l yuj yajx lajwc a mul, yet' junc no mam calnelu, tza'n tz'a no xajmb'alil, no may spaltail, tz'a'n 'och no 'a yojltac Jehová.

Chuj San Mateo Bible

² Ix yalan vin̈ d'a vin̈aj Aarón chi': Ic'cot junoc noc' quelem vacax yic tz'och noc' silab'il yuj a mul yed' junoc noc' ch'ac calnel, aton noc' malaj jab'oc spaltail. Tza n̈ustz'a smasanil silab'il uuj, tzac'och noc' d'a yichan̈ Jehová.

Lv 9:2 ပူးပေါင်းရင်းမြစ်များ

Ex 29:1

'Ix yaln pax Jehová 'ixtic: A yic 'oj 'ochcn Aarón yet' eb' yunnal ya'malc 'och sti eb' 'anma chi 'ayin, atn jun tzo'n̈ tic 'oj a b'o yet' eb': Tzej cot junc no quelm wacax yet' chawn̈oc no mam calnelu may spaltail.

Ez 29:1

A yic lajchwe xo c'u yoch slajn̈il 'uj 'a yic slajn̈il xo ab'il quijx cot 'icha presoal 'a Babilonia, ata xyal Jehová 'ayn 'ixtic:

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 16:3

A yic 'oj 'och Aarón 'a yol jun cuarto cha, yowlal tzyij cot junc no quelm wacx xajmb'al-l 'ayn yuj ya'n lajwc smul, tzyi'n cot pax junc no mam calnelu yic tz'a no xajmb'alil.

Lv 16:5

A pax eb' eyit israelal jun, tzyij cot eb' chawn̈oc no mam chiwo yic tz'och no xajmb'al-l yuj smul eb' yet' junc mam calnelu yic tz'ajx tz'a'oc.

Lv 4:3

Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Lv 8:14

Xlajw cha, xya'n Moisés 'ijxoc cot no quelm wacx tz'och xajmb'al-l yuj yajx lajwc mul, ax Aarón yet' eb' yunnal, x'a'n q'ue sc'ab' 'a sjolm no'.

Lv 8:18

'Ix ya'n pax Moisés 'ijxoc cot no mam calnelu tz'ajx tz'a smasnil xajmb'alil, ax Aarón yet' eb' yunnal, xyac' q'ue eb' sc'ab' 'a sjolm no'.

Lv 9:3

Tzaln pax yab' eb' quit chon̈b' tic, to tzyij cot eb' junc no chiwo xajmb'alil, sec tz'ajx lajwc smul eb'. Tzyi'n pax cot eb' junc no quelm wacax, yet' junc no quelm calnelu jun ab'il sq'uinal, no may spaltail, yic tz'ajx tz'a no xajmb'alil.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Ch'an̈ Carta D'a Eb' Hebreo 5:3

A eb' sat ya'mal 'och sti eb' israel 'a Dios cha, 'anman̈ej eb'. Yuj cha, yowlal tzyac' pax eb' xajmb'al yuj smul, 'icha tzyac' eb' yuj eb' yit 'anma'il.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.