Lv 9:15 - Chuj San Sebastian Bible

¹⁵ 'Ix ya'n pax Aarón no xajmb'al yuj eb' yit chon̈ab'. 'Ix yi'n cot no chiwo, atn no xajmb'al yuj smul eb' chon̈ab', smiln chamoc, xya'n xajmb'al-l 'icha 'ix yutj ya'n xajmb'al-l no b'ab'el.

Chuj San Mateo Bible

¹⁵ Ix lajvi chi', ix yac'an silab' vin̈ yuj eb' yetchon̈ab'. Ix yic'ancot noc' chiva vin̈, aton noc' silab' tz'ac'ji yuj smul eb' yetchon̈ab' chi'. Ix smilancham noc' vin̈, ix yac'an noc' vin̈ silab'il icha ix yutej yac'an noc' b'ab'el chi'.

Lv 9:15 ပူးပေါင်းရင်းမြစ်များ

2 Cr 29:24

Ax eb' ya'mal 'och sti eb' 'anma 'a Dios, smil cham e no', 'ix secn q'ue eb' schic'l no xajmb'al to tz'a smasnil 'a yib'n̈ yet'l xajmb'al, sec tz'ajx lajwc smul smasnil eb' israel, yujto 'ixta 'ix yutj win rey yalni.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Lv 10:16

'Ix sc'anb'n pax Moisés yuj no chiwo x'ajx xajmb'al-l yuj yajx lajwc mul. 'Ix yaln eb' yunnal Aarón, chajtlto tox 'ix 'ajx tz'a no'. Yuj cha, caw xcot yowl Moisés 'a Eleazar yet' 'a Itamar, atn chawn̈ xo eb' yunnal Aarón tic pitznto cha, 'ix yaln 'a eb' 'ixtic:

Lv 9:14

'Ix smaxn win no sch'an̈quin, no xub' yet' no yoc, xya'n q'ue 'a yib'n̈ no wan xon stz'a cha.

Lv 9:3

Tzaln pax yab' eb' quit chon̈b' tic, to tzyij cot eb' junc no chiwo xajmb'alil, sec tz'ajx lajwc smul eb'. Tzyi'n pax cot eb' junc no quelm wacax, yet' junc no quelm calnelu jun ab'il sq'uinal, no may spaltail, yic tz'ajx tz'a no xajmb'alil.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

A Ch'an̈ Carta D'a Eb' Hebreo 5:3

A eb' sat ya'mal 'och sti eb' israel 'a Dios cha, 'anman̈ej eb'. Yuj cha, yowlal tzyac' pax eb' xajmb'al yuj smul, 'icha tzyac' eb' yuj eb' yit 'anma'il.