Lv 9:10 - Chuj San Sebastian Bible

¹⁰ Xlajw cha, xya'n tz'a smasnil xepual no 'a yib'n̈ yet'l xajmb'al, no stut, yet' xepual seyb' no'. A no xajmb'al cha, x'ajx tz'a no yuj yajx lawc mul, 'icha 'ix yutj Jehová yaln 'a Moisés.

Chuj San Mateo Bible

¹⁰ Ix lajvi chi' ix sn̈usantz'a smasanil xepual noc' vin̈ d'a yib'an̈ altar yed' pax stut noc' yed' xepual ayoch d'a yib'an̈ seyub' noc', aton noc' silab' yuj mul, icha ix aj yalan Jehová d'a vin̈aj Moisés chi'.

Lv 9:10 ပူးပေါင်းရင်းမြစ်များ

Salmos 51:17

A jun xajmb'al tza nib'j ach in Diosal, atn yic tzqui nan qui b'a yuj qui mul. Caw matz on̈ a patquilj can 'el an̈ tzquij 'ejm qui b'a 'a yic tzqui nan qui b'a cha.

Ex 29:13

Tze'n 'el xepual no sch'an̈quin, no seyub' yet' no stut. Tzlajw cha, tza n̈usntz'a 'a yib'n̈ yet'l xajmb'al cha.

Pr 23:26

Ex wunnal, macljec wal eyab' tas tzwala, si'mb'il tzex 'och q'ueln 'a in b'eyb'al,

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Lv 9:11

Palta ax schib'jal no', yet' stz'umal no', ata xyac' tz'a smasnil 'a sti 'el camplamento.

Lv 9:9

Xlajw cha, xyi'n cot eb' yunnal Aarón no schic'l no xajmb'al cha, xya'n 'och eb' 'a stz'ey. Xya'n 'ejm Aarón yune sc'ab' 'a scal schic'l no noc' cha, sb'on̈n 'och 'a sch'ac yet'l xajmb'al, ax jantc to schic'l no xcani, ata seccn 'ejm 'a yich yet'l xajmb'al cha.