Lv 8:4 - Chuj San Sebastian Bible

⁴ 'Ix sb'o Moisés 'icha wal xyutj Jehová yaln 'a 'a, 'ix yac' syam sb'a smasnil 'anma 'a sti yamq'uil Mantiado cha.

Chuj San Mateo Bible

⁴ Ix sc'anab'ajej vin̈aj Moisés chi' icha val ix aj yalan Jehová, ix molchaj anima smasanil d'a sti' mantiado chi'.

Lv 8:4 ပူးပေါင်းရင်းမြစ်များ

Ex 39:1

A spichl eb' ya'mal 'och sti eb' 'anma tzc'an 'a yopiso yic 'aych eb' 'a scajnub' Dios, 'ix jalx te yet' te q'uic'mucnac ch'al, te púrpura yet' te chac. An̈jtona', 'ix b'o pax te yic Aarón caw wach' yilxi, 'icha wal yaj yaln Jehová 'a Moisés.

Ex 39:21

Xlajw cha, xya'n eb' scha sb'a eb' q'uen argoya yic te chaleco tz'och smacloc yic sn̈i sc'ojol, yet' pax q'uen argoya 'aych 'a te chaleco cha. Xya'n pax 'och eb' jun sch'an̈l q'uic'mucnac yilxi, sec wach' tzcanq'ue te smacl yic sn̈i sc'ojl chi 'a yib'n̈ 'aj tzjalx te chaleco cha, sec matz 'el xuynjoc eb' te'. 'Ix b'o wal 'icha yaj yaln Jehová 'a Moisés.

Ex 39:26

A 'a te pichl yic 'opiso cha, ata 'ix 'och eb' q'uen cotc campana, tzyal 'el'chi, jun q'uen yune campana, jun pax te yechl granada cha, stzol-l 'ix 'ajch 'a yoctc te pichl cha. 'Ix b'o wal 'icha yaj yaln Jehová 'a Moisés.

Ex 39:29

'Ix b'o pax te jal-l 'a te lino ch'umb'il, atn te q'uic'mucnac ch'al, te púrpura yet' te chac. Wach' 'ix 'ajch yelwnub'l yuj mach xb'on cha. 'Ix b'o wal 'icha yaj yaln Jehová 'a Moisés.

Ex 39:5

Ax jun jal-l tzjaln 'och te camx chaleco cha, lajn x'aj sb'o yet' te chaleco cha. 'Ix 'och oro 'a scal te q'uic'mucnac ch'al, te púrpura, te chac yet' te lino ch'umb'il, 'ix b'o te 'icha yaj yaln Jehová 'a Moisés.

Ex 39:7

Xlajw cha, 'ix ya'n 'och Bezaleel eb' q'uen 'a te sc'ab' yic squelb' te camx chaleco cha, sec tz'ochcn eb' q'uen snanb'ilc cot eb' yunnal Israel, 'icha wal yaj yaln Jehová 'a Moisés.

Lv 8:13

Xyaln Moisés to tzjaw pax eb' yunnal Aarón chi 'a stz'ey. 'Ix ya'n 'och sjucn pichl eb', sjal-l snan̈l eb' yet' pax sc'oxl sjolm eb', 'icha wal xyutj Jehová yalni.

Lv 8:17

Ax stz'umal yet' schib'jal no wacx cha, yet' stza no', ata x'ajx tz'a 'a spatquil 'el camplamento, 'icha wal 'ix yutj Jehová yaln 'a Moisés.

Lv 8:29

'Ix yi'n pax cot Moisés sn̈i sc'ojl no mam calnelu cha, no x'ajx yic yochnb'ilc eb' 'a yopiso, xit' sb'achnc 'och 'a yojltac Jehová. A jun chib'j cha, xyij can yico'oc, yujto 'ixta xyutj Jehová yaln 'a 'a.

Lv 8:3

Tzlajw cha, tza'n syam sb'a smasnil eb' chon̈b' 'a sti yamq'uil Mantiado 'aj tzin chaj in b'a eyet'oc, xchi Dios.

Lv 8:35

Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Lv 8:5

'Ix yaln Moisés 'ixtc 'a smasnil eb' 'anma cha: Atn jun tzo'n̈ tic 'ix yal Jehová to 'oj qui b'o'ec, xchi.

Lv 8:9

Xlajw cha, xya'n q'ue sc'oxl sjolom, ax 'a yib'n̈ snan̈l sat, ata xya'ch jun q'uen placa nab'a oro. A tzch'oxni chajtlto sic'b'il 'el ya'malc 'och sti eb' 'anma 'a Dios, 'icha wal xyutj Jehová yaln 'a Moisés.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

1 Co 11:23

A jun tzo'n̈ cuynb'il yic cena waljnac 'ayex, a Cajlilec 'a'jnac 'ayin. Atn jun tzo'n̈ tic 'oj wal't 'ayx tic: 'Ay jun 'ac'wal, 'ix 'ajx 'och Cajlil Jesús 'a yol sc'ab' eb' xmilni. A yic mantzac yamchji, 'ix yi'n chan̈ 'ixm pan.

1 Co 15:3

A jun tzo'n̈ cuynb'il in chajnac, atn in b'ab'l aljnac 'ayex. To a Cristo 'ix cham yuj qui mulec, 'icha yaj stz'ib'x can 'a Ch'an̈ U'un̈.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.