Lv 8:35 - Chuj San Sebastian Bible

³⁵ Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Chuj San Mateo Bible

³⁵ Yuj chi' a d'a yichan̈ mantiado, ata' tzex can uqueoc c'ual yed' uqueoc ac'val. Tze c'anab'ajan masanil juntzan̈ schecnab'il Jehová yic vach' max ex chami, yujto icha chi' ix aj yalan Jehová chi' d'ayin, xchi vin̈ d'a eb'.

Lv 8:35 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 2:3

Yiclj schecnb'il Jehová qui Diosal, tza b'on 'icha tznib'ej, yet' tas tzyal sley, schecnb'il, yet' pax scuynb'il tz'ib'b'il can 'a ch'an un̈ yic Moisés. To 'ixta', caw wach' 'oj 'el'choc smasnil tas 'oj a b'o', toxn̈ej 'aj tzach 'ati,

Ex 29:35

Atn smasnil jun tzo'n̈ chi tza b'o 'a Aarón yet' pax 'a eb' yunnal, 'icha wal tzwutj waln 'aych tic, 'ixta wal tzotej. Uque c'u tzyi'aj, yic tzchan can eb' yopiso cha.

Ez 43:25

Uque c'u 'oj ya'n̈j tz'a eb' no xajmb'al cha, 'oxtcwan̈ yajx tz'a no 'a junjn c'u, jun quelm chiwo, jun quelm wacax yet' jun mam calnelu, e no may spaltail.

Ez 48:11

A junc'aj lum cha, yic eb' ya'mal 'och sti eb' 'anma yaj lu'um, atn eb' yin̈tl can win Sadoc, yujto an̈ja in ya'n servil eb', ma'in yactj can eb' yic xyi'n 'el sb'a eb' yit israelal eb' chi 'a in tz'ey. Al pax jun tzo'n̈ xo eb' levita jun, 'ix 'och tza'n eb' yuj sb'eyb'al eb' israel cha.

Lv 10:1

A chawn̈ eb' yunnal Aarón, atn Nadab yet' Abihú, 'ix yij cot junjn eb' stz'ab'c'ac'. 'Ix ya'n 'och eb' sc'aq'uil, xya'n pax 'ejm eb' incienso 'a yib'an̈. Xlajw cha, xya'n 'och eb' jun c'ac' chuc yel 'a yojltac Jehová, to man̈oc 'ix aln 'a eb'.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Lv 8:30

Xlajw cha, xyi'n cot jun perjuma yet' chic' 'ayc' 'a yib'n̈ yet'l xajmb'al. 'Ix stzicn 'at 'a yib'n̈ Aarón yet' 'a spichul, yet' 'a yib'n̈ eb' yunnal Aarón cha, yet' pax 'a spichl eb'. 'Ixta x'ajcn eb' yoch yet' spichl yico'oc Dios.

Lv 8:34

A ticnec, tic 'ix qui b'oc 'icha wal 'ix yutj Jehová ya'n qui b'o', yic tzlajw can e mul 'a eyib'an̈.

Lv 8:36

'Ixta 'ix yutj syiclni Aarón yet' eb' yunnal smasnil tas 'ix yac' Jehová yal Moisés 'a eb'.

Nm 19:12

A yic schab'jil syamn junc chamnc cha, tzsacb'tzan sb'a yet' a a cha, ax 'a yucb'ixial b'i'an, wach'xo tz'ajcni. Palta toto matz sacb'tzej sb'a 'a schab'jial, ax 'a yucb'ixial cha, man̈ wach'c tz'ajcni.

Nm 3:7

A eb' 'oj sc'anlb'oc Aarón yic tz'a'w servil eb' 'a eb' chon̈ab', 'a jun Mantiado 'aj tzin chaj in b'a eyet'oc. 'Ixta 'oj yutc eb' ya'n servil smasnil eb' eyit chon̈b' israel 'a in cajnub'.

Nm 9:19

Toto niwn tiempo tz'och wan jun 'asn cha, ax eb' israel cha, tzyicljn̈ej eb' yoch wan ta'.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

Dt 11:1

Xyaln pax Moisés 'ixtic: Chamc'ojlejec Jehová qui Diosalec, yicljec smasnil tas tzyac' qui b'o'ec, atn sley, scuynb'il yet' schecnb'il 'a smasnil tiempo.

1 Ti 1:18

Ach Timoteo, chamc'ojlb'ilch wuj 'icha junc wunnal. Tzwalb't jun tzo'n̈ checnb'il tic 'ayach, sec 'oj a munlj 'icha yaj yaln can jun tzo'n̈ eb' o'oj, yic yajx yal eb' yuj Dios. Yuj cha, 'icha junc soldado caw wach' tzyutj sb'a 'a yopiso, 'ixta wal tzotj a'n 'ip a munlj 'a yic Dios. Caw te'n tzotj a b'a a'n 'och a c'ojl 'a 'a. Caw tza tan̈wj a b'a yet' a nab'en 'a smasnil tiempo.

1 Ti 5:21

A 'a sat Dios, yet' 'a sat Cajlil Jesucristo, yet' 'a sat eb' ángel sic'b'il can 'el yu'uj, tzcham wal waln 'at 'ayach, caw tza yiclj jun tzo'n̈ checnb'il tic. Wach' cab' junc a wach'c'ojol, mto junc 'ajc'ojl yajch 'ayach, palta caw jun lajnn̈ej tzotj a nab'en 'a eb'.

1 Ti 6:13

Yuj Dios, pitzn on̈ qui masnil 'a yolyib'n̈q'uinl tic, yet' te te', yet' no noc'. A Jesucristo, caw wach' xyutj ya'n testigoal sb'a 'a Poncio Pilato. A 'a sat Dios yet' 'a sat Jesucristo, tzcham wal waln 'at 'ayach.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

1 Ti 6:20

Ach Timoteo, caw tza tan̈wj tas 'ix 'ajx 'och can 'a yol a c'ab'. 'Ay eb' ton̈j tzcomn paxtin 'a nab'an̈ej. Caw may jac yel'ch tas tzyal eb' tzyalch sb'a jelnal cha. Ach xo, caw man̈ ach paxtinc yet' eb', matz tac' jun tzach 'ec' yet' eb'.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

A Ch'an̈ Carta D'a Eb' Hebreo 7:28

Yuj ley yic Moisés, a eb' 'ochnc sat ya'malc 'och sti eb' quit chon̈b'ec 'a Dios, 'anman̈ej eb'. Palta a yic slajw yopiso jun ley cha, mun slocjnac Dios sb'i, yic ya'n yopiso junx sat ya'mal 'och qui ti 'a 'a, atn Yunnal. Yaljnac Dios yu'uj, chajtlto tz'acn 'a smasnil.