Lv 8:14 - Chuj San Sebastian Bible

¹⁴ Xlajw cha, xya'n Moisés 'ijxoc cot no quelm wacx tz'och xajmb'al-l yuj yajx lajwc mul, ax Aarón yet' eb' yunnal, x'a'n q'ue sc'ab' 'a sjolm no'.

Chuj San Mateo Bible

¹⁴ Ix lajvi chi', ix yic'ancot noc' quelem vacax vin̈, noc' ol och d'a silab'il yuj mul. A vin̈aj Aarón yed' eb' yuninal, ix yac'q'ue sc'ab' eb' d'a sjolom noc'.

Lv 8:14 ပူးပေါင်းရင်းမြစ်များ

Salmos 66:15

A no noc' caw b'a'ch yajx servil, a no 'oj wac' tz'a 'a yib'n̈ yet'l a xajmb'al. 'Oj wac' no mam wacax, no mam chiwo yet' pax no calnelu caw wach' sjab' tzab'i.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Ez 43:19

An Jehová in, an tzwal 'ixtic: A eb' ya'mal 'och sti eb' 'anma', atn eb' yin̈tl can win Sadoc, eb' tzin 'a'n servil, a eb' tz'a'n tz'a junc no quelm wacx xajmb'al-l 'ayn yuj ya'n lajwc mul.

Ez 43:20

Tzlajw cha, tze'n cot jac chic' cha, tza tzicn 'och 'a sch'ac jun yet'l xajmb'al chi 'a junjn yisquinyoal, atn jun 'ay 'a snan̈l cha. Tza tzicn 'och pax 'a jun 'icha smuroal cha, atn jun b'echn chan̈ 'a stitc cha. 'Ixta wal 'oj otc a sacb'tzan can yuj mul.

Ez 44:27

'ixta to b'i'an, tz'ochx 'a yamq'uil sti watut cha. Yowlal tzyac' junc xajmb'al 'ayn ta', yic tz'ajx lajwc smul, tzlajw cha, tzin ya'n pax servil.

Lv 1:4

Yowlal tzyac' q'ue jun 'anma chi sc'ab' 'a sjolm no noc' cha, sec chab'il no 'a 'a, yuj yajx lajwc smul.

Lv 16:21

Tzya'n q'ue sc'ab' schab'l 'a sjolm no', tzyamn 'och yaln 'ejm smul yet' stenmtacl eb' eyit israelal 'a yib'n̈ no'. 'Ixta tzyutj ya'n can 'och jun tzo'n̈ mul chi 'a yib'n̈ no', sic'b'ilx cab' pax junc winc tz'at 'a'noc can no 'a lum cusltac lum 'a najat.

Lv 16:6

Tzyi'n cot Aarón no quelm wacx yic tz'och no xajmb'al-l yuj smul yet' yuj eb' yic 'ayc' 'a yol yatut.

Lv 4:15

Ata tzyac' q'ue eb' yichm wincal chon̈b' sc'ab' 'a sjolm no'. Tzlajw cha, tzmiln cham eb' no 'a wojltac an Jehová in.

Lv 8:2

'Ij cot Aarón yet' eb' yunnal, tze'n pax cot spichl eb' tzya'ch 'a yic tzyiln yopiso ya'malc 'och sti eb' 'anma 'ayin, yet' pax perjuma tzc'anlb'ax 'a yic tzsi'x can 'och eb' 'a yopiso cha. Tze'n cot pax junc no quelm wacx 'oj 'ajxoc xajmb'al-l yuj yajx lajwc mul, chawn̈oc no calnelu, yet' junc yune xuc 'ixm pan may yich.

Nm 8:12

Tzlajw cha, tzya'n 'at eb' levita chi sc'ab' 'a sjolm e no quelm wacx cha, tz'ajx junc no xajmb'al-l yuj mul, ax junc xo no tz'ajx tz'a xajmb'al-l 'ayn an Jehová in, yic tzsacb'tzax can eb' levita cha.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.