Lv 8:13 - Chuj San Sebastian Bible

¹³ Xyaln Moisés to tzjaw pax eb' yunnal Aarón chi 'a stz'ey. 'Ix ya'n 'och sjucn pichl eb', sjal-l snan̈l eb' yet' pax sc'oxl sjolm eb', 'icha wal xyutj Jehová yalni.

Chuj San Mateo Bible

¹³ Ix yic'anpaxcot eb' yuninal vin̈aj Aarón chi' vin̈ d'a stz'ey. Ix ac'jioch spichul eb' jucan, stzec'ul eb' yed' sc'ox eb' yuj vin̈, icha val ix aj yalan Jehová.

Lv 8:13 ပူးပေါင်းရင်းမြစ်များ

Salmos 132:9

Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.

Ex 40:13

Tzlajw yachn eb', tzya'n 'och Aarón te spichl yic yopiso caw wach', tza tzicn can 'och perjuma 'a 'a, sec 'ixta tz'aj yochcn ya'malc 'och sti eb' 'anma 'ayin.

Ex 40:16

A Moisés 'ix sb'o 'icha wal xyutj Jehová yaln 'a 'a.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 61:6

Ax yaln eb' 'anma eyu'uj, to ya'mal 'och sti eb' 'anma chi eyaj 'a Jehová, schecb' ex Dios. A tas 'ay 'a jun tzo'n̈ xo nacion̈, a chi 'oj tzaljoc e c'ojl e c'uxni, ax tas wach' yilx 'ay 'a eb', a chi 'oj e c'anlb'oc, sec 'oj e b'inaxi.

Ez 42:14

A yic tz'och eb' ya'mal 'och sti eb' 'anma 'a yol yatut Dios, matz tac' scomn 'elt eb' 'a sti 'elt cha, mto b'eyc'oc 'a sti 'el 'amc' chi yet' spichl yic yopiso. Toto tz'elt eb', yowlal tzjelcn 'el eb' spichl 'a yojl 'och cha, chucx spichl eb' tzya'chi yic tz'elt eb' 'a scal eb' 'anma', xchi 'ayin.

Lv 10:5

'Ix c'och eb', xyi'n 'elt eb' sniwnal ewin chi 'a spatc 'el camplamento cha, 'icha xyutj Moisés yaln 'a eb'. A ewin chamnc cha, 'ayt 'och spichl ewin yic yopiso chi yu'uj.

Lv 8:21

smaxn 'el no sch'an̈quin, no xub' yet' no yoc. Xya'n tz'a smasnil 'a yib'n̈ yet'l xajmb'al. Caw wach' sjab' jun ofrenda chi xyab' Jehová, 'icha wal xyutj yaln 'a Moisés.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.