Lv 8:12 - Chuj San Sebastian Bible

¹² Xlajw cha, xya'n pax q'ue Moisés perjuma 'a sjolm Aarón, yuj yochcn ya'malc 'och sti eb' 'anma 'a Dios.

Chuj San Mateo Bible

¹² Ix lajvi chi' ix yac'anpaxq'ue aceite vin̈aj Moisés d'a sjolom vin̈aj Aarón yuj yochcan vin̈ yicoc Jehová.

Lv 8:12 ပူးပေါင်းရင်းမြစ်များ

Salmos 133:2

A jun tic lajn wal 'icha sja'l jun perjuma q'uenc 'a sjolm Aarón, win ya'mal 'och qui ti 'a Dios. A yic stob'x q'ue jun perjuma chi 'a sjolom, sb'ey 'emt 'a xil sti', masnto x'eml 'a sjaj te sjucn pichl winac.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ex 29:7

Tze'n cot jun perjuma tzc'anxi yic 'ay junc mach tz'ochcn wico'oc, tza secnq'ue 'a sjolm Aarón, sec tz'ochcn yopiso ya'malc 'och sti eb' 'anma 'ayin.

Ex 30:30

Tza tzicch pax perjuma chi 'a Aarón yet' 'a eb' yunnal, sec 'ixta tzotj a'n can 'och eb' ya'malc 'och sti eb' 'anma 'ayin.

Lv 10:7

Man̈ ex 'el pax 'a yol Mantiado tic, sec wach' matz ex chami, yujto ax tic, sic'b'ilx 'eli, 'ac'b'il q'ue perjuma yic Jehová 'a e jolom, xchi Moisés 'a eb'. 'Icha wal xyutj yaln cha, 'ixta xyutj sb'a eb'.

Lv 4:3

Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Lv 7:36

A 'a yic jun c'u cha, ata xyal Jehová to yowlal tzyac' eb' israel jun tzo'n̈ chi 'a eb'. A jun checnb'il tic, yowlal tzyiclx 'a smasnil tiempo yuj eb' israel yet' pax yin̈tl eb' b'aq'uin̈.

Lv 8:30

Xlajw cha, xyi'n cot jun perjuma yet' chic' 'ayc' 'a yib'n̈ yet'l xajmb'al. 'Ix stzicn 'at 'a yib'n̈ Aarón yet' 'a spichul, yet' 'a yib'n̈ eb' yunnal Aarón cha, yet' pax 'a spichl eb'. 'Ixta x'ajcn eb' yoch yet' spichl yico'oc Dios.